Isayas 22:5 - Fanawbuid tagsibaliwas Fakayabian

⁵ Aroro tam Fun, Yawi at Mabalyanan, nafalganan sik menit laman ngay taw ban gbarisanan ay glagyu sis tagubungan nu inda nu glag ngay taginfan. Sanya ban fag furuan at ngay alad umrufa wan, ay ngay taw tagbanwan sanya guro sas buksul te, “Gubuki emi.”

Isayas 22:5 ပူးပေါင်းရင်းမြစ်များ

2 Fun 19:3

Ay kanya fagayu nu ndasug sas Isayas, nalong anya te, “Esekyas glong te, ‘Katsi maksvn nu gidapan tam, ay nu gafaurianan tam ay gafaplan. Kata tam sik mangena tagafasalugun at yud e bitsug ya gfasalug at ngenge.

2 Fun 25:10

Kanya nafangguna talun Babilunya at ngay tagfawayan, ay naiklas Erusalem at alad.

Isayas 10:6

Gsugu kban anya fagayu laman namawayan ku fakadotamaun fag ngay taw at yud gfaning angku, ay laman nanrasras ay nansiad anya fagayu kata nu gsiad lifak sa sangaba dalan, ay namul yangay ban at ngay ramraman.”

Isayas 22:1

Katatuy at foyungan sabaliwa sik tagubungan nu inda Dius gfalag ngay taginfan: Setain katsi takafasludan? Wain ay fagsiun ay tungud bale?

Isayas 25:10

Matuyan wan Yawi gumubuk wa fia ste fag Buksul Siun, ay dewa katanya, namaurianan waban ngay taw Muab. Yawi ban nansiad Muab kata sik nagutan sas fagukasan ifut.

Isayas 37:3

Ay kanya fagayu nu ndasug sas Isayas, nalong anya te, “Esekyas glong te, ‘Katsi maksvn nu gidapan tam, ay nu gafaurianan tam ay gafaplan. Kata tam sik mangena tagafasalugun at yud e bitsug ya gfasalug at ngenge.

Isayas 5:5

Namoyung au ayu ku fagnamakamulunun ban sa ku tanuman wat ubas: Nanrasras kban at matunglu fag ngay tanum, ay nanrufa kban at alad, laman ngay mela nangon ay nansiad.

Isayas 63:3

Yawi nabalus te, “Aroro andotama au maksvn naturis kwan ngay talun at taw kata sik rawvg ubas. Sesadi kway at naturis. Nu katanya, ku lanbung natagukun.

Isayas 63:6

Ay aroro kadotama au, nasiad kwan ngay talun at taw, ay nafaranranugan au anya fagayu kata sik ngay tagalangu. Ay naugwag kwan sas daga at ngay taguk.”

Eremyas 30:7

Ay ginanya ban fag buknga maksvn nu malimu, ay wa ban e kaksvn nya kanya nu malimu. Ginanya ban Akub at ngay kasugfunanan gidapan, dewa katanya, sa ban taguyan kanya fagayu umlangfe yay sanya ginan fag fagidapun.

Takabalu 1:5

Ay at ngay fawayan nafagsuguan anya fagayu, ay anramraman. Maksvn Erusalem at asalanan, nu katanya, Yawi nafaidapan anya. Ay at ngay fawayan nataban anya fagayu.

Takabalu 2:2

Ay kanya narasras yangay ngay taw Israel at fagbanwanan. Ay siginan at dotama, kanya narufa yangay furuan Erusalem at alad. Ay nafaragang wan sanya fag fagfunanun, ay nafaragang yangay ngay tagfangguna ay nafae fakaplaun.

Takabalu 2:8

Yawi anke algan nanrasras furuan Erusalem at alad. Kanya nafalganan laman namakamulun takatanya. Ay nafataglayun at algan.

Usea 10:8

E rumasras ban at ngay bale fagnansegan si tangabat fag buknga sis Aben, tagfae asalanan ngay Israel. Ay at ngay fagirugan fanggalangun umfaut wan siginan at madugi fag ngay makmak. Ay kanya fagayu glong ban sa sangay buksul te, ‘Fakwani wa emi.’ ”

Mikas 7:4

Ngay taw sit furuan takatap te, matuyan, we tungkul, kata way sik wat at madugi. Ay andasug wan at buknga Dius nu namaurianan anya fagayu, kata at ngay taglong at nafararang ebi. Ay andasug wan at buknga nu nangafaplan.

Sefanias 1:15

Ginanya ban fag menit, Dius namadasug at dotama. Ginanya ban, mabalu ay maidap, ay karasras ya. Ay ginanya ban, glinyabu ay umdulum,

Mateu 24:16

Ginanya ban, fagayu taw tagsis talun Udea lagyui sa sangay buksul.

Lukas 23:30

Kadugenya, ‘ngay taw ban lumong sa sangay fungsu te, “Atongi sa emi,” ay sa sangay buksul te, “Tabuni emi.” ’