Isayas 2:3 - Fanawbuid tagsibaliwas Fakayabian

³ Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun, tagsis furuan Erusalem.

Isayas 2:3 ပူးပေါင်းရင်းမြစ်များ

Ester 9:27

ngay taw Udyu ansadi nu guseganan kaduge duak menit kayu banwa kata Mardukyu at nariruk, ay kanya fagayu namatangan yangay sa ban at ngay kasugfunanan ay fagayu at kintaip sas taw Udyu.

Alubad. 102:23

Yawi nafamomuy angku gina au mabaguama, ay nafagud ku leleg.

Alubad. 110:2

Am fagfagtainanan furuan daul Siun, ay Yawi ban gfamut yay, ay nangagbilug ban o am ngay fawayan.

Alubad. 119:171

Kabavn guseganan au sa emu, aroro nafoyung tuo sa angku am ngay foyungan.

Alubad. 122:1

Guseganan au, nu nadungug au ngay taw nu glong te, “Bastam wan sas Yawi at bale.”

Alubad. 48:1

Yawi mabalyanan; masine nu gfauseganan tam anya sit furuan, sat yud e malong fag buksul.

Isayas 1:26

Ay gdog kyay ban nanfili sik ngay tagwabilug ay sik ngay tagfalu longan laman sa ayu. Ay ay furuan ban kangayan te, sik matuyan ay tagkasakan fag furuan, aroro ngay tagbanwan sanya masine ay matuyan at ugali.”

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 19:23

Ginanya ban fag menit, umke dalan siginans talun Igiptu sitsigons Asirya. Ay ngay taw Igiptu ay ngay taw Asirya gfoyfolian ban gugat, ay magamut ban gseg.

Isayas 28:9

Kafag ngay taw kamayud ay glong te, “Nataw manga Dius at amatanganan sabaliwa antam? O nunda kata yay tam sik ngenge sirut at bagu katabu gsusu? Wain fakatanyaun at foyungan sabaliwa antam?

Isayas 44:5

Ay tiba glong te, ‘Au Yawi ktua at taw,’ ay tiba glong te, ‘Au Akub ktua at kasugfunanan.’ Ay tiba nanriruk sat daluap Yawi at ngayan, ay nantuyan at sadili te, taw Israel.”

Isayas 56:5

masakbo tua ban sa ku bale, ay gfae fagusegananun kban anya gtungud tua nu nke sisian, laman ban ngay taw gamatang tua gugat anya fagayu.

Isayas 56:7

Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Isayas 60:3

Ngay talun at ngay taw ay at ngay fun umkakbang ban sa emu.

Isayas 65:11

Ay dewa katanya, namaurianan kban ayu fag ngay taw at yud gfaning angku ay at yud gfae masuad ku nafili fag buksul at yud e malong. Nustua gfon wayam ay ngay fanggalangun sa sangay fagsegan nu dada nu gafanud am te, gfadasug ban sa ayu at masine.

Isayas 66:20

Ay kanya ban fagayu gina guli siginan sangay talun gtaban ban ay ngay kalongan. Kanya ban fagayu gsakay sit ngay kabayu, sit ngay mola, sit ngay kamelyu, ay sit ngay faguyudan. Ay gtaban ban sa ku nafili fag buksul at yud e malong tagsis Erusalem laman sik fanggalangun sa angku, kata ebi ngay taw Israel nu gfon at ngay fanggalangun si ku bale, fanggalangun fag ngay fakonun masuadan sit masine fag fagsuadan.

Eremyas 12:16

Ay kanya ban fag ngay talun at taw nu gafanud tua fia sa angku kata ku ngay taw ay nu gfatuyan tua ban fia sa ku ngayan, kata at nafoyung sa ku ngay taw nu gfatuyanan sas Baal, kanya ban fagayu ku ngay taw yangay.

Eremyas 26:18

“Ebi gina Esekyas gfunan sis talun Uda, Mikas, tagsiginans Mureset, nalong Yawi at longan laman sa sangay taw Uda. Kanya nalong te, ‘Yawi at Mabalyanan nanrasras wan Siun, Erusalem fag furuan daul. Ay kafag furuan ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.’

Eremyas 31:6

Ay sik menit ban, ngay taw tagalaga furuan guro si sangay buksul tagsis Efraim te, ‘Gewan, glo watam sas furuan Erusalem laman nanseg tam Yawi tam Dius.’ ”

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Mikas 4:2

Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun tagsis furuan Erusalem.

Mateu 7:24

“Fagayu at nadungug ay at nafaning ku longan kata sik taw at mamatanganan nu gbale. Kanya fag taw naali ngabasad, at kabasadan andasug sas gang.

Lukas 11:28

Ay Isus nalong te, “Kaugat yay nu mauseganan tagdungugan Dius at Longan ay gfaning.”

Lukas 24:47

Ay siginan ban at ngayan e gfoyung sas fagayu taw, taguna sas Erusalem ay anggan sas fagdaul daga at taw te, fagayu taw nu naubun tua at ngay asalanan, Dius gfalyam wan at ngay asalanan.

Uan 4:22

Wam toglag ay fagsegan, dewa katanya, ami taw Udyu toglag tuami em fagsegan, aroro siginan sa ngay taw Udyu anke fakalangfeun.

Uan 7:17

Nusnga sinu takaylat gfaning Dius at fakaylatun, sumaful te, ku foyungan siginans Dius ay mannga siginan way ku sadili.

Fakamulun 1:8

Ay baliwan, gina ban at Masine fag Falad andasug, gfon ban sa ayu fagmabalyananun. Ay namoyung ban am ay ngay nalag sa baliwa angku sas Erusalem ay sas fagdaul talun Udea ay sas talun Samarya ay anggan sas fagdaul daga.”

Fakamulun 10:33

Nu katanya, nafauro au emu. Ay fadi fadi andasug tuo stae. Ay katsi maful ami ste sis Dius at daga salubangan laman gdungugan tam Fun at ngay longan siginan emu.”

Ruma 10:18

Ay katsi ginto au te, o nunda kanya fag ngay taw Israel ya nadungug Dius at longan? Sabv, kafag ngay taw nadungug wan. Aroro at Rirukan nalong te, “Andasug wan sas fagayu talun kafag ngay aringang, at foyungan anrapyag sas fagdaul daga.”

Deuterunumyu 33:19

Ay kanya ban fagayu guro tibak taw laman glao sat fagagbilugun fag buksul laman namon sas Dius at matuyan fag ngay fanggalangun. Kanya ban fagayu guseganan aroro ngayu ban at ramraman siginans tigyangan ay fagngabasadan dagat.”

Deuterunumyu 6:1

Takatanya ay Dius Yawi at nalong sa angku fag ngay suguan, ngay foyungan, ay faugali ku fagnamoyungun sa ayu. Namaning ban am tuy sa ay fagnangagbilugun fag daga sas dife Liskung Urdan,

Santiagu 1:25

Dewa katanya, nusnga sinu tagamatangan tua kafag longan at yud e malong tagfalfas ayu, ay tagdungugan tua ay di kalyam nu bunway gfaning tua, Dius namauseganan kafag taw sas fagayu at fakamulun.