Isayas 21:8 - Fanawbuid tagsibaliwas Fakayabian

⁸ Ay kafag tagulit guro te, “Fagtainan, kayu menit ay yabi ste kway gugat gulit sis bale fagulitan.

Isayas 21:8 ပူးပေါင်းရင်းမြစ်များ

2 Krunika 20:24

Ay ngay taw Uda at ngay tagfawayan nu ndasug sas tungud buksul tagsis talun at yud e taw, kanya fagayu nalag at ngay fawayan at ngay bilug nu mataygilid sis daga. Ay nusdi sadi we gleleg ya.

Alubad. 127:1

Yawi yaman nagubuk takawat bale, kanya ro fag ngay taw wa nakatu kawat. Ay kanya yaman gdiri furuan daul, wa ro e masuad at ngay tagulit.

Alubad. 63:6

Gina au gtaygilidan, namatang au emu, ay fagngabak yabi, ku amatanganan sa way gugat emu,

Isayas 5:29

Kanya fagayu nu guro gina gfawayan malimu kata sik liun nu gsubang. Ay gtaban at ngay nagamat, ay we namalfas ya.

Isayas 56:10

Ngay taw Israel nangus at ngay tagfangguna gulit tua. Ay aroro mangaro, kanya fagayu kata way at yud glag ay at yud e fagsafulun, ay kata yangay tagulit fag ngay idu at yud gsubang ya. Kanya fagayu gtaygilidan way gugat gtiug ay gtaginfan.

Isayas 62:6

Erusalem, nafae tagulit au sim alad fag ngay fagulitan. Kayu menit ay yabi kanya fag ngay tagulit di gfaragang nu gdarangin. Am tagdarangin sas Yawi, lag gfaragang nu gdarangin am.

Eremyas 25:38

Yawi kata sik liun at nalfas siginan at luib laman nanrvbvy at fagnangonun. Mabalu way lang ban si ay talun, aroro ay ngay fawayan at nafakamulun ay aroro maksvn Yawi nu kadotama.

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Eremyas 49:19

Sik liun tagsiginan at fagsuksuanan sis tigyangan Liskung Urdan gfarapyagan ngay tupa tagsis fagfafangonan sis day liskung. Katanya yangay ban nu namafalo au ngay taw Edum siginan at talun, ay namatigwanan kban at talun sa ku nafili fag ngay taw. Sinu takata angku? Sinu at manamaskud namabadbaboan angku? Sinu fag tagfangguna at manamawayan angku?

Eremyas 50:44

“Sik liun tagsiginan at fagsuksuanan sis tigyangan Liskung Urdan gfarapyagan ngay tupa tagsis fagfafangonan sis day liskung. Katanya yangay ban nu namafalo au ngay taw Babilunya siginan at talun. Ay namatigwanan kban at talun sa ku nafili fag ngay taw. Sinu takata angku? Sinu at manamaskud namabadbaboan angku? Sinu fag tagfangguna at manamawayan angku?

1 Pedru 5:8

Mafuloani ay mafalganani aroro Satanas ay fawayan glo gsubang gugat kata sik liun, gligungan ay grvbvy at fagnangonun.