Isayas 22:12 - Fanawbuid tagsibaliwas Fakayabian

¹² Ay tam Fun, Yawi at Mabalyanan, nafaidapan ayu laman umke fakabaluun am, ay gwayway am, ay gfalanu ay ngay alfuyu, ay nangalanbungan am saku laman sik fagtoglagan te, kabalu am.

Isayas 22:12 ပူးပေါင်းရင်းမြစ်များ

2 Krunika 35:25

Ay Eremyas nawat sik ngay alubad sabaliwa nu kabalu Usyas, ay dasug katsi ngay tagsaful galubad, galubad laman gamatang anya. Ngay taw Israel galubad gugat takatanya fag alubad. Ay kafag ngay alubad marirukan sis fafil sabaliwa nu kabalu.

Esra 9:3

“Nu nadungug au takatanya, nagirat au ku lanbung at kaksvnan nu kabalu au, nafaburago au ku buk, ay naranggut au ku umi ay namalunggung au kabalu.

Nemyas 9:9

“Ay gina em ngay mangaguyang gidapan gina sis talun Egiptu, nalag tuo. Ay gina kanya fagayu sis Dagat Maraska, nabalus tuo at ngay fagetun.

Ub 1:20

Ay Ub anlindug ay nagirat at lanbung aroro maksvn nu kabalu. Ay naufo at buk ay namalub sas daga laman gseg Yawi.

Takamoyung 3:11

Fagayu tuy Dius at nafalganan takafasludan sas fagayu buknga. Ay kanya nafon antam amatanganan laman saful tam takadasug ban, dewa katanya, wa tam saful at ngay fakamulun siginans fagsigadan ay anggan ban sas fakatabuan.

Takamoyung 3:4

E buknga galiasun, ay e buknga kase, ay e buknga kabalu ay e buknga guseganan.

Isayas 15:2

Ay fagayu taw Dibun naundaud sat dius at bale ay sat ngay bale fagnansegan sa tangabat fag buknga laman nanwayway sanya. Fagayu taw Muab kabalu Nebu ay Medeba. Ay fagayu taw tagsanya naufo at alfuyu ay at ngay umi sik famasaful te, kabalu.

Isayas 26:10

Dewa o kafanyu at mauri fag ngay taw, wa gugali at masine. Dewa gbanwan magamut sit masine fag ngay taw, gfataglayun yay gugat nu gfakamulun at mauri, ay wa natoglag am fagmabalyananun.

Isayas 29:1

Yawi nalong te, “Afanyuan Erusalem, Dabid at fagbanwanan fag furuan! Agvd, e fagmafuluni kayu banwa am tagsis furuan.

Isayas 3:24

Nu katanya, abat ngate kanya fag ngay mangena mabebanglu, basung way. Ay abat ngate at famutus fagwan sik ramit, sik lubid way, ay abat ngate at buk masine, malanu way, ay abat ngate at lanbung masine, saku way, ay abat ngate at kamatan masine, kapla way.

Isayas 32:11

Glugo wan nung am lang gbayan, ay wam gugatan gfakamulun. Katsi tadtaruyani alimui. Buli wan ay lanbung ay futusi si ay fagwan sik saku,

Isayas 37:1

Fun Esekyas nu nadungug kafag barita, kanya nagirat at lanbung, ay nasulun saku laman sik famasaful te, kabalu, ay kanya nalao sas Yawi at bale laman nandarangin.

Isayas 37:2

Kanya nasugu Elyakim, tagulit at bale, ay Sebna fag tagalaga salapi, ay anggan tiba tungud fag ngay tagfon fanggalangun laman glao sas Isayas fag taglong, Amus at baguama. Kanya fagayu galanbungan saku.

Isayas 58:3

Kanya fagayu gdog yay glong sa angku te, ‘Wami nafangon laman gdarangin, dewa katanya, wo kasalag emi. Nafamababaun ami, dewa katanya, wo yangay kasalag.’ Katatuy ku famalus ayu: At matuyan, kaduge am yud gfangon laman gdarangin, ay sadili way ay fagamatanganun. Gfaidapan am ay ngay tagfakamulun.

Eremyas 16:6

Kanya ban fagayu nangabul ste fag daga, dewa at maramraman ay at yud e kwa, ay wa ban e namoli ya anya fagayu. Ay wa ban e gfilas ya at sadili ay gfaufo at alfuyu laman gfalag te, kabalu.

Eremyas 16:8

Lag yangay gsakbo sa sik bale at ke ngay falganan laman nanfangon ay nanginum.

Eremyas 4:8

Nu katanya, suluni ay ngay lanbung famatoglag te, kabalu am ay waywayi te, “Yawi kadotama yay gugat antam.”

Eremyas 7:29

“ ‘Ufoi ay ngay buk ay ukasi ay nagufoan laman gfalag am ay fakabaluun. Waywayani sis talun yud e taw fag ngay tagbudbuksulanun aroro Yawi natalyuyan wan ay nafabayan ayu fag ngay taw at nafadotama anya.’ ”

Esekyel 27:31

Ay gina ban kanya fagayu kabalu, gufo wan at ngay buk ay at ngay umi ay nangalanbungan saku.

Daniel 5:1

Gina Belsasar at fun sis Babilunya, kanya nafalganan sik tagbia fag fagmafulun laman sat nafili fag sadik libuk takadungug fag ngay taw. Kaduge kanya fagayu ginum fanlangu, Belsasar nasugu sat ngay fagsuguan laman namul ngay taya at mawatan siginans gintu ay sanbung salapi, at mama Nabukudunusur at nabul siginans Dius at bale sis Erusalem, laman Belsasar ay takadungug fag ngay taw, ay at ngay mangena, ay tiba yak fagsuguan fag mangena at faginuman. Nu nabuba wan kanya fag ngay taya, kanya fagayu nainum sanya ginan.

Usea 9:1

Usea nalong te, “Am fag ngay taw Israel, faragangi wan nu guseganan am kata tibak ngay talun, aroro gseg am sa tibak fagsegan ay kayayu wayam ay Dius. Dewa nday fag fagruyusan fare, gseg wam ay gutluan ay glong am te, ‘Tuy wan tam famayad siginan tam ngay fagsegan aroro gseg tam anya.’

Uel 1:13

Am fag ngay tagfon fanggalangun tagfakamulun si ku Dius at bale, suluni ngay saku ay waywayi maksvn fagngabak yabi aroro namin wan ngay rawvg fangawat fanlangu laman fanggalangun sa ay Dius.

Uel 1:8

Waywayi maksvn kata sik baguina tagalanbungan saku laman gfalag te, kabalu at fainduganan, aroro anbul gina ganangadadwaun.

Uel 2:12

Yawi nalong te, “Afolii wan sa angku sas fagdaul ay amatanganan; siginan nu yud am gfangon laman gdarangin, ay nu gwayway am, ay nu kabalu am.”

Uel 2:17

Am fag ngay tagfon fanggalangun tagfakamulun sis Yawi at daga salubangan, waywayi sis buknga fagirugan ay Yawi at bale at tangbi ay darangini te, “Yawi, afanyui am fagagbilugun fag ngay taw. Lag kaylat kanya fagayu nu gafaplan ay nu gagbilugan tibak talun at ngay taw taglong te, ‘Dada wan ay Dius?’ ”

Amus 8:10

Ay abat ngate ban am guseganan ginam maful, gwayway way ban am, ay abat ngate ban am guseganan galubad, kabalu wayam. Ay namalanbungan kban ayu saku, ay gsugu au ayu te, ufoi ay ngay buk, laman gfalag am ay fakabaluun, kata sik ngay fagtainan tagwayway aroro at sisian tagsesadi anbul. Ay dewa katanya, amaidap yap ban taguyan fag faurianan.”

Unas 3:6

Ninibe at fun nu nadungug Unas at foyungan, kanya anlindug siginan at fagmalunggungan ay nabul at lanbung tagfatoglag te, sik fun, ay nasulun yangay saku ay nananmalunggung sas tagalukbuun fag daga laman gfalag te, gubun at asalanan.

Mikas 1:16

Ay e nangago ban siginan ayu ay fakesugun fia ay ngay sisian ay gtaban sa tibak furuan, nu katanya, at kaksvnan ban nu kabalu am, sak ban am gufo ay buk kata sik uling at alfuyu nu malanu.

Santiagu 5:1

Dungugani, am at ngay maramraman. Waywayi ay sidsiduani, aroro umdasug sa ayu ngayuk mauri.