Isayas 21:4 - Fanawbuid tagsibaliwas Fakayabian

⁴ Ku baga gsubsubuan ay gtadtaruyan au kalimu. Kwa manabayan sad yabi aroro kalimu kway gugat.

Isayas 21:4 ပူးပေါင်းရင်းမြစ်များ

1 Fun 1:49

Ay Adunya at ngay betaw nu nadungug takatanya, anlindug ay kalimu maksvn, ay nasadsadian nalao.

Ester 5:12

Ay kanya nalong yay fia te, “Bundi lang kanya, ebi gina Ester nafalganan sik yafun daul, au way lang fun at fadgaloan, ay balabag ban fun gdog yay gtaban angku.

Alubad. 55:5

Ay kalimu au maksvn gtadtaruyan.

Alubad. 55:6

Ay glong au te, “Nu e fakfak kdi kata sik labikung, glayug kwa ro laman nanrvbvy ku fagfiangalayan.

Eremyas 4:19

“Kwa magwanta ya gamatangan ku ngay fagidapun at kaksvnan nu maidap. Ku dubdub gsubsubuan ay kwa kagwanta ya. Aroro nadungug au sik budyung at awang ay sik uro siginans fagawayanan.

Eremyas 51:39

Ay aroro kanya fagayu kalunus, namalganan au sik fagmafulun laman sa anya fagayu. Namalangu au anya fagayu laman guseganan, ay kanya ban fagayu ngabasad nu gtiug ay wa kafulo ya fagngabak buknga.

Eremyas 51:57

Namalangu kban at ngay tagfangguna, at ke fagsafulun, ay at ngay fun, ngay fun tagfawayan ay fagayu at ngay tagfawayan. Kanya ban fagayu ngabasad nu gtiug ay wa kafulo ya fagngabak buknga. Au, ay Fun, Yawi at Mabalyanan, taglong tuy.”

Daniel 5:1

Gina Belsasar at fun sis Babilunya, kanya nafalganan sik tagbia fag fagmafulun laman sat nafili fag sadik libuk takadungug fag ngay taw. Kaduge kanya fagayu ginum fanlangu, Belsasar nasugu sat ngay fagsuguan laman namul ngay taya at mawatan siginans gintu ay sanbung salapi, at mama Nabukudunusur at nabul siginans Dius at bale sis Erusalem, laman Belsasar ay takadungug fag ngay taw, ay at ngay mangena, ay tiba yak fagsuguan fag mangena at faginuman. Nu nabuba wan kanya fag ngay taya, kanya fagayu nainum sanya ginan.

Daniel 5:30

Ay ginanya fag yabi, e nafabul Belsasar, Babilunya at fun,

Daniel 5:5

Arodi vtv, fun Belsasar e nalag sik daluap tagriruk sit bale daul at dingding munakbang sis fagfatungkudan salung.

Naum 1:10

Kata am sik tagalangu at mafasafungan madugi fag wat. Namamin au ayu kata nu e nairug ngay nagbiluganan fare.

Deuterunumyu 28:67

Aroro kalimu am fagayu ay nalag si ay ngay ligung, ay galay ban balabag glong wam te, “Katsi nangus anyabi wan.” Ay nu nyabi wan glong am te, “Katsi nangus anmenit wan.”

Deuterunumyu 32:11

Kanya nu galaga at nafili fag ngay taw kata sik manuk tungud nu galaga at ngay riangan, gina gfoyung nu glayug. Nafarafad at ngay fakfak laman gsangfut ay gbuba anya fagayu.