Isayas 2:19 - Fanawbuid tagsibaliwas Fakayabian

¹⁹ Ay ginanya ban, Yawi gfalag at dotama ay at fagmabalyananun siginan nu guig fagdaul daga, ay ngay taw ban lumagyu nansuksuan sa sangay alian ay sa sangay daga luib sa sangay fungsu.

Isayas 2:19 ပူးပေါင်းရင်းမြစ်များ

2 Samwel 22:46

Kanya fagayu anmomuy at ngay amatanganan, ay gduksun siginan at fagsuksuanan, gtadtaruyan kalimu.

Ub 9:6

Kanya mafauig daga, anggan at fagtungkudan.

Alubad. 7:6

Yawi, falagi wan am dotama sa ku ngay fawayan takauri angku. Ay fasurei am fagmatuyanun.

Isayas 13:13

Nanguig kban banwa ay fagdaul daga. Ay ginanya ban fag menit, namakamulun au takatanya laman namasure au ku maksvn fag dotama.

Isayas 2:10

Ngay taw Israel, glagyu ban am sa sangay luib ay sa sangay alian, laman nanuksuan am Yawi at dotama ay at fagmabalyananun.

Isayas 2:21

Ay ginanya ban, Yawi gfalag at dotama ay at fagmabalyananun siginan nu guig fagdaul daga, ay ngay taw ban gfabulun glagyu nanuksuan sa sangay gang tagbia ay sa sangay daga luib sa sangay fungsu.

Isayas 24:1

Fagayu am, dungugani! Yawi rumasras ban fagdaul daga, ay namasaruayan fagayu taw.

Isayas 24:18

Fagayu ban taw at lumagyu aroro e nalimuan umtong sasad lusung, ay fagayu ban at nalfas siginan sad lusung umsiuk sas sangdaw. Maksvn ban nu karak, ay daga at fagmatungkudan muigan.

Isayas 24:19

Fagdaul daga umkarang ban ay umbaltak,

Isayas 30:32

E gfamin waban fagayu taw sanya ay kayu ginan Yawi gfalang sanya fag ngay taw, gfasfuan sik fagfadkalinganun ay fagfawangun ke ngay bakyang.

Isayas 33:10

Yawi nalong te, “Katsi namakamulun kwan, ay fagayu ban taw sumeg angku.

Isayas 7:19

Ay kanya ban fagayu namanwan sas fagdaul talun Uda, ay sa tangabasad fag liskung, ay sa sangay luib, ay sat madugi fag ngay tanum, ay sas fagnamafangonan fagbaugun.

Eremyas 16:16

“Dewa katanya katsi, namadasug kwan sa anya fagayu ngayuk fawayan kata sik ngay tagfangalbon at nanggamat anya fagayu. Ay namadasug kyangay ngay taglafat laman nanrvbvy anya fagayu sa sangay buksul, sasad araw ay sa sangay luib.

Eremyas 4:29

Ngay tagbanwan si sangay furuan nalagyu aroro kalimu nu nadungug ngay tagakabayuan ay at ke ngay godun nu garingang. Tiba nalagyu sasad araw, ay tiba naulul sa sangay fungsu. Ay kanya fagayu naubun at ngay furuan ay we gbanwan ya.

Eremyas 48:28

Loi wan siginan ay furuan ay namanwan am sa tagagangun fag talun, kata ngay alfasang nu gfugad sa sangay luib si tangabat fag fungsu.

Esekyel 33:27

“Au, Fun Dius Yawi gfatuyanan au te, kafanud nu gleleg au, ngay taw ban at sawad sit marasrasan fag furuan daul kabul sas awayan. Ay at sawad ban tagsis talun, ngay mangilafang ban kagat wan, ay tagsi sangay fagsuksuanan fag ngay luib kabul sas fakasaitun.

Usea 10:8

E rumasras ban at ngay bale fagnansegan si tangabat fag buknga sis Aben, tagfae asalanan ngay Israel. Ay at ngay fagirugan fanggalangun umfaut wan siginan at madugi fag ngay makmak. Ay kanya fagayu glong ban sa sangay buksul te, ‘Fakwani wa emi.’ ”

Mikas 7:17

Ay kanya ban fagayu kata ule galafangan aroro sat fakaplaun maksvn, ay gduksun gtadtaruyan kalimu emu, em Dius Yawi.

Naum 3:11

Taw Ninibe umkata am sik ngay tagalangu at yud saful at kindasug. Ay ngay fawayan kadasug laman namawayan ayu. Nu katanya, nanrvbvy am ay ngay fagnanuksuanan laman diam gagamatan.

Agay 2:6

Yawi at Mabalyanan glong te, “Wa ban glugo ya, gdog kyay ban nanguig banwa ay fagdaul daga, ay dagat,

Agay 2:7

ay anggan fagayu talun, ay kanya ban fag ngay talun at taw namuba at ngay ramraman sa ku bale. Ay umkapnu ban sa ku bale nusnge wain at mafanud.

Lukas 23:30

Kadugenya, ‘ngay taw ban lumong sa sangay fungsu te, “Atongi sa emi,” ay sa sangay buksul te, “Tabuni emi.” ’

2 Tesalunika 1:9

Kanya ban fagayu gafaurianan kabavn, ay umsaman ban sa tam Fun ay sat fagmasineun at mabalyanan.

Ebreu 11:38

Ste sfagdaul daga at ngay taw wa masine ya magamut anya fagayu. Kanya fagayu glo way lang glulian sas talun at yud e taw ay sas talun buid, ay nanuksuan sa sangay luib ay sa tiba yak fagsuksuanan sis daga.

Ebreu 12:26

Ebi gina Dius naringang, daga nauigan. Ay at fatuyanan katsi te, “Sik lao kya ban nanguig, bundi ban lang daga nu bunway anggan tua ban banwa.”

At Nafasure 11:13

Ay ginanya yay anke uig maksvn. Ay at fasafuluk afud kafag furuan ankiklas wan, ay fituk libuk taw at kinbul. Ay tagleleg yay fag ngay taw anlimu maksvn ay nafauseganan tagsis banwa fag Dius.

At Nafasure 11:19

Ay nu ntabu takatanya, Dius at bale sis banwa anluang, ay sad basad, anlag at Fagsuadan Nasadian. Ay ginanya maksvn nu glimbad ay nu glingsi ay nu gawang, ay maksvn yangay nu guig, ay nu karak yelu.

At Nafasure 16:18

Ay sanya ginan, maksvn nu glimbad ay nu glingsi, ay nu gawang, ay maksvn nu guig. Ya batang e kaksvn nya fag uig siginan ngay nu bagu ke taw sas daga.

At Nafasure 20:11

Ay sanya ginan nalag au sik faglunggungan daul malaksi ay at malunggung sanya. Daga ay kiwang nalyam wan siginan anya, ay we kalag ya.

At Nafasure 9:6

Ay kadugenya fag ngay menit, ngay taw grvbvy balyawvtan laman kabul, ay dewa katanya, wa nke balyawvtan. Kafag ngay taw kaylat oma daul kabul, ay dewa katanya, wa kafasludan takatanya sa anya fagayu.

1 Samwel 13:6

Ngay taw Israel nu nasaful te, gababawan way ro, kanya fagayu nananuksuan sa sangay luib ay sas wa sigbo ay sas wa gang ay sa sangay alian ay sa sangay fagfungsuan mamam.

1 Samwel 14:11

Duama nu nanangalagan, ngay taw Filistia gudguroan te, “Kanya wan ngay taw Ebreu! Kanya fagayu naduksun wan siginan at fagsuksuanan.”