Isayas 24:10 - Fanawbuid tagsibaliwas Fakayabian

¹⁰ Umrasras ban at furuan ay mabaluanan way. Madingdingan way ban fagayu bale laman we sumakbo.

Isayas 24:10 ပူးပေါင်းရင်းမြစ်များ

Fakasigadan 11:9

Kafag furuan daul nafangayan te, Babel. Kata kafag ngayan, Yawi nafasadsamanan taw at ngay fangaringang, ay sanya ginan fag furuan, Yawi nafasaruayan anya fagayu sas fagdaul daga.

2 Fun 25:4

Ngay taw Babilunya naiklas wan sik afud Erusalem at alad, ay kanya fagayu dewa maligung wan, Sedekya ay at ngay tagfawayan naduksun gina mayabi sas sakbawan tagsis wabilug duak alad munakbang sis fun at tanuman, ay nalagyu sas Liskung Urdan.

Isayas 23:1

Katatuy at foyungan sabaliwas Tiru: Waywayi wan fagayu am tagsakay sis Tarsis at ngay tagbia fag sakayan lino, aroro anrasras wan at fakatungkudan sis Tiru. Katanya ngay taw Sipre at foyungan ayu.

Isayas 24:12

At furuan marasrasan way ban gugat, anggan at sakbawan.

Isayas 25:2

Narasras wo at maaladan fag ngay furuan sa tibak talun. Ay narasras wo yangay tibak talun at ngay taw at mogat fag furuan, ay wa ban e gdog ya nangawat.

Isayas 26:5

At matuyan, e gfababa wa fia nusnga sinu takamatungudun, ay e rumasras wan at furuan anggan umrapyag sas daga.

Isayas 27:10

Mabaluanan way lang at maaladan fag furuan, ay we taw ya gbanwan sanya, ay kata way lang sik talun at yud e taw. Sanya at fagnamafangonan way lang ay fagfatiugan at ngay baka. At ngay baka nafamin wan ngay kayu at ngay don.

Isayas 32:14

Wa ban e gbanwan ya sanya fag furuan at maksvn fag afud, ay tagsanya fag buksul ay bale fagulitan umsik talun way ban kabavn, ay ngay asnu at fagbanwanan ay ngay tupa at fagnanfangonan.

Isayas 32:19

Dewa arak yelu kadaul ngay gang ayu sirut gfarayaw ay araw ay rumasras ay ngay furuan,

Isayas 34:11

Tagbanwan ban sanya ngay ebo way lang ay ngay ugak. Yawi at ke algan te, Edum umsik mabaluanan ay at yud e gbanwan fag talun.

Eremyas 39:4

Fun Sedekya ay at ngay tagfawayan nu nalag kanya fag ngay taw, gina gakayabiun kanya fagayu nalagyu wan. Kanya fagayu nadalan sas fun at tanuman, sas sakbawan tagsis wabilug duak alad, ay nalagyu sas Liskung Urdan.

Eremyas 39:8

Ay talun Babilunya at ngay tagfawayan nairug wan tagsis Erusalem fag ngay bale ay anggan fun at bale daul, ay narufa yangay ngay alad.

Eremyas 52:7

Ngay taw Babilunya naiklas wan sik afud Erusalem at alad, ay kanya fagayu dewa maligung wan, Sedekya ay at ngay tagfawayan naduksun gina mayabi sas sakbawan tagsis wabilug duak alad munakbang sis fun at tanuman, ay nalagyu sas Liskung Urdan.

Mikas 2:13

Nanluang kban at nataban ayu fag furuan at sakbawan, ay gguna kban ayu gina am gduksun. Au Yawi ay Fun, at namangguna ban ayu.”

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.

Lukas 19:43

Aroro umdasug ban sik ngay menit, am ngay fawayan nantungluan namawayan emu, ay nanligung emu, ay kadasug nusnga ndaginan baliwa.

Lukas 21:24

Tibak taw umbul ban sas fiso, ay tiba e gtaban ban sa tibak talun. Ay at yud Udyu fag ngay taw namabo ban furuan Erusalem, yakmay ban antabu Dius at nafalganan fag buknga laman sa kafag ngay taw.”

At Nafasure 18:2

Ay kanya maksvn nu guro te, “Anrasras wan at mabalyanan fag furuan daul Babilunya, ay katsi tagbanwan sanya, at mauri fag ngay falad, kanya at mauri fag ngay taw yabi, ay at mauri fag ngay manuk tungud, ay at mauri fag ngay mangilafang.