Isayas 2:2 - Fanawbuid tagsibaliwas Fakayabian

² Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Isayas 2:2 ပူးပေါင်းရင်းမြစ်များ

Fakasigadan 49:1

Sanya ginan, Akub nagewan at ngay baguama ay nalong te, “Wainyayam, e fagyalongun kyay sa ayu.

Ub 19:25

Dewa katanya, nasaful kwa te, ku tagfalangfe gleleg tua, ay abandi ban kanya umdasug stie sdaga.

Alubad. 102:23

Yawi nafamomuy angku gina au mabaguama, ay nafagud ku leleg.

Alubad. 2:8

Eti sa angku, ay gfon au emu ngay talun sas fagdaul daga, laman am fagnangagbilugun ban.

Alubad. 22:27

Ngay taw sas fagdaul daga nangamatang ay nangafoli sas Yawi. Ay fagayu talun at taw nanseg anya.

Alubad. 22:28

Aroro Yawi sik Fun, ay gfagtainan sas fagdaul daga.

Alubad. 48:2

Kafag buksul ngabat ay masine, ay gfae fagusegananun sas fagdaul daga. Siun yud e malong fag buksul at mabalyanan fag Fun at furuan.

Alubad. 68:17

Ay siginans Buksul Sinay, Fun Dius nasakbo sat bale. Ay ngayuk kabayu at yud katap ya at ke ngay faguyudan galo anya.

Alubad. 72:8

Kanya tua ban nangus tagfunan siginan sik dagat anggan ndasug tsiuy baliwa fag dagat, ay siginans Liskung Eufrates anggan sa sik fungfung daga.

Alubad. 86:9

Fagayu am nawat fag ngay gaban taw tagsiginan sangay talun kadasug sam daga salubangan, laman nanrungan nanseg emu, ay namauseganan am ngayan,

Alubad. 87:1

Yawi nafalindug furuan Erusalem sit mafasamanan fag buksul. Ay nu kesug, gtungud yap tua tibak furuan sis talun Israel.

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 25:6

Ste sbuksul Siun, Yawi at Mabalyanan e nafalganan sik yafun daul sas fagayu taw. Kanya nafalganan at mayayum fag ngay fakonun ay fag ngay fanginum.

Isayas 27:13

Ay gina ban e ndungug budyung at awang daul, umfoli ban sas furuan Erusalem tagidapan fag ngay taw Israel, at natabanan sas Asirya ay Igiptu. Ay kanya ban fagayu sumeg Yawi sat yud e malong fag buksul tagsis furuan Erusalem.

Isayas 30:29

Dewa katanya, fagayu am Dius at ngay taw nangalubad tuam, kata ay fakamulun sad yabi gina am gfauseganan Yawi. Ay guseganan am kata sik ngay taw tagadgaloan glo sas Yawi at Buksul kaduge e gfawang ngay tulali, laman nanseg anya, Israel at fagsarirungan fag gang.

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 56:5

masakbo tua ban sa ku bale, ay gfae fagusegananun kban anya gtungud tua nu nke sisian, laman ban ngay taw gamatang tua gugat anya fagayu.

Isayas 56:7

Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Isayas 60:3

Ngay talun at ngay taw ay at ngay fun umkakbang ban sa emu.

Isayas 65:11

Ay dewa katanya, namaurianan kban ayu fag ngay taw at yud gfaning angku ay at yud gfae masuad ku nafili fag buksul at yud e malong. Nustua gfon wayam ay ngay fanggalangun sa sangay fagsegan nu dada nu gafanud am te, gfadasug ban sa ayu at masine.

Isayas 66:20

Ay kanya ban fagayu gina guli siginan sangay talun gtaban ban ay ngay kalongan. Kanya ban fagayu gsakay sit ngay kabayu, sit ngay mola, sit ngay kamelyu, ay sit ngay faguyudan. Ay gtaban ban sa ku nafili fag buksul at yud e malong tagsis Erusalem laman sik fanggalangun sa angku, kata ebi ngay taw Israel nu gfon at ngay fanggalangun si ku bale, fanggalangun fag ngay fakonun masuadan sit masine fag fagsuadan.

Isayas 66:23

Ay galay fagmafulun sabaliwa Magdanun nu Bagu Kasure, ay Famiangalay fag Menit, fagayu am fauseganani angku.

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Eremyas 23:20

Wa ban kalyam ku dotama yakmay kban nafafasludan ku fakaylatun gfakamulun. Ay sa ban taguyan fag ngay menit, sumaful yayam at masuad.

Eremyas 26:18

“Ebi gina Esekyas gfunan sis talun Uda, Mikas, tagsiginans Mureset, nalong Yawi at longan laman sa sangay taw Uda. Kanya nalong te, ‘Yawi at Mabalyanan nanrasras wan Siun, Erusalem fag furuan daul. Ay kafag furuan ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.’

Eremyas 3:17

Ay ginanya ban e gfangayan Erusalem te, ‘Yawi at fagbanwanan.’ Ay fagayu ban talun at taw nangaful sanya laman namauseganan angku. Ay kanya ban fagayu wa kamaogatun ya ay wa mauri ya at ngay amatanganan.

Eremyas 30:24

Nu kadotama au wa kalyam yakmay au nafafasludan ku fakaylatun gfakamulun. Ay sa ban taguyan fag menit, sumaful yayam takatanya.”

Eremyas 31:12

Kanya ban fagayu glao sas Buksul Siun ay guro guseganan. Ay guseganan ban aroro sa ku ngay nafon sa anya fagayu. Ay umkayu ban at gutluan, ay ubas at mamam, ay at langis ulibu, ay at ngay fagbaugun. Ay kanya ban fagayu umkata sik ngay tanuman at malayun tua nu e gfarugme, ay wa ban gdog ya e fakabaluun.

Eremyas 48:47

Dewa katanya, kadasug ban sik menit, gfafoli kyay ban talun Muab at kayaunanan. Au, Yawi, taglong tuy.” Kata kanya at foyungan sabaliwas talun Muab.

Eremyas 49:39

Dewa katanya, gfafoli kyay ban sas Elam at fagmanabayanun. Au, Yawi, taglong tuy.”

Eremyas 51:44

Gfaurianan kban Bel, talun Babilunya at fagsegan, ay gfafangkok kban at ngay naon. Ay ngay talun ban at ngay taw we nangadasug ya sa anya laman nanseg. Ay umrasras wan talun Babilunya at ngay alad.

Esekyel 38:16

Gug, namawayan ban o ku ngay taw Israel, kata sik linyabu tagtabun daga, laman ban ku fawayan fag ngay talun tumoglag angku te, kdi e malong.

Daniel 10:14

Katsi, ste au laman namayamag au sa emu takafasludan ban sam ngay kaiban fag ngay taw Israel, aroro am ngay taginfan sabaliwa takafasludan ban.”

Daniel 2:28

dewa katanya, e sik mabalyanan fag Dius sis banwa at mafafasure at ngay masuksukan nusnge wain. Ay kanya nafoyung sa emu takafasludan ban. Katsi, nanlong au sa emu am ngay nalag sim taginfan.

Daniel 2:35

Arodi vtv, anrufa wan kafag fagsegan at mawatan sanbung, lutuk, tansu, salapi ay gintu, ay ankata sik upa sis fagruyusan, lalab at fagfalayugun nusnga nday, dewa katanya, kanya fag gang at kintong sas fagsegan at ngay darafa ansik buksul daul ay ankapnu sas fagdaul daga.

Daniel 2:45

Kanya kata am nalag at kintong fag gang siginans buksul (bunwa siginans taw at nafakamulun) at narufa kanya fag fagsegan at mawatan sanbung, tansu, lutuk, sanbung salapi, ay gintu. “Em fun Dius mabalyanan tua, ay nalong sa emu takadasug ban. Kanya am taginfan at masuad. Kanya fagayu ku nalong matuyan.”

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Sakaryas 14:10

Ginanya ban namadatag wan fagdaul talun Geba sas fawalan fag alvngvdan sitsigons Rimun ay sas fasiunan fag alvngvdan Erusalem. Dewa katanya, Erusalem ban wa kabali, siginan Benamin at Sakbawan ay gtaglayun sa Taguna fag Sakbawan, sitsigons Sakbawan tagsis Fugungan, ay siginans Kananel fag bale ngabat fagulitan sitsigon fun at fagturisan rawvg ubas. Wa ban e gdog ya nanrasras Erusalem, ay at ngay tagbanwan ban gbanwan tua manabayan.

Sakaryas 14:9

Yawi namagtainan sas fagdaul daga. Kanya way lang at fagtoglagun fag Dius, ay at ngayan way lang ban takadungug.

Sakaryas 8:22

“Ay ngayuk taw siginan at mabalyanan fag ngay talun umdasug yangay sas Erusalem laman nangakbang ay nandarangin sa angku.

Sakaryas 8:3

Nangafoli au sas Siun, Erusalem fag furuan, ay namanwan au sanya. Ay gfangayan ban Erusalem te, at matuyan fag furuan, ay ku fagagbilugun fag buksul gfangayan te, at yud e malong fag buksul.

Malakyas 3:12

Ay ginanya ban, fagayu talun at taw gfangayan ayu te, at manabayan fag talun, aroro ay ngay furuan at masine fag fagbanwanan. Au, Yawi at Mabalyanan, taglong tuy.”

Tap 24:14

Guli kwan katsi sa ku kaiban. Dewa katanya, gina au galoun, gfararang au sa emu ngay taw Israel at fagnamakamulunun ban sa am ngay taw.”

Fakamulun 2:17

Dius nalong te, ‘Sa ban taguyan fag ngay menit, gfon kban ku Falad sas fagayu taw. Ay ngay baguama ban ay ay ngay baguina mafafoyung tua ku longan, ay ngay baguama ban umke fagsafulun sabaliwa takafasludan sas fagunan. Ay ngay fagtainan ban umke ngay taginfan.

2 Timuteu 3:1

Amatangani te, sa ban taguyan fag ngay menit, maksvn nu maidap.

Ebreu 1:2

Ay katsi, taguyan fag ngay menit, kanya naringang sa antam siginan at Baguama. Ay siginan yangay at Baguama Dius nawat fagdaul daga ay nafili anya laman tagagbilug fagayu nusnge wain.

2 Pedru 3:3

Taguna safuli te, sa ban taguyan fag ngay menit kadasug takamalingun fag ngay taw, tagfaning at mauri fag algan.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 20:4

Ay sanya ginan nalag au sik ngay faglunggungan, ay malunggung sanya at ke fagmabalyananun ginsaful taw at asalanan. Nalag kyangay at ngay nalifungan at alfuyu at ngay falad, at kinbul aroro gfoyung sabaliwas Isus ay Dius at Longan. Kanya at yud naseg tagfangagat fag mela ay at aninu, ay at yud naylat gfariruk kafag mela at ngayan sit dangasan ay mannga sit daluap. Kanya nadog yay naleleg ay gfagtainan gasfuan tam Fun Isus kaduge sadik libuk banwa.