Isayas 2:20 - Fanawbuid tagsibaliwas Fakayabian

²⁰ Ginanya ban fag buknga, kanya fagayu gukas wan at ngay fagsegan at mawatan sanbung salapi ay gintu. Ay kanya ban fagayu gfamato wan at ngay fagsegan sa sangay but ay sa sangay alebung.

Isayas 2:20 ပူးပေါင်းရင်းမြစ်များ

Fakasigadan 35:4

Nu katanya, fagayu taw nafon sas Akub fagayu at fagsegan ay at ngay balugbugan. Ay Akub nalubgub si sik daga fun kayu daul munakbang sis Sekem.

Takamoyung 3:6

E buknga grvbvy ay e buknga gfalyam, ay e buknga gsuksuk ay e buknga gukas.

Isayas 10:3

Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Isayas 17:8

Ay gubun ban at nawat fag ngay fagirugan. Ay gubun yangay ban ngay turuk fagtoglagan Asera fag fagsegan, ay anggan at fagirugan famaebebanglu at ngay nawat ebi ataw.

Isayas 30:22

Amatangani te, mauri way ay nawat fag ngay fagsegan at fangawat sanbung salapi ay gintu. Ukasi wan kata sik fangarus fangigusan fag ramit ay longi te, “Deyud ya kanya!”

Isayas 31:7

Aroro umdasug ban sik menit nangukas wam ay ngay fagsegan at fangawat sanbung salapi ay gintu, ay nawat aroro siginan ay nafamaboan.

Isayas 40:19

O gfaladlabian am sa sangay fagsegan? Sik takawat nawat sik fagsegan ay nadafut gintu, ay nafasanya sik famasine fag salambitan at mawatan sanbung salapi.

Isayas 46:1

Babilunya at ngay fagsegan, Bel ay Nebu, mataygilid sis asnu at faguyudanun. Kanya mabyat, ay tagguyudan fag asnu kalufuy.

Isayas 46:6

Tibak taw gfasure gintu ay sanbung salapi, ay namawat sa sangay taw takawat fagsegan, ay kanya fagayu nantudan ay nanseg at nafawat fag fagsegan.

Esekyel 14:6

“Nu katanya, katsi nanlong o sa sangay taw Israel te, au, Fun Dius Yawi, glong au te, ‘Ubuni wan ay fagmauriun, ay talyuyani wan ay ngay fagsegan, ay falyami wan ay ngay fakamulun at mauri.

Esekyel 36:25

Namaramsig kban sa ayu at masine fag mamam laman umfegus am, siginan fagayu ay fagmauriun ay nu gseg am sa tibak fagsegan.

Esekyel 7:19

Kanya ban fagayu gukas wan at ngay salapi ay gintu sa sangay dalan kata sik ngay masuya. Gina kban nafadasug ku dotama, at ngay ramraman ban wa mafalangfe anya fagayu. Kanya ban fagayu wa yangay maon at ngay ramraman laman kapsug, aroro at ngay ramraman wan at nafae asalanan anya fagayu.

Usea 14:8

Ngay taw Israel, ayayui wan siginans ngay fagsegan. Ay gbalus kban ay ngay darangin, ay kafanyu kyangay ayu. Ay gufud kban ayu, kata sik fun dingin nu glanbung ayu. Au yangay tagfayu ayu.”

Sefanias 2:11

Yawi namadulo anya fagayu siginan nu grufa fagayu fagsegan sas fagdaul daga. Nu katanya, ngay taw sa tangayayu fag ngay talun sumeg yangay Yawi sit mesa talun.”

Lukas 23:30

Kadugenya, ‘ngay taw ban lumong sa sangay fungsu te, “Atongi sa emi,” ay sa sangay buksul te, “Tabuni emi.” ’