Isayas 22:2 - Fanawbuid tagsibaliwas Fakayabian

² Ngayuk taw tagaringang ay tagfanguroan guseganan sas fagdaul furuan. Ay ngay iba at kinbul nu kabul, wa sis awayan.

Isayas 22:2 ပူးပေါင်းရင်းမြစ်များ

Isayas 10:4

Wa ban am e balyawvtan ya sangay at nantudan magamut ngay natabanan ay mannga nantaygilidan magamut at ngay kinbul. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 23:7

Ebi, manabayan tua furuan Tiru, tangaduge wan nu mawatan. Ay at ngay taw nadasug tua sa tangayayu fag talun ay nagbilug wan sanya at ngay daga. Dewa katanya, amatangani at kinfasludan katsi.

Isayas 32:13

Sa ku ngay taw at daga e tumugbung sik ngay makmak madugi. Kalyam ban at manabayan fag furuan at ngay bale.

Isayas 32:14

Wa ban e gbanwan ya sanya fag furuan at maksvn fag afud, ay tagsanya fag buksul ay bale fagulitan umsik talun way ban kabavn, ay ngay asnu at fagbanwanan ay ngay tupa at fagnanfangonan.

Isayas 37:33

Katatuy Yawi at longan sabaliwas Asirya at fun: “Kanya ban wa gsakbo sas furuan Erusalem, ay wa magbilug at godun laman gfatos nusdi sadi at banyas. Kanya wa manangakbang at ke famalabag ay nanligung laman namawayan.

Isayas 37:36

Ay Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.

Eremyas 14:18

Ay nu nalao au sas fagtanuman ay sas furuan daul, nalag au at ngay kinbul sis awayan ay sis fanlunus. Ngay taglong ay ngay takamoyung gfataglayun nu gfakamulun, dewa katanya, wa saful at ngay fakamulun.’ ”

Eremyas 38:2

‘Nusnga sinu tagbanwan yay gugat sis furuan, umbul ban sas awayan ay fanlunus ay fakasaitun, dewa katanya, nusnga sinu ban at nafamababaun sa sangay taw Babilunya wa ban kabul, nu bunway kalangfe tua ban ay gleleg.’

Eremyas 52:6

Ay sis fasiamk menit sis faufatk magdanun ginanya yangay fag banwa, anke fanlunus maksvn sis furuan Erusalem ay ngay taw tagbanwan sanya we fakonun ya.

Takabalu 1:1

Furuan Erusalem mabaluanan way lang, ebi dewa ngayu at taw. Ebi kanya oma takadungug fag furuan sas fagdaul daga, ay katsi kata way lang sik fagbubayun. Ebi kanya dewa kata sik fun at mangena, katsi kata way lang sik fagsuguan.

Takabalu 2:20

Yawi, damai tua emi. Amatangani nu sinu am fagfauriananun. At kaksvnan nu kalunus ami, at ngay mina naon wan at ngay ngenge. Ay nafabul wan ngay tagfon fanggalangun ay ngay taglong sim bale.

Esekyel 22:5

O fag furuan takadungug aroro sam fagmauriun ay sam fagyudun e fagmanabayanun, tiba bank talun tangayayu ay at munakbang gfalingun emu.

Sefanias 2:15

Katanya ban takafasludan sas furuan Ninibe, aroro kanya fagayu glong te, ‘We manamawayan emi ay we mafasud emi.’ Dewa katanya, kanya fag furuan umrasras wan, ay tagbanwan ban sanya, tagfangagat way lang fag ngay mela. Ay nusnga sinu ban tagdalan sanya gfalingun ay kase kafag furuan.”