Isayas 24:1 - Fanawbuid tagsibaliwas Fakayabian

¹ Fagayu am, dungugani! Yawi rumasras ban fagdaul daga, ay namasaruayan fagayu taw.

Isayas 24:1 ပူးပေါင်းရင်းမြစ်များ

2 Fun 21:13

Namaurianan au Erusalem kata nu gfaurianan au Samarya ay fun Akab fag talanan. Namegus au Erusalem kata sik fagsuadan at mafegusan ay mafaluban.

Nemyas 1:8

“Amatangi ebi am nalong sas Muisis te, ‘Ngay taw Israel, nu dway ban am matuyan sa angku, namasaruayan kban ayu sa sangay talun.

Alubad. 146:9

Kanya galaga tua ngay betaw, ay ggubuk at yud e fagtainan ya anggan ngay fagbubayun. Dewa katanya, kanya gsalag way ngay taw mauri at ngay algan.

Isayas 13:13

Nanguig kban banwa ay fagdaul daga. Ay ginanya ban fag menit, namakamulun au takatanya laman namasure au ku maksvn fag dotama.

Isayas 13:5

Kanya fagayu siginan tangayayu fag ngay talun. Yawi ay at ngay tagfawayan rumasras fagdaul talun.

Isayas 2:19

Ay ginanya ban, Yawi gfalag at dotama ay at fagmabalyananun siginan nu guig fagdaul daga, ay ngay taw ban lumagyu nansuksuan sa sangay alian ay sa sangay daga luib sa sangay fungsu.

Isayas 24:19

Fagdaul daga umkarang ban ay umbaltak,

Isayas 24:20

ay granranugan kata sik tagalangu, ay muigan kata sik balean tagmara nu nadalan. Fagdaul daga gabyatan at asalanan, ay kanya ban umrasras ay wa ban gdog ya umlindug.

Isayas 27:10

Mabaluanan way lang at maaladan fag furuan, ay we taw ya gbanwan sanya, ay kata way lang sik talun at yud e taw. Sanya at fagnamafangonan way lang ay fagfatiugan at ngay baka. At ngay baka nafamin wan ngay kayu at ngay don.

Isayas 29:16

Ay amatanganan mabilingan way. O sik takawat bisu katap te, sik lutuk? O sik bisu mafalong way sat nawat anya te, “Bunwa o at nawat angku?” O sik bisu mafalong way sat nawat anya te, “Wo e nasafulan?”

Isayas 29:2

Ay dewa katanya, namawayan kway ban kafag furuan, ay at ngay taw gwaywayan ban kabalu. Ay nu sa angku, kafag furuan umkata wa sik fagirugan tagatagukun.

Isayas 30:32

E gfamin waban fagayu taw sanya ay kayu ginan Yawi gfalang sanya fag ngay taw, gfasfuan sik fagfadkalinganun ay fagfawangun ke ngay bakyang.

Isayas 32:12

ay abalui ay gamasun at ngay rawvg ay at marawvg fag ngay ubas.

Isayas 33:9

Afanyuan talun Israel. Anlangke wan Lebanun at ngay kayu, ay kapla wan. Datag Sarun kata way sik talun at yud e taw. Nafangatongan wan ngay kayu at don sas Basan ay sas Karmel.

Isayas 34:10

ay kanya ban wa karabung ya kayu menit ay kayu yabi, ay anus kabat sas kiwang kabavn ban. Wa ban e gbanwan sanya ay wa ban e taw dumalan sanya kabavn.

Isayas 34:2

Aroro Yawi kadotama fagayu talun at ngay taw, kanya kadotama at ngay tagfawayan, ay namamin ban fagayu. Namabul waban anya fagayu.

Isayas 42:15

Nanrufa kwan ngay buksul ay anggan ngay fungsu, ay namagong au ngay tanum. Namalanggang au ngay liskung ay anggan ngay bunaw.

Isayas 5:6

Kwa ban gulit ya ku tanuman wat ubas. Ay kwa ban gfagud ya at ngay sanga ay ggulad ya at makmak tagfaut. Ay nanlong kban sa sangay linyabu te, ‘Lag karak ya.’ Nu katanya, umkayu ban at madugi fag makmak, ay umkata ban sik araw.”

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Eremyas 40:15

Nu katanya, Ukanan nalao sas Gedalya we saful ay glong te, “Gfabul kwa ban Ismael, at yud e nasaful. Lag ta gfabayan Ismael nu gfabul emu. Aroro nu nafabul way ro emu, kanya wan tagfatuyan te, umsaruayan waban ay umkalyam ngay taw Udyu at kinfamato sis Uda.”

Eremyas 50:17

“Ngay taw Israel kata way sik ngay tupa at nasaruayan aroro ngay liun gfafalo. Taguna, fun Asirya naon anya fagayu, ay Nabukudunusur, Babilunya at fun, at narufa at ngay bini.

Eremyas 51:34

Ngay taw Erusalem glong te, “Nabukudunusur talun Babilunya at fun kata sik ule daul naon emi. Ay kanya nafapsug anya em ngay ramraman, ay naubun wan em furuan ay we nafasawad ya nusnge wain, kata way lang sik tikung at yud e bilug ya.

Eremyas 9:16

Ay namarapyagan au anya fagayu sat fagyudun toglag fag ngay talun, ay anggan at mangaguyang at fagyudun toglag. Ay namadasug kban sa anya fagayu tagfawayan laman namawayan ay namamin.”

Esekyel 12:20

At ngay furuan ban umrasras wan, ay kanya ban fagayu kabalu maksvn ay sumaful te, au Yawi.’ ”

Esekyel 24:11

Sanya ginan, at yud e bilug fag bisu fasai stungud singsing afuy yakmay masugba ay at ngay layungun katinas. Sa takatatuy fag balyawvtan, bisu umsine ay umkalyam at ngay anenay.

Esekyel 35:14

“ ‘Nu katanya, au, Fun Dius Yawi, glong au te, namasik mabaluanan kban ay talun, ay fagayu ban taw sas fagdaul daga guseganan.

Esekyel 5:14

Nanrasras kban ay furuan daul ay tagligung ban ayu fag ngay furuan ay fagayu ban taw tagdalan sa ay furuan gfalingun ayu.

Esekyel 5:2

Taguna fag afud namoli o sam natagis fag furuan Erusalem. Ay nangirug o sas wabilug furuan nu ntabu wo gfalag nu setain furuan Erusalem nu gababawan. Ay at faduak afud, gatvngi ay fatunglui sas furuan daul. Ay at sawad, falayugi wan sas tagmara. Aroro namabul kban ku ngay taw siginan sik fiso tagsumbalian at uyup.

Esekyel 6:14

Gfaurianan kban anya fagayu nusnga nday nu gbanwan ay namasik mabaluan kban at talun, siginan at yud e taw fag talun ay tagsas fawalan baliwa fag alvngvdan ay sas Dibla tagsis fasiunan baliwa fag alvngvdan. Nu katanya, kanya ban fagayu sumaful te, au Yawi.”

Esekyel 6:6

Ay fagdaul ban ay furuan kaiklas wan, laman ay ngay fagnansegan ay ngay fagnangirugan ay anggan ay fagnangirugan at mabebanglu fag lune ay tiba ya ay nafakamulun, umkalyam wan.

Esekyel 7:12

Matuyan, munakbang wan nu namaurianan au ayu. Ngay tagbayad wa gfanagsag ya, ay tagfalao wa ganuran ya, aroro ku dotama ban umdasug sas fagayu taw.

Esekyel 7:14

Ay dewa guyup at budyung laman gfafalganan namawayan, wa ban e gfalganan ya, aroro ku dotama ban umdasug sas fagayu taw.

Naum 1:5

Fungsu, buksul ay fagdaul daga guigan sit salubangan, ay fagayu taw gtadtaruyan kalimu.

Naum 2:10

Nu katanya, furuan Ninibe umrasras, umkamin, ay umbalu! Ay fagayu tagbanwan sanya umlimu, ay ummomuy, ay gfandeng ay gtadtaruyan.

Lukas 21:24

Tibak taw umbul ban sas fiso, ay tiba e gtaban ban sa tibak talun. Ay at yud Udyu fag ngay taw namabo ban furuan Erusalem, yakmay ban antabu Dius at nafalganan fag buknga laman sa kafag ngay taw.”

Fakamulun 17:6

Ay kanya fagayu wa nalag duama, nu katanya, at nagamat Asun way ay tiba yak tagafanud. Ay kanya fagayu naguyudan kafag ngay tagafanud sa sangay tagfangguna at daga salubangan, ay guro te, “Kafag duama gfae fagawayanun nusnga nday siginan at ngay foyungan, ay katsi, andasug stie sa tam furuan.

Deuterunumyu 28:64

Yawi ban gfasaruayan ayu nusnga nday fag talun. Ay sanya ban gseg am sa tibak ngay fagsegan at mawatan kayu ay gang, am ay anggan ay mangaguyang ay fagyudun toglag fag ngay fagsegan.

Deuterunumyu 32:26

Nalong au te, gfaurianan kban anya fagayu, yakmay ban kanya fagayu yud kamatang ya sas fagdaul daga.

Deuterunumyu 4:27

Yawi ban namasaruayan ayu sa tibak ngay talun ay wa ban am ngayu ya takasawad si sangay talun at ngay taw nu inda Yawi nu gaiyan ayu.

Santiagu 1:1

Au, Santiagu, Dius ay tam Fun Isus at fagsuguan. Gfadasug au ku longan sas taw Israel at kasugfunanan fag labi dua at nasaruayan sas fagdaul daga.