Isayas 21:9 - Fanawbuid tagsibaliwas Fakayabian

⁹ Damai! E kadasug wa ngani sik taw gsakay si sik ngay kabayu at faguyudan. Ay kafag taw glong te, ‘Niklas wan Babilunya! Anggan fagayu at ngay fagsegan narit sas daga ay anrufa wan.’ ”

Isayas 21:9 ပူးပေါင်းရင်းမြစ်များ

Isayas 13:19

Talun Babilunya amasine yap tua tibak fagfagtainanan. Siginan takatanya, at ngay taw kamatungudun. Dewa katanya, rumasras kban kata Suduma ay Gumura.

Isayas 14:4

namalingun ban am Babilunya at fun. Katatuy ban ay nalong: “Katsi nababawan wan ebi fag fun takamaidapan, ay anragang wan nu kamalingun.

Isayas 2:18

ay fagayu ban at fagsegan umkalyam wan.

Isayas 21:7

Masine sa sik tagulit nu mafalganan tua gugat ay nu namoyung vtv nu nalag te, e ngay faguyudan fangawayan ay e ngay kabayu gadgaloan mesa dua, ay e ngay tagfawayan gsakay sis ngay asnu ay sis ngay kamelyu.”

Isayas 47:5

Yawi nalong te, “Babilunya, nanmalunggung o maragangan sasad dulum. Wa ban e gfangayan ya emu te, ngay fagfagtainanan o at fun fag mangena.

Isayas 47:9

Dewa katanya, kaduge way sik menit umsik fagbubayun o ay am ngay sisian umbul. Umfasludan takatanya, dewa o saful gfangabalo ay gfangufit.

Isayas 48:14

Fagayu am mafuli ay dungugani: Sinu fag fagsegan at nafoyung te, ku fagadgalangan ban namawayan Babilunya, laman namakamulun ku algan sanya fag talun? Duan!

Eremyas 50:29

“Fauroi ngay tagsaful gagbilug godun laman namawayan talun Babilunya! Nanligung am kafag furuan laman we malagyu ya. Namasud wam fia anya fagayu sat nafakamulun mauri. Namakamulun am kata at nafakamulun sat iba aroro nafawayan Yawi, Israel at Dius at yud e Malong.

Eremyas 50:38

Ay fagayu at fagnamulan mamam ankatat wan! Aroro sis talun Babilunya mapnu wan ngay fagsegan, tagfalyam ngay taw at amatanganan siginan nu gfalimu anya fagayu.

Eremyas 50:42

Kanya fagayu e ngay godun ay e ngay bangko, ay madot ay we afanyu. Ay kaduge gsakay sit ngay kabayu, at aringang kata sik lugwak nu gfawas. Kanya fagayu kadasug laman namawayan ayu, ngay taw Babilunya.

Eremyas 50:9

Aroro gfadasug kban at mabalyanan fag ngay talun at ngay taw tagsiginans fawalan fag alvngvdan. Ay kanya ban fagayu namawayan ay nangagbilug talun Babilunya. Ay at ngay tagfana mafananadan ay mafatayuk.

Eremyas 51:27

Fabati sik ramit famasaful te, gawayan wan! Uyupi ngay budyung sa sangay furuan! Falganani laman namawayan talun Babilunya. Sugui ngay talun Ararat, Mini ay Askenas at ngay tagfawayan laman namawayan. Filii yap sik tagfangguna laman namangguna namawayan talun Babilunya. Fadasugi ngay kabayu kayu ngay liung.

Eremyas 51:44

Gfaurianan kban Bel, talun Babilunya at fagsegan, ay gfafangkok kban at ngay naon. Ay ngay talun ban at ngay taw we nangadasug ya sa anya laman nanseg. Ay umrasras wan talun Babilunya at ngay alad.

Eremyas 51:47

Nu ndasug ban at buknga, namaurianan kban ngay fagsegan sis talun Babilunya ay fagayu ban taw tagbanwan sanya fag talun umkapla. Ay fagayu ban at kinbul matangda way lang ngayu.

Eremyas 51:52

Dewa katanya, sik menit ban namaurianan kwan talun Babilunya at ngay fagsegan. Ay at nabasingan ban fag ngay taw Babilunya gidapan ay gfandeng, ay umdungug sas fagdaul at talun.

Eremyas 51:64

Ay longi te, katanya ban takadasug sas talun Babilunya, kanya ban kalubgub ay wa kalakwi ya, aroro sas Yawi at fagnamadasugun fag ngay faurianan. Ay fagayu ban taw tagbanwan sanya kabul wan.” Katanya Eremyas at foyungan taguyan.

Eremyas 51:8

Masakit talun Babilunya nu karasras! Abalui wan anya! Namafia am at ngay nabasingan, bangaran ban umfia yay.”

At Nafasure 14:8

Ay at sadi fag tagbarita naguyan anya ay guro te, “Anrasras wan. Anrasras wan at mabalyanan fag furuan daul Babilunya. Kanya at nafadasug Dius at fandotaman sas fagayu talun at ngay taw, aroro kafag ngay taw nafaning at fagfanugtugun, kata nu nafainum sik fanlangu.”

At Nafasure 18:2

Ay kanya maksvn nu guro te, “Anrasras wan at mabalyanan fag furuan daul Babilunya, ay katsi tagbanwan sanya, at mauri fag ngay falad, kanya at mauri fag ngay taw yabi, ay at mauri fag ngay manuk tungud, ay at mauri fag ngay mangilafang.

At Nafasure 18:21

Ay sik mabalyanan fag tagbarita naurug sik gang daul, kadaul sik tagbia fag gang fanligis rawvg trigu, ay kanya naukas sasad dagat ay glong te, “Kaksvn ban nya nu e gukas at mabalyanan fag furuan daul Babilunya, ay wa ban e malag ya anya.