Isayas 2:9 - Fanawbuid tagsibaliwas Fakayabian

⁹ Nu katanya, kanya fagayu umfaurianan ay umkapla. Yawi, lag o kafanyu ya anya fagayu.

Isayas 2:9 ပူးပေါင်းရင်းမြစ်များ

Nemyas 4:5

Lag kafanyu ya anya fagayu aroro gfauri emu si em salubangan, ami fag ngay takawat alad.”

Alubad. 49:2

Dewa o sik takadungug ay sik maidap fag taw, ay sik maramraman ay sik yud e kwa, dungugani!

Alubad. 62:9

At yud e kwa fag ngay taw kalyam kata sik tagmara, ay ngay taw takadungug wa yangay e fanambagun. Nu nafabudbungguan kanya fag ngay taw, at kabyatan kagan way tagmara.

Isayas 27:11

Ay at ngay sanga nu nyango wan, kalifung wan, sik ngay mangena gfaful laman at famaygang. Kafag ngay taw we nasafulan, nu katanya, Dius at nawat anya wa kafanyu ya anya.

Isayas 5:15

Nu katanya, Dius ban gfababa fagayu taw, kaugat wan takamatungudun.

Isayas 5:16

Dewa katanya, e sumeg Yawi at Mabalyanan aroro kanya matuyan nu gwabilug, ay namalag te, kanya at yud e malong fag Dius aroro siginan at ngay fakamulun at matuyan.

Isayas 57:9

Ay nanamuba am langis ay famaebebanglu sa ay fagsegan Mulek. Ay nasugu am at nanrvbvy tibak fagsegan sa tangayayu fag talun, ay dewa sa sangay fagfolian nanrvbvy yayam.

Eremyas 18:23

Dewa katanya, saful way o kanya fagayu at ngay algan laman namabul angku. Nu katanya, lag o gfalyam kanya fag ngay taw at ngay asalanan ay at ngay fagmauriun. Fabayani wan at ngay fawayan nu gbabo anya fagayu kaduge o gdama. Fadasugi wan am dotama sa anya fagayu.”

Markus 3:29

Ay dewa katanya, nusnga sinu at nalong mauri sabaliwa at Masine fag Falad, Dius wa gfalyam ya. Kafag taw e asalanan kabavn.”

Ruma 3:23

Aroro fagayu taw e asalanan, ay we fagmasineun kata Dius.

Kulusas 2:18

Lag am gatabanan nusnga sinu at yud matuyan nu kamababaun ay tagseg ngay tagbarita. Takatanya fag ngay taw gfoyung sabaliwa at ngay taginfan, ay kamatungudun sabaliwa at ngay amatanganan tagfaning ste swa daga fag ngay ugali.

Kulusas 2:23

Ngay taw at amatanganan, kafag ngay foyungan kata tua at mamatanganan fag taw at foyungan, aroro kafag ngay tagfandaya maksvn nu gseg ngay tagbarita, ay wa matuyan nu kamababaun ay gfaidapan at sadili. Dewa katanya, takatanya fag ngay suguan wa mafafaragang tam bilug at fakaylatun.

Uswe 24:19

Uswe nalong sa sangay taw te, “Wam mafauseganan Yawi aroro kanya at yud e malong fag Dius ay kanya wa kaylat nu e fagsegan wayam tibak fagsegan. Kanya ban wa kalyam ay natalyuyan anya, ay wa yangay ban kalyam ay nafakamulun at mauri.