Isayas 22:13 - Fanawbuid tagsibaliwas Fakayabian

¹³ Abat ngate, guseganan yayam. Nanfilas tuam sik ngay baka ay sik ngay tupa, ay guseganan wam gfangon ay ginum. Aroro nalong am te, “Guseganan way tam, gfangon ay ginum tam, aroro didayu umbul ban tam balabag.”

Isayas 22:13 ပူးပေါင်းရင်းမြစ်များ

Isayas 26:10

Dewa o kafanyu at mauri fag ngay taw, wa gugali at masine. Dewa gbanwan magamut sit masine fag ngay taw, gfataglayun yay gugat nu gfakamulun at mauri, ay wa natoglag am fagmabalyananun.

Isayas 29:1

Yawi nalong te, “Afanyuan Erusalem, Dabid at fagbanwanan fag furuan! Agvd, e fagmafuluni kayu banwa am tagsis furuan.

Isayas 47:8

Dungugani, sik tagfangaylat o sam sadili fakaylatun, ay nu gamatangan o, we kadasug sa emu at mauri. Ay nalong yay o sam sadili te, we gfasud angku. Ay nu gamatangan o, wo umsik fagbubayun, ay di mbul am ngay sisian.

Isayas 5:11

Ida, afanyuan am! Am takafulo masurip laman nanginum fanlangu, ay am tagfasigad ginum siginans fafun sitsigons buknga yabi laman galangu am.

Isayas 5:12

Gina am maful si ay fagmafulun, ay amatanganan sa way baliwa ay ngay fagfawangun ke ngay bakyang, ay ngay fagfadkalinganun, ay tulali, ay anggan ay ngay fanlangu. Dewa katanya, wam gamatangan ya sabaliwa Yawi at nafakamulun laman sa ayu.

Isayas 5:22

Ida, afanyuan am! Am tagananad ginum at malangu, ay tagsaful ngay famasuglat sas fanlangu.

Isayas 56:12

Kanya fagayu glong te, “Gewan! Namul tam fanlangu laman galangu tam! Aroro nu setain nu yud tam e fagayudanun katsi fag menit, katanya yangay ban anggan balabag.”

Isayas 58:3

Kanya fagayu gdog yay glong sa angku te, ‘Wami nafangon laman gdarangin, dewa katanya, wo kasalag emi. Nafamababaun ami, dewa katanya, wo yangay kasalag.’ Katatuy ku famalus ayu: At matuyan, kaduge am yud gfangon laman gdarangin, ay sadili way ay fagamatanganun. Gfaidapan am ay ngay tagfakamulun.

Esekyel 16:49

Am faduksay Suduma anke asalanan siginan nu kamatungudun. Kanya fag talnayan ngayu oma at fakonun ay doma e fagayudanun, dewa katanya, wa ggubuk at yud e kwa ay tagayudan.

Usea 9:1

Usea nalong te, “Am fag ngay taw Israel, faragangi wan nu guseganan am kata tibak ngay talun, aroro gseg am sa tibak fagsegan ay kayayu wayam ay Dius. Dewa nday fag fagruyusan fare, gseg wam ay gutluan ay glong am te, ‘Tuy wan tam famayad siginan tam ngay fagsegan aroro gseg tam anya.’

1 Kurintu 15:32

Ku fawayan ste sis furuan Efesu kata sik ngay idu talun tagfangagat, ay we tungkul nu gfawayan au nu sa ways taw at leleg katsi. Nu matuyan way ro te, Dius ban wa gfadog ya gfaleleg at ngay kinbul, at masine, “Gfangon yakman lang tam ay ginum, aroro balabag ban manga kabul watam.”

Santiagu 5:5

Nabul wam ay fakaylatun ay ay fagalabianun ste swa daga. Nafataglu am ay sadili kata fagfilasun fag bumbu at mafatagluan.