Isayas 20:6 - Fanawbuid tagsibaliwas Fakayabian

⁶ Gina ban umfasludan fag menit, ngay taw Filistia lumong te, ‘Damai at kinfasludan sanya fag ngay talun tam fagsegan ebi ginan, ay tam fagnangetan gugat gubuk laman gfalangfe antam siginans Asirya at fun. Setain ban katsi nu malangfe tam?’ ”

Isayas 20:6 ပူးပေါင်းရင်းမြစ်များ

Ub 22:30

Ay anggan ke asalanan fag ngay taw nu nalag am ugali at matuyan, kanya ro umlangfe tua.”

Ub 6:20

Dewa katanya, kanya fagayu anmomuy aroro gamatangan te, sanya e mamam way, ay aroro mangaro we mamam.

Isayas 10:3

Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Isayas 28:17

Kata wayam sik bale ku nainsaful te, o masine wan. Ay gina am gfawabilugan, nasaful au te, wam matuyan. Nu katanya, namalayug au ayu sas fulug ay namalimus sas lugwak ay fakamuaganun ay fagsegun te, mafalangfe ayu.

Eremyas 30:1

Yawi nalong sas Eremyas te, “Au Yawi at Mabalyanan, Israel at Dius, glong au sa emu te, riruki sa sik fafil fagayu ku nalong sa emu.

Eremyas 30:7

Ay ginanya ban fag buknga maksvn nu malimu, ay wa ban e kaksvn nya kanya nu malimu. Ginanya ban Akub at ngay kasugfunanan gidapan, dewa katanya, sa ban taguyan kanya fagayu umlangfe yay sanya ginan fag fagidapun.

Eremyas 31:1

Yawi nalong yangay te, “Ginanya ban fag menit, au wan fagayu talanan sis Israel at Dius, ay gfili kban anya fagayu laman ku ngay taw.

Eremyas 4:30

Erusalem, munakbang wan nu kamin o. Nataw katsi am fakamulun? Wain am fagalanbunganun yay at masine ay am fage famasineun yay sim bilug? We tungkul ya nu kamasineun o. Am fagadgalangan fag ngay talun wa kaylat ya emu, abat ngate, namabul wan emu.

Eremyas 47:4

Aroro kadasug ban sik menit laman namamin fagayu taw Filistia anggan at fagudgubukan fag ngay taw Tiru ay Sidun. Yawi ban namamin wan ngay taw Filistia tagbanwan sis Kaftur.

Mateu 23:33

“Kata wayam tagfandaya fag ngay ule at maganga! Wa ban am masaruy faurianan sa ayu sas afuy daul.

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.

Ebreu 2:3

Katanya yangay, wa ban tam masaruy faurianan nu dway tam gfae tungkul tuy fag fakalangfean at yud e gfasud. Tam Fun wan taguna at nafoyung sabaliwa kanya fag fakalangfean, ay ngay taw at ngay nadungug siginan anya, kanya fagayu tagfatuyan te, matuyan.