Isayas 23:9 - Fanawbuid tagsibaliwas Fakayabian

⁹ Yawi at Mabalyanan at ke algan takatanya, laman namatong takamatungudun tagseg at kamasinean, ay laman gfamababaun ngay takadungug sas fagdaul daga.

Isayas 23:9 ပူးပေါင်းရင်းမြစ်များ

Ub 12:21

Kanya gfauri ngay fun, ay gbul ngay taw at mabalyanan at fagmakatuun.

Alubad. 107:40

Dius nafae fakaplaun at ngay tagfangguna, ay naiyan anya fagayu ay nafalao sa sik yud e gbanwan ay yud e dalan fag talun.

Nu Galin 8:4

Ay kanya ban fag ngay fio nanliptuk sa emu anggan sam ngay taw ay sam ngay tagfakamulun fagayu.’ ”

Isayas 10:33

Fagayu am, dungugani! Tam Fun, Yawi at Mabalyanan, namamin fagayu taw Asirya siginan at madulo fag fagmabalyananun kata nu glifung sik sanga kayu. Kanya nafababa at ngay takamatungudun sat iba, kata nu gfuan tangabat fag ngay kayu.

Isayas 13:11

Namaurianan kwan fagdaul daga aroro sat fagmauriun ay anggan ngay tagasalanan aroro sat ngay asalanan. Ay namamin kwan fagayu taw takamatungudun. Ay gfaragang kwan ngay taw nu kamalabi.

Isayas 14:24

Yawi at Mabalyanan maksvn nu glong te, “Anud, umfasludan ban ku namatangan ay ku ngay algan.

Isayas 14:26

Katanya ban ku fagnamakamulunun sas fagdaul daga. Katanya ban ku faurianan ku fagnamalagun sas fagayu talun.”

Isayas 14:27

Sinu at mafafaragang Yawi at Mabalyanan at algan? Sinu at manansalag at ngay faurianan?

Isayas 2:11

Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 2:12

Yawi at Mabalyanan nafalganan sik menit laman namaurianan fagayu takamatungudun, ay fagayu taglong te, mabalyanan ami.

Isayas 2:17

Ay ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag,

Isayas 23:10

Am fag ngay taw Tarsis, tanumi sa ay daga sis tigyangan Liskung Nilu, aroro sis Tiru, we fakatungkudan ya sakayan lino.

Isayas 32:13

Sa ku ngay taw at daga e tumugbung sik ngay makmak madugi. Kalyam ban at manabayan fag furuan at ngay bale.

Isayas 5:13

Nu katanya, ku ngay taw ban gatabanan, aroro kanya fagayu wa gamatangan ya ku ngay nafakamulun laman sa anya fagayu. Kabul ban am sas fanlunus ay sas fandanum gasfuan ay ngay tagfangguna.

Isayas 9:15

Ngay fagtainan ay at ke fanambagun fag ngay taw umkata kafag mangilafang at liug, ay takamuag fag ngay taglong umkata kafag mangilafang at iug.

Eremyas 51:62

Ay nu ntabu wan, darangini sas Yawi te, ‘Rasrasi wan kafag furuan laman we gbanwan ya sanya dewa taw ay nusnge wain tagleleg ay laman ban kafag furuan umsik mabaluanan way lang.’

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Ubadyas 1:2

Yawi nalong sa sangay taw Edum te, “Namakata au ayu sik yud e fagmakatuun fag talun, ay tagafalingunan maksvn sas fagayu taw.

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Fakamulun 4:28

Ay kanya fagayu nafakamulun kata am algan siginan am fagmabalyananun sabaliwa takadasug ban.

Efesu 1:11

Aroro sa tam Fun Isus, Dius nafili emi laman at furuan, kata at fakaylatun siginan ebi sfakasigadan. Ay kanya nafafasludan takatanya kata at algan,

Efesu 3:11

Katanya Dius at algan siginans fagsigadan, ay kanya nafafasludan at algan siginan tam Fun Isus.

Santiagu 4:6

Ay Dius at nafon sa antam at gubuk kasakan wan. Nu katanya, anriruk sis Dius at Longan te, “Dius wa gfadiuganan takamatungudun fag ngay taw, dewa katanya, kafanyu tua nusnga sinu takamababaun.”