Isayas 24:12 - Fanawbuid tagsibaliwas Fakayabian

¹² At furuan marasrasan way ban gugat, anggan at sakbawan.

Isayas 24:12 ပူးပေါင်းရင်းမြစ်များ

Isayas 14:31

Am fag ngay taw Filistia, waywayi maksvn, aroro kadasug wan ay ngay fawayan kata sik anus siginans wala fag alvngvdan, ay tanan mabalyanan.

Isayas 32:14

Wa ban e gbanwan ya sanya fag furuan at maksvn fag afud, ay tagsanya fag buksul ay bale fagulitan umsik talun way ban kabavn, ay ngay asnu at fagbanwanan ay ngay tupa at fagnanfangonan.

Isayas 32:19

Dewa arak yelu kadaul ngay gang ayu sirut gfarayaw ay araw ay rumasras ay ngay furuan,

Isayas 45:2

Gguna kban emu, ay namadatag au ngay buksul, ay nanrasras au ngay sakbawan at mawatan tansu, anggan famalabag fag ngay sanbung.

Eremyas 9:11

Yawi glong te, “Nanrasras kwan Erusalem, ay kanya umkata at kinbaras fag ngay gang, ay tagbanwan ban sanya idu talun way lang. Ay fagayu ban furuan tagsis Uda namakata au at yud e taw fag talun, ay wa ban e gbanwan ya sanya.”

Takabalu 1:1

Furuan Erusalem mabaluanan way lang, ebi dewa ngayu at taw. Ebi kanya oma takadungug fag furuan sas fagdaul daga, ay katsi kata way lang sik fagbubayun. Ebi kanya dewa kata sik fun at mangena, katsi kata way lang sik fagsuguan.

Takabalu 1:4

Dalan tagsas furuan Erusalem maksvn fag fakabaluun, aroro we kadasug ya laman nangaful galay fagmafulun. Ay we taw ya si sangay sakbawan furuan. Ay fagayu tagfon fanggalangun gidapan, anggan ngay baguina maksvn nu kabalu. Maksvn sis Erusalem nu mabalu.

Takabalu 2:9

Erusalem at ngay sakbawan alad anrasras wan. Yawi nalifung wan ay narasras at ngay faningding sakbawan. Ay at fun anggan at ngay tagfangguna natabanan wan sa tangayayu fag talun. We saful ya Yawi at faugali, ay ngay taglong we taginfan ya siginans Yawi.

Takabalu 5:18

Aroro nafabayan wan Erusalem, ay idu talun way lang tagbanwan sanya.

Mikas 1:12

At matuyan, ngay taw sis furuan Marut kanbang wa daul awayan nu karagang. Dewa katanya, kanya ban fagayu wa gbayan aroro Yawi nafoyung sat ngay fawayan Erusalem at sakbawan laman ban at dalan.

Mikas 1:9

Aroro Samarya ban nu maiklasan kata sik buyu yud kafafia, ay umfasludan yangay ban takatatuy sas Uda, anggan sa ku ngay kaiban at fagbanwanan tiba tungud fag furuan Erusalem.

Mateu 22:7

Ay kafag fun maksvn nu kadotama ay nasugu at ngay tagfawayan laman namabul ngay taw takamabul ay nangirug at furuan.