Isayas 2:8 - Fanawbuid tagsibaliwas Fakayabian

⁸ Kanya yay fagayu at nawat at fagfausegananun fag ngay fagsegan!

Isayas 2:8 ပူးပေါင်းရင်းမြစ်များ

1 Fun 16:7

Ay sanya ginan, Yeu fag taglong, Kanani at baguama, nafoyung sik longan siginans Yawi sabaliwas Baasa ay at kalongan aroro siginans Baasa at ngay nafakamulun mauri sis Yawi at daga salubangan. Yawi andotama Baasa at ngay nafakamulun, ay anggan nu gfabul Erubuam at ngay kalongan fagayu. Nu katanya, Baasa at ngay kalongan ankamin yangay kata Erubuam at kalongan.

2 Fun 17:10

Kanya fagayu nafoli sik ngay tagfamatang fag gang ay ngay turuk fagtoglagan Asera fag fagsegan sa tangabat fag ngay buksul ay si sangay fun kayu at marabung at lanbung.

2 Fun 17:16

Kanya fagayu natalyuyan Yawi at ngay suguan ay nawat duak fagsegan tumad baka, ay turuk fagtoglagan Asera fag fagsegan. Fagayu taw naseg nusnge wain tagsis banwa ay sas Baal.

2 Krunika 27:2

Ay Utam at nafakamulun matuyan tua sis Yawi at daga salubangan, kata at mama Usya at nafakamulun. Kanya amatuyan yap tua at mama aroro kanya di nke asalanan siginan nu girug famaebebanglu sis Yawi at bale kata at mama at nafakamulun. Ay Utam dewa gfakamulun at matuyan, ngay taw gfataglayun way nu gfakamulun at mauri.

Isayas 17:8

Ay gubun ban at nawat fag ngay fagirugan. Ay gubun yangay ban ngay turuk fagtoglagan Asera fag fagsegan, ay anggan at fagirugan famaebebanglu at ngay nawat ebi ataw.

Isayas 26:13

Yawi em Dius, tibak dius gfagtainan yay emi, ay dewa katanya, o way lang em fagnansegan.

Isayas 37:19

Kanya fagayu nafamin wan fagayu at ngay fagsegan ay naukas sasad afuy. Aroro kanya fagayu bunwa at matuyan fag dius; sik ngay kayu way ay ngay gang ngay taw at nawat.

Isayas 40:19

O gfaladlabian am sa sangay fagsegan? Sik takawat nawat sik fagsegan ay nadafut gintu, ay nafasanya sik famasine fag salambitan at mawatan sanbung salapi.

Isayas 41:29

Kafag ngay fagsegan we masuad, ay we fagmafafakamulunun, kata way sik tagmara.”

Isayas 57:5

Ay gseg am ngay fagsegan gina am gtaladan si sangay fun kayu at marabung at lanbung, ay natuyan te, yud e malong. Ay gfon am ay ngay sisian laman ay fanggalangun si sangay fagfamiluganan mamam sis tigyangan buksul.

Eremyas 1:16

Namaurianan kban ku ngay taw tagfakamulun at mauri, aroro kanya fagayu natalyuyan angku siginan nu girug famaebebanglu fag lune ay nu gseg at nawat fag ngay fagsegan.

Eremyas 11:13

Ngay taw Uda, ay ngay fagsegan at kayuan kayu yangay ay furuan. Ay nu seyu sis furuan Erusalem at ngay fagaweanan, kayu yangay nya ay nawat fagirugan laman ay fagfonan ngay fanggalangun laman sas Baal fag fagsegan at maksvn nu mauri.’

Eremyas 2:28

Ay wain? Dada wan katsi ay nawat fag ngay fagsegan? Kanyai wan ay faguroun. O makatu ro gfalangfe ayu sa ay fagidapun? Ay ngay fagsegan kayu oma ay ngay furuan sis talun Uda.

Usea 12:11

Dewa katanya, ngay taw Gilyad gfataglayun yay gugat at ngay fagmauriun, ay kata way nu yud e masuad. Ngay taw Gilgal gfon ngay tama baka sat ngay fagsegan, ay nu katanya, gfarasras au at ngay fagirugan fanggalangun, ay umkata ban sik nafaful fag ngay gang gina naali at gamasun.

Usea 13:2

Ay katsi, am fag ngay taw Efraim, gfataglayun yayam gfakamulun takatanya fag asalanan. Kawat am ngay fagsegan siginan ay ngay salapi. Ay dewa katanya, takatanya fagayu taw way at nawat. Ay e glong sabaliwa ayu te, ‘Kanya fagayu gfon taw sat ngay fagsegan riangan baka ay gayuk anya.’

Usea 14:3

Ay wami get ya fanggubukun siginans Asirya, ay wa yangay mi gseg ya em ngay tagfawayan tagsakayan sis kabayu. Ay wa yangay mi gngayan ya em nawat fag ngay fagsegan te, em ngay dius. Aroro anfanyu tuo emi kata sik ngay sisian at yud e fagtainan ya.’ ”

Usea 8:6

Samarya at fagsegan fag baka, ngay taw Israel way at nawat. Kanya bunwa Dius. Matuyan, kanya ban karufa way.

Mikas 5:12

Nanrufa kban ngay tagfangalga at ngay fagagbilugun, ay wa ban e gfangabalo ya.

Fakamulun 17:16

Kaduge Pablu gfanya Silas ay Timuteu sis Atenas, kanya nalag ngayuk fagsegan, ay kabalu maksvn.

Deuterunumyu 4:28

Ay sanya ban nu nanseg am sa ngay fagsegan at mawatan siginans gang ay kayu, ngay fagsegan yud glag, yud gdungug, ay yud gayuk.

At Nafasure 9:20

Ay ngay taw at yud anbul siginan kafag faurianan, wa gfaragang nu gseg at ngay awatan fag ngay fagsegan. Kanya fagayu gfataglayun yay gugat nu gseg ngay falad, ay sa sangay fagsegan at mawatan siginans gintu, salapi, tansu, gang, ay kayu, ngay fagsegan at yud glag, yud gdungug, ay yud malao.