Isayas 20:4 - Fanawbuid tagsibaliwas Fakayabian

⁴ Aroro Asirya at fun tumaban ban talun Igiptu ay Etiupya at ngay taw, dewa sisian ay dewa fagtainan. Fagayu ban gasifayanan way ay wa galapakan. Masure ban fagayu at ngay balitang, ay kanya ban fag ngay taw Igiptu umkapla.

Isayas 20:4 ပူးပေါင်းရင်းမြစ်များ

2 Samwel 10:4

Nu katanya, Kanun nasugu sat ngay fagsuguan te, “Gamati Dabid at ngay fagsuguan.” Ay kanya fagayu nagamat ay naufo at ngay umi ay nagirat at ngay lanbung siginan at fagwan sat daga baliwa ay nafauli wan.

1 Krunika 19:4

Nu katanya, Kanun nasugu sat ngay fagsuguan te, “Gamati Dabid at ngay fagsuguan.” Ay kanya fagayu nagamat ay naufo at ngay umi ay nagirat at ngay lanbung siginan at fagwan sat daga baliwa ay nafauli wan.

Isayas 19:4

Namafagtainan kban sa anya sik madot fag fun.” Katanya tam Fun, Yawi at Mabalyanan at longan.

Isayas 3:17

Nu katanya, namae buyu au at alfuyu, ay kanya ban fagayu umlanu.”

Isayas 31:2

Anggan Yawi e fagsafulun yangay, ay kanya tagfae faurianan, ay gfafasludan wa fia at nalong. Namaurianan wa fia tagfaning mauri at talanan, ay anggan taggubuk kafag talanan.

Isayas 31:3

Ngay taw Igiptu sik ngay taw way kata ayu, ay bunwa Dius. Ay at ngay kabayu bunwa sik ngay falad, kanya kata yay tibak kabayu. Ay gina ban Yawi gfauri, umrasras wan talun Igiptu anggan at faggubukun fag ngay talun at ngay taw. Ay kafag duak talun umkamin ban.

Isayas 47:2

Katsi sik fagsuguan way o lang; buli sik lusung ay alu ay lubuki fare. Buli wan sim alfuyu fag ramit, ay kaduge o gdife liskung, fabati am lanbung laman umsure am balangbang.

Isayas 47:3

Ay fagayu taw lumag nu malulasan o ay umkapla o. Namaurianan au emu ay kwa ban kafanyu ya emu.”

Eremyas 13:22

Nu ginto o sam sadili te, “Wain ku faginfauriananun kata sik mangena at nagiratan at lanbung ay at natugtugan?” Andasug sa emu takatanya aroro siginan am asalanan at kayuan.

Eremyas 13:26

Namaksvn kban ay fakaplaun kata sik mangena at malulasan.

Eremyas 46:19

Ngay taw Igiptu, falganani ay ngay famubaun aroro e nantaban wan ayu. Ay Memfis ban karasras ay umsik mabaluanan, aroro wa ban e gbanwan ya sanya.

Eremyas 46:26

Namon kban anya fagayu sas nusnga sinu takaylat gfabul anya fagayu, sas Nabukudunusur, Babilunya at fun, ay sat ngay tagfangguna. Dewa katanya, kadasug yangay ban at buknga, ngay taw nu gdog namanwan sas talun Igiptu kata ebi taguna. Au, Yawi, taglong tuy.

Esekyel 30:18

Nu nabul kwa ban talun Igiptu at fagmabalyananun, menit ban umdulum sabaliwas Takpanes. Ay talun Igiptu ban at fagmabalyananun umkalyam wan. Ay linyabu ban gtabun anya, ay sanya ban fag ngay taw gatabanan.

Amus 9:7

Yawi nalong te, “Ngay taw Israel, nu gamatangan au ayu gsud way am ngay taw Etiupya. Matuyan, nafalfas au ayu siginans talun Igiptu, ay nafalfas kyangay ngay taw Filistia siginans Kaftur, ay ngay taw Aram siginans Kir.

Mikas 1:11

Ngay taw Safir, nangatabanan ban ginkaplan malulasan. Ay ngay taw Saanan, kalimu ban gduksun siginan at furuan laman nanggubuk ayu. Ay ngay taw Bet-Esel wa yangay ban mananggubuk ayu aroro gwayway yangay ban siginan takadasug sa anya fag faurianan.

Naum 3:10

Dewa katanya, ngay taw Tebes gdog yay natabanan sa tibak talun, ay e nafafalang at ngay sisian sa sangaba dalan. Ay takadungug fag ngay taw masiukan salambitan, ay mesa e nafagsuguan.

Sefanias 2:12

Yawi nalong te, “Ngay taw Etiupya, namabul kban ayu sas awayan.

At Nafasure 3:18

Nu katanya, gfalu au ayu te, bayadi siginan angku sik gintu at kinfasine sis afuy, laman umsik maramraman am fia. Ay bayadi siginan angku sik lanbung malaksi laman gtabun ay fagmalulasanun at maksvn nu mapla. Ay bayadi yangay sik famafia ay mata, laman glag tuam fia.