Isayas 20:2 - Fanawbuid tagsibaliwas Fakayabian

² Gina yud anfasludan katanya, Yawi nalong sas Isayas, Amus at baguama te, “Buli wan am lanbung fag saku ay anggan am lapak.” Ay Isayas nafaning at longan, ay kanya glodloan gasifayanan way lang ay wa galapakan.

Isayas 20:2 ပူးပေါင်းရင်းမြစ်များ

2 Samwel 15:30

Dabid gwayway gundaud sas buksul Ulibu, ay wa galapakan ya ay natabun at alfuyu laman gfalag te, kabalu. Ay anggan at ngay fadgaloan natabun yangay at ngay alfuyu ay gwayway.

2 Samwel 6:20

Ay Dabid noli laman namadante at talnayan, ay Mikal, Saul at baguina, nafablang anya ay nafalingun te, “Katsi fag menit mafanud laman sa sangay taw Israel at fagsuyuun fia fag fun! Gfalelegan o am ngay afud bilug sim ngay fagsuguan fag mangena at daga salubangan kata nu malulasan, ay wo napla ya!”

2 Fun 1:8

Ay kanya fagayu nabalus te, “At lanbung mawatan siginans fagbaugun at sigyu, ay e famutus fagwan mawatan yangay siginan fagbaugun at balat.” Fun nalong te, “Ay nalag Elyas, fag taw Tisbe.”

Alubad. 30:11

Nafalyam tuo ku fakabaluun, ay natubus o sik fagusegananun. Nu katanya, gfauigan au ku bilug. Dewa maksvn ku fakabaluun, nafasun tuo angku, ay nafae lanbung tuo angku sik fagusegananun.

Nu Galin 3:5

Dius nalong te, “Sanya yap o, lag o kakbang. Lafusi yap am lapak aroro am fagmalindugan at yud e malong fag buknga.”

Isayas 1:1

Tuy fag fafil gfayamag sabaliwas Dius at nafalag fag taginfan sas Isayas, Amus at baguama, sabaliwas Uda ay Erusalem ebi gina Usya, Utam, Akas ay Esekyas gtudtubusan gfunan sis Uda.

Isayas 13:1

Katatuy Yawi at foyungan sabaliwas talun Babilunya, at nafoyung sas Isayas, Amus at baguama:

Isayas 37:2

Kanya nasugu Elyakim, tagulit at bale, ay Sebna fag tagalaga salapi, ay anggan tiba tungud fag ngay tagfon fanggalangun laman glao sas Isayas fag taglong, Amus at baguama. Kanya fagayu galanbungan saku.

Eremyas 48:37

Galay sik taw nafalag te, kabalu siginan nu gfalanu at alfuyu, nu gufo at ngay umi, ay nu gfilas at ngay take ay nu gsulun laman famasaful te, kabalu.

Esekyel 24:17

Gfandeng ban o, dewa katanya, lag o gfalag te, kabalu o. Lag o gbul am fansifig am alfuyu ay am lapak. Lag o gtabun am kamatan laman gfalag o te, kabalu o maksvn. Ay lag yangay kon takabalu at fakonun.”

Esekyel 24:23

Wa yangay ban am gbul ay fansifig ay alfuyu ay ay lapak. Ay bundi ban am gwayway ay kabalu. Nu bunway kamomuy ban am ay gfandeng aroro sa ay ngay asalanan.

Esekyel 4:1

Sanya ginan, Yawi nalong sa angku te, “Taw at baguama, namul o sik gang fangawat bale, ay fasai am daga salubangan ay tagisi sanya furuan Erusalem at aninu.

Esekyel 4:5

Sik menit kata nu sadik banwa. Ay kaduge ban tuluk sandan siamk safuluk menit gfasanan o ngay taw Israel at asalanan.

Mikas 1:11

Ngay taw Safir, nangatabanan ban ginkaplan malulasan. Ay ngay taw Saanan, kalimu ban gduksun siginan at furuan laman nanggubuk ayu. Ay ngay taw Bet-Esel wa yangay ban mananggubuk ayu aroro gwayway yangay ban siginan takadasug sa anya fag faurianan.

Mikas 1:8

Nu katanya, Mikas nalong yay fia te, Aroro Samarya ban kaiklas wan, maksvn nu gwayway au ay kabalu, ay kwa galapakan ya, ay kwa galanbungan ya laman gfalag te, kabalu au. Maksvn nu gwayway au kata sik idu talun nu gsubang ay kata sik liaw nu guni.

Sakaryas 13:4

“Kanya fag ngay taglong umkapla sat nalong fag ngay taginfan. Ay wa ban gsulun ya taglong at lanbung laman nanfamuagan.

Mateu 16:24

Ay arodi Isus nafoyung sat ngay tagadal te, “Nusnga sinu takaylat nangalo angku, lag gfaning at sadili fakaylatun nu bunway fasanani at fasulungan kayu ay aloi angku.

Mateu 3:4

Ay Uan at lanbung mawatan siginans kamelyu at sigyu. Ay at ginawang mawatan siginans fagbaugun at balat, ay at fakonun liung ay deut.

Uan 21:7

Ay Isus at fakesugun fag tagadal nalong sas Pedru te, “Kanya tam Fun.” Ay Simun Pedru nu nadungug, kanya nasulun at lanbung aro at nabul siginan at bilug, ay kanya natos sasad lino.

Fakamulun 19:16

Kanya fag mangama ke mauri fag falad natos sanya fag fituk taw ay nababo anya fagayu, ay kafag ngay taw gduksun sanya ginan fag bale ay gtarung malulasan ay gatagukun.

Fakamulun 21:11

Ay kanya nanangaful sa emi ay nabul Pablu at famutus fagwan, ay nasiuk at ngay darafa ay at ngay take. Kanya glong te, “Kata at Masine fag Falad at nalong, katatuy ban ngay taw Udyu sis Erusalem at fakamulun sat ke famutus fagwan, ay namuba ban anya sas yud Udyu fag ngay taw.”

Uswe 5:15

Ay kanya nabalus te, “Lafusi yap am lapak siginan am darafa, aroro malindug o sit yud e malong fag buknga.” Ay Uswe nafaning at suguan.

At Nafasure 11:3

Dewa katanya gsugu kban ku tagfatuyan fagdua tagalanbungan at mataras fag lanbung, ay kaduge ban sadik libu duak sandan unumk safuluk menit, kanya ban gfoyung Dius at longan.”

1 Samwel 19:24

Ay nu ndasug sanya, kanya nabul at lanbung ay gfoyung yangay Dius at longan sis Samwel at daga salubangan. Kanya malulasan way lang gtaygilidan fagngabak menit ay yabi. Kanya wan ngay taw at fagnaintoun te, “O nunda Saul sik taglong yangay?”