Isayas 21:2 - Fanawbuid tagsibaliwas Fakayabian

² Nalag au sik malimu fag taginfan sabaliwas fakamaboun ay faurianan. Elam ay Medya, fawayani Babilunya! Dius ban namaragang wan Babilunya nu gfaurianan tibak talun.

Isayas 21:2 ပူးပေါင်းရင်းမြစ်များ

Fakasigadan 10:22

Sem at ngay baguama: Elam, Asur, Arfaksad, Lud ay Aram.

2 Fun 17:6

Usea nu gfunan gina sis fasiamk banwa, Asirya at fun nagbilug Samarya ay nataban ngay taw Israel sas Asirya ay nafabanwan sas furuan Kalak si sangay talun at munakbang sis Liskung Kabur sis Gusan fag talun, ay si sangay taw Medya at ngay furuan ayu daul.

Alubad. 119:158

Maksvn nu kauri ngay taw at yud matuyan sa emu, aroro kanya fagayu wa gfaning am longan.

Alubad. 12:5

Yawi nalong te, “Kadasug kwan, aroro ngay yud e kwa gafalingunan, ay ngay tagidapan gurungan get sa angku. Ay namae fagmanabayanun au anya fagayu kata at fagetun.”

Alubad. 25:3

Nusnga sinu tagafanud sa emu di ban gafaplan, dewa katanya, tagfandaya fag ngay taw umkapla ban.

Alubad. 60:3

Maksvn wan nu gfaidapan o emi, granranugan ami kata nu nalanguan ami.

Alubad. 79:11

Dungugi at natabanan fag ngay taw at fagetun, ay siginan am fagmabalyananun, falfasi anya fagayu aroro e ganamabulun wan anya fagayu.

Fangatulun 13:15

Sik taw tagsaful gtogdungug e gsuyu tua, dewa katanya, takamabo fag taw at fakadasugan sa ways faurianan.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 14:4

namalingun ban am Babilunya at fun. Katatuy ban ay nalong: “Katsi nababawan wan ebi fag fun takamaidapan, ay anragang wan nu kamalingun.

Isayas 14:7

Sanya ginan ban, fagdaul daga ummanabayan. Ay fagayu ban taw galubad guseganan.

Isayas 22:6

Elam at ngay tagfawayan nu namawayan e ngay godun, ay gsakay sis kabayu at faguyudan fangawayan. Ay anggan Kir at ngay tagfawayan gina namawayan, gfalganan at mesa famalabag.

Isayas 24:16

Ay umdungug ban tagfangalubadan sas fungfung daga te, “Segi, Dius at matuyan.” Ay dewa katanya, au afanyuan kway fag taw. Kamomuy au! Aroro takamabo fag ngay taw gfataglayun way nu kamabo.

Isayas 33:1

Afanyuan am fag ngay tagrasras, am at yud batang e nagdalanan takatanya. Afanyuan am fag ngay takamabo, am at yud batang e nagdalanan nu e kamabo ayu. Ay nu ntabu wam grasras ay kamabo, am yangay ban at fagrasrasun ay at fakamaboan.

Isayas 35:10

Kanya ban fagayu kafoli sas Siun galubadan. Ay nalyam wan at fakabaluun ay at fagwaywayun, ay natubus at yud e gfasud fag fagusegananun ay fagfanagsagun.

Isayas 47:6

Andotama au ku ngay taw ay naiyan au anya. Nu katanya, nafababawan au sa emu ay wo nfanyu ya. Ay nafaidapan o anggan at mafagtainan.

Eremyas 25:25

Simri, Elam, Medya,

Eremyas 31:20

Yawi gbalus te, “Ngay taw Efraim, o nunda am wan ku fakesugun ku ngay sisian? Dewa malayun nu glong au sa ayu at mauri, kesug ktua gugat ayu. Kaylat ktua gugat ay kafanyu ayu.

Eremyas 31:25

Ay ginanya ban gfafiangalay au fagayu takalufuy ay gfabitsug kban fagayu at mamomuy aroro kalunus. Nu katanya, ngay taw ban glong te,

Eremyas 45:3

‘Nalong o te, sik mafanyuan way o lang, aroro Yawi nafamut am fagidapun. Kalufuy wo gfandeng ay wo e buknga ya gfiangalay.’

Eremyas 49:34

Katatuy Yawi at longan sas Eremyas sabaliwas Elam, gina Sedekya gfasigad gfunan sis Uda:

Eremyas 49:35

Yawi at Mabalyanan nalong te, “Namabul kban Elam at ngay tagsaful gagbilug godun, ay at ngay tagsaful fia gfawayan.

Eremyas 50:14

“Am, at mafananadan gagbilug godun, nangatalad am sa ay fagulitan ay nanligung am talun Babilunya. Ay fanai anya fagayu aroro maksvn wan at asalanan sas Yawi.

Eremyas 50:34

Au wan Yawi at Mabalyanan kanya fagayu at tagfalangfe. Ggubuk au anya ay gfae fagmanabayanun, dewa katanya, namaurianan kban tagbanwan sis talun Babilunya.

Eremyas 51:11

Yawi namasud talun Babilunya aroro kanya narasras at bale. Yawi nataban talun Medya at ngay fun laman nanrasras talun Babilunya aroro katanya wan at algan. Kanya glong te, “Fataresi ay ngay bangko ay falganani ay ngay famalabag.

Eremyas 51:44

Gfaurianan kban Bel, talun Babilunya at fagsegan, ay gfafangkok kban at ngay naon. Ay ngay talun ban at ngay taw we nangadasug ya sa anya laman nanseg. Ay umrasras wan talun Babilunya at ngay alad.

Eremyas 51:53

Furuan Babilunya ban dewa gdasug sas banwa ay dewa gfaogat gugat at ngay alad, namadasug kban at nanrasras.

Takabalu 1:22

Kanya fagayu nafakamulun at mauri; nu katanya, faurianani wan anya fagayu kata nu gfaurianan o angku aroro sa ku ngay asalanan. Malayun wan nu gfandeng au, ay kwa bangan gamatang ya ku bilug.”

Daniel 5:28

Parsin: am fagfagtainanan ban kaduak afud ay gfon sa sangay taw Medya ay Persya.”

Daniel 5:9

Nu katanya, fun Belsasar anlimu ay kaugat nu gtadtaruy. Ay takadungug fag ngay taw wa saful ya at fagnamakamulunun.

Daniel 8:2

Ku nalag, malindug au sis tigyangan Liskung Ulay, sit ke alad fag furuan Susa sas Elam fag afud talun.

Daniel 8:20

Kafag tupa at sunge fagdua gfafaskudanan sas Medya ay Persya.

At Nafasure 13:10

Nusnga sinu at kinfalganan gatabanan, kanya ban gatabanan wa fia, ay nusnga sinu at kinfalganan nangabul sas fiso tagsumbalian at uyup, kanya ban kabul fia. Nu katanya, Dius at ngay taw, masine nu gagwantan tua gugat ay nu e fagafanudun tua gugat.

1 Samwel 24:13

kata sik longan te, ‘At mauri way fag taw tagfakamulun at mauri.’ Nu katanya, kwa mafakamulun sa emu at mauri.