Isayas 22:6 - Fanawbuid tagsibaliwas Fakayabian

⁶ Elam at ngay tagfawayan nu namawayan e ngay godun, ay gsakay sis kabayu at faguyudan fangawayan. Ay anggan Kir at ngay tagfawayan gina namawayan, gfalganan at mesa famalabag.

Isayas 22:6 ပူးပေါင်းရင်းမြစ်များ

Fakasigadan 10:22

Sem at ngay baguama: Elam, Asur, Arfaksad, Lud ay Aram.

2 Fun 16:9

Asirya at fun naylat Akas at fagetun, nu katanya, kanya nafawayan ay nagbilug furuan Damasku. Kanya nataban sas furuan Kir ngay taw tagbanwan sanya, ay nafabul Resin.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 15:1

Katatuy at foyungan sabaliwas Muab: Kaduge way ban sik yabi nu e grasras furuan Ar ay Kir, talun Muab at fagagbilugun.

Isayas 21:2

Nalag au sik malimu fag taginfan sabaliwas fakamaboun ay faurianan. Elam ay Medya, fawayani Babilunya! Dius ban namaragang wan Babilunya nu gfaurianan tibak talun.

Isayas 22:7

Kanya fagayu matunglu sit fakesugun fag ngay datag, ay kafag ngay tagakabayuan maful si ay sakbawan furuan alad,

Amus 1:5

Nanrasras kyangay ban furuan Damasku at sakbawan alad, ay namamin kban datag Aben, ay furuan Bet-Eden at tagfangguna. Ay e nanggamat ngay taw Sirya ay nantaban sas talun Kir. Au, Yawi, taglong tuy.”

Amus 9:7

Yawi nalong te, “Ngay taw Israel, nu gamatangan au ayu gsud way am ngay taw Etiupya. Matuyan, nafalfas au ayu siginans talun Igiptu, ay nafalfas kyangay ngay taw Filistia siginans Kaftur, ay ngay taw Aram siginans Kir.