Isayas 22:1 - Fanawbuid tagsibaliwas Fakayabian

¹ Katatuy at foyungan sabaliwa sik tagubungan nu inda Dius gfalag ngay taginfan: Setain katsi takafasludan? Wain ay fagsiun ay tungud bale?

Isayas 22:1 ပူးပေါင်းရင်းမြစ်များ

Fakasigadan 21:17

Ay Dius nadungug kafag sisian nu gwayway. Nu katanya, Dius at tagbarita nalong sas Agar te, “Nataw tagfaidapan am amatanganan? Lag o kalimu; Dius nadungug am munama nu gwayway.

2 Samwel 14:5

Ay fun nainto te, “Nataw am fagidapun?” Ay kanya nabalus te, “Sik fagbubayun au,

2 Fun 6:28

Ay fun nainto te, “Nataw fia am fagidapun?” Ay kafag mangena nabalus te, “In ku sena nalong angku te, ‘Kon wata am munama, ay balabag ban ku munama man.’

Alubad. 114:5

Wain Dagat Maraska faginkafudun? Ay wain Liskung Urdan faginragangun nu gfamilugan?

Alubad. 125:2

Yawi munakbang tua gugat sit ngay taw kabavn, kata ngay buksul at maligung sis furuan Erusalem.

Fangatulun 29:18

Sik talun at ngay taw nu dway gfaning Dius at faugali, kanya fag ngay taw wa saful gfaragang at sadili. Mauseganan tua sik ngay taw nu gfaning tua Dius at faugali.

Isayas 13:1

Katatuy Yawi at foyungan sabaliwas talun Babilunya, at nafoyung sas Isayas, Amus at baguama:

Isayas 15:3

Ay kaduge glao sa sangaba dalan, galanbungan saku, sik famasaful te, gubun at asalanan. Ay maksvn nu gwayway sit ngay tungud bale ay sis fagaweanan.

Isayas 22:5

Aroro tam Fun, Yawi at Mabalyanan, nafalganan sik menit laman ngay taw ban gbarisanan ay glagyu sis tagubungan nu inda nu glag ngay taginfan. Sanya ban fag furuan at ngay alad umrufa wan, ay ngay taw tagbanwan sanya guro sas buksul te, “Gubuki emi.”

Eremyas 19:13

Fagayu bale sis Erusalem anggan fun Uda at bale gtuyan au te, masuya kata Tufet. Aroro sit ngay tungud bale kanya fagayu nairug ngay famaebebanglu laman sat ngay fagsegan fag ngay galeme, ay sanya yangay nu gfon at fanggalangun fag fanginum laman sa tibak ngay fagsegan.’ ”

Eremyas 21:13

Ku ngay fawayan fag ngay taw Erusalem tagbanwan sis tungud buksul fag datag, kamatungudun am glong te, “We manamawayan antam ste tam fagbanwanan at mogat!”

Eremyas 32:29

Ay kanya ban fagayu girug wan tuy fag furuan, anggan at ngay bale ke ugun at madatag nu inda ste fag ngay taw nafae fakadotamaun angku siginan nu girug at famaebebanglu fag ngay fanggalangun laman sas Baal fag fagsegan ay anggan nu gfon fanginum fag fanggalangun sa tiba yak fagsegan.

Eremyas 32:32

Ngay fun, ay ngay tagfangguna, ay ngay taglong, ay ngay tagfon fanggalangun tagsiginans Israel ay Uda nafadotama angku siginan nu gfakamulun at mauri.

Eremyas 48:38

Ngay taw gwayway wan sat ngay mesa bale ay sa sangay fagaweanan, aroro narasras kwan talun Muab kata sik tikung at kinrufa at yud e nangasalag ya.

Uel 3:12

Yawi nalong yay fia te, “Fasafuli sa sangay taw tagsiginan tangayayu fag ngay talun te, loi sas datag Eusafat ay sanya nu namaurianan au anya fagayu.

Uel 3:14

Ngayu wan at ngay taw sis Fagfawabiluganan fag Datag, aroro munakbang wan Yawi at nafili fag menit nu namaurianan ngay taw.

Mikas 3:6

“Aroro nafamuag am sa ku ngay taw, wa ban am e taginfan ya, ay wa ban am mainsaful ya. Kata nu yud am glag sasad madulum.

Sefanias 1:5

Namamin kyangay anggan ngay taw tagsas tungud bale laman nanseg menit ay magdanun ay ngay galeme. Namamin kyangay ngay taw takamuagan glong te, ‘Gfaning ami emu,’ ay aroro mangaro gseg way Mulek fag fagsegan.

Mateu 10:27

Ay fagayu ku longan ayu sis dulum, longi sis mayamag, ay ku naibugan sa ayu, foyungi laman fagayu taw dumungug.

Ruma 3:2

Ngay taw Udyu gtungud yay tibak taw sas nusnga setaw, taguna, sa anya fagayu nu gfatigwanan Dius at Longan.

Deuterunumyu 22:8

Nu kawat am ay ngay bale, fae famalabagi tua ay ngay tungud bale laman nu e ntong sanya ginan bunwa am at ke mamalong.

Tagfangguna 18:23

Ay kanya fagayu nauro Dan at kasugfunanan. Ay Dan at kasugfunanan nadama sat guyan ay nainto sas Mikas te, “Nataw at kindasug ay wain am fagfafaloun emi?”

1 Samwel 11:5

Ginanya, Saul guli siginan at gamasun gtabanan at ngay baka. Ay kanya nu nadungug ngay taw nu gwayway, ginto te, “Nataw manga at kindasug? Wain ngay taw at fagwaywayun?” Ay kafag ngay tagfosuk longan nafoyung sas Saul Nakas at fagetun.

1 Samwel 3:1

Gina Samwel sis Eli at bale laman gfakamulun sas Yawi, Yawi wa malayun ya nu namakamatoan ngay taw, ay wa yangay malayun ya nu e gtaginfan.