Isayas 23:1 - Fanawbuid tagsibaliwas Fakayabian

¹ Katatuy at foyungan sabaliwas Tiru: Waywayi wan fagayu am tagsakay sis Tarsis at ngay tagbia fag sakayan lino, aroro anrasras wan at fakatungkudan sis Tiru. Katanya ngay taw Sipre at foyungan ayu.

Isayas 23:1 ပူးပေါင်းရင်းမြစ်များ

Fakasigadan 10:4

Ay Aban at ngay baguama: Elisa, Tarsis, Kitim, ay Dudanim.

1 Fun 10:22

Ay fun Sulumun e ngay sakayan lino yangay tagbuba at ngay famaloun, ay tagfakamulun sanya Kiram at ngay fagsuguan. Ay kafag ngay sakayan lino nu kafoli sadi ginan way galay tuluk banwa, ay e buba gintu, salapi, elipanti at bagang, ay ngay amayan talay ay tagbia.

1 Fun 22:48

Eusafat e nafawat sik ngay sakayan lino laman gfioan sas Ufir laman namul gintu. Dewa katanya, kanya wa mafioan ya aroro ankiklas sis Esyun-Geber.

1 Fun 5:1

Kiram, Tiru at fun, fun Dabid at fagadgalangan. Ay fun Kiram nu nasaful te, Sulumun natubus at mama Dabid laman sik fun, kanya nasugu at ngay fagsuguan fag ngay tagfangguna sas fun Sulumun.

2 Krunika 9:21

Ay fun Sulumun e ngay sakayan lino yangay tagbuba at ngay famaloun, ay tagfakamulun sanya Kiram at ngay fagsuguan. Ay kafag ngay sakayan lino nu kafoli sadi ginan way galay tuluk banwa, ay e buba: gintu, salapi, elipanti at bagang, ay ngay amayan talay ay tagbia.

Alubad. 48:7

Dius nafabul kanya fag ngay tagfawayan, kata fulug nu giklas at ngay sakayan lino tagbia.

Isayas 15:8

At kaksvnan nu gwayway kadungug sas tigyangan Muab anggan sas Eglaim ay sas Beer-Elim.

Isayas 2:16

Kanya ban gfalubgub wan fagayu sakayan lino tagbia ay at masine.

Isayas 23:12

Yawi nalong te, “Furuan Sidun at ngay taw, wa ban am manabayan ya. Anrasras wam! Dewa am lumagyu sas Sipre, wa ban am gugat manabayan sanya fag furuan.”

Isayas 23:6

Waywayi wan, fagayu am tagbanwan sa sangaba tigyangan dagat. Difei wan sas Tarsis.

Isayas 24:10

Umrasras ban at furuan ay mabaluanan way. Madingdingan way ban fagayu bale laman we sumakbo.

Eremyas 2:10

Yawi gfataglayun nu glong te, “Difei sas Sipre fag furu tagsis wabilug dagat sabaliwas fakayabian, ay sugui yangay sas Kedar sabaliwas fakamenitan, ay nanginsaful am te, o anfasludan takatanya.

Eremyas 25:15

Yawi, Israel at Dius, nalong sa angku te, “Buli si ku daluap fag taya at mapnu ku fandotaman ay namainum o sas fagayu talun nusnga nday nu gsugu au emu.

Eremyas 25:22

ay sis talun Tiru, Sidun, ngay furu sas dife dagat,

Eremyas 47:4

Aroro kadasug ban sik menit laman namamin fagayu taw Filistia anggan at fagudgubukan fag ngay taw Tiru ay Sidun. Yawi ban namamin wan ngay taw Filistia tagbanwan sis Kaftur.

Esekyel 26:1

Gina taguna fag menit ginanya fag magdanun, sis falabi sadik banwa nu gatabanan ami, Yawi nalong sa angku te,

Esekyel 26:2

“Taw at baguama, ngay taw Tiru maksvn nu guseganan gina furuan Erusalem karasras. Kafag ngay taw glong te, ‘Ngay tagfalao at fagnamalaoan gugat fag furuan anrasras wan, nu katanya, kanya ban fagayu stae wan sa antam ay itam man ban takaramraman.’

Esekyel 27:30

Kanya ban fag ngay taw gwayway maksvn, ay gfasat tungud alfuyu lukbu ay gdagingan sis wa dafug laman gfalag te, kabalu.

Esekyel 27:6

Am ngay fangiang lino mawatan kayu daul tagsiginans Basan. Ay am salug mawatan ngay kayu tagsiginan yays Sipre fag furu, ay e rarawan mawatan siginans elipanti at bagang aba.

Daniel 11:30

Aroro tagsis sakayan lino fag ngay tagfawayan siginans fakayabian baliwa namawayan anya. Nu katanya, kanya ban maksvn nu kalimu ay kafoli sat talun. Nu katanya, kanya ban kadotama Yawi at ngay taw at fagafanudan. Ay kanya ban namauseganan ngay taw at naubun at fagafanudun.

Unas 1:3

Dewa katanya, kanya nananuksuan Yawi, at algan sas talun Tarsis. Kanya ndasug sas furuan Upa ay nalag sik sakayan lino tagsas Tarsis. Unas nafon at famayad ay nasakay magamut ngay tagfakamulun sis sakayan lino ay tiba yak tagsakay.

Tap 24:24

Ngay taw ban kadasug siginans Sipre gsakay sit ngay sakayan lino, ay kanya ban fagayu nangagbilug ngay taw Asirya ay taw Eber, dewa katanya, Kitim ban umrasras.”

Lukas 10:13

Ay Isus nalong te, “Ida, furuan Kurasin ay furuan Betsaida at ngay taw. Aroro nu sa di ngap furuan Tiru ay Sidun nu gfakamulun au ku nafakamulun sa ayu at madulo, kanya ro fag duak furuan glugo wan nu gubun at ngay asalanan, ay gsulun saku, ay malunggung sis dafug, laman gfalag te, gubun wan at ngay asalanan.

Uswe 19:29

Ay at fatuan kabaraud sabaliwas Rama ay maaladan fag furuan Tiru, ay gtaglayun sas Kusa, sitsigons Dagat Mediteranyu munakbang sis Aksib,