Isayas 21:3 - Fanawbuid tagsibaliwas Fakayabian

³ Katanya ku nalag si ku taginfan, ay anlimu au maksvn ay sik fansait bilug andasug sa angku, kaksvn sik mangena nu gidapan gina gfasalug.

Isayas 21:3 ပူးပေါင်းရင်းမြစ်များ

Alubad. 48:6

Kanya fagayu gtadtaruyan kalimu, kata sik mangena tagidapan nu gfasalug.

Isayas 13:8

ay tumadtaruyan kalimu, ay dumalan ban at maksvn fag fagidapun kaksvn sik mangena nu gidapan gina gfasalug. Ay kafag ngay taw dumaddamaan, ay at kaksvnan nu kalimu, at ngay kamatan umraska.

Isayas 15:5

Anbalu au at kinfasludan sas Muab. Fagayu at nalagyu andasug sas Suar ay sas Eglat-Selisya. Fagayu taw gwayway kaduge gundaud sas Luit. Ay tibak taw maksvn nu gwayway gina glao sas Kurunaim, aroro at kinfasludan sa anya.

Isayas 16:11

Nu katanya, kabalu au at kindasug sas Muab kata sik fagfawangun ke ngay bakyang at mabalu fag awang. Ay kabalu kyangay at kindasug sas Kir-Kareset.

Isayas 16:9

Nu katanya, gwayway au kata ngay taw Aser, aroro e narasras wan ngay tanum wat ubas sis Sibma. Kabalu au ngay taw Kesbun ay taw Elyale aroro we kadungug ya tagfanguroan guseganan aroro wa nke gutluan.

Isayas 26:17

Yawi, glag tuo em fagidapun. Kata wami sik mangena tagfasalug nu guro aroro maksvn nu kasait.

Eremyas 4:19

“Kwa magwanta ya gamatangan ku ngay fagidapun at kaksvnan nu maidap. Ku dubdub gsubsubuan ay kwa kagwanta ya. Aroro nadungug au sik budyung at awang ay sik uro siginans fagawayanan.

Eremyas 48:41

Ay e nangagbilug wan tagsis Muab fag ngay furuan ay at mogat fag ngay fagsuksuanan. Ginanya ban fag ngay menit, Muab at ngay tagfawayan kalimu maksvn kata sik mangena tagafasalugun.

Eremyas 49:22

Damai! Ngay fawayan kata sik bio masakit nu glayug laman nanggamat ngay taw Busra. Ay ginanya ban fag ngay buknga, Edum at ngay tagfawayan gtadtaruyan kalimu kata sik mangena tagafasalugun wan.”

Eremyas 50:43

Ay talun Babilunya at fun nu nadungug takatanya, anmomuy, kalimu ay e faganinianun kata sik mangena tagafasalugun wan.

Eremyas 6:24

Nu nadungug ami takatanya, anmomuy ami ay kalimu ami ay e faganinianun kata sik mangena tagafasalugun wan.

Abakuk 3:16

Abakuk nalong te, “Nu nadungug au takatanya, fagdaul ku bilug ay anggan ku bibig gtadtaruyan aroro anlimu au maksvn, ay ku ngay tud anlukme. Dewa katanya, gagwantan au gfanya Yawi at nafalganan fag menit nu namauri em ngay fawayan.

Uan 16:21

Sik mangena nu gfasalug, maksvn nu gidapan, ay dewa katanya, nu nafasalug wan, wa gidapan ya, aroro guseganan te, at ngenge ansalug wan ste swa daga.

Deuterunumyu 28:67

Aroro kalimu am fagayu ay nalag si ay ngay ligung, ay galay ban balabag glong wam te, “Katsi nangus anyabi wan.” Ay nu nyabi wan glong am te, “Katsi nangus anmenit wan.”

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.