Isayas 2:12 - Fanawbuid tagsibaliwas Fakayabian

¹² Yawi at Mabalyanan nafalganan sik menit laman namaurianan fagayu takamatungudun, ay fagayu taglong te, mabalyanan ami.

Isayas 2:12 ပူးပေါင်းရင်းမြစ်များ

2 Samwel 22:28

Ay gfalangfe tuo takamababaun, dewa katanya, gfababa o takamatungudun fag ngay taw.

Ub 24:1

Wain Dius at fagyudun gfalganan sik menit laman namaurianan at mauri fag ngay taw? Wain ngay taw tagtoglag anya fagyudun glag nu gfaurianan fag menit?

Alubad. 131:1

Yawi, kdi kamatungudun, dewa sa ku amatanganan ay sa ku ngay fakamulun. Ay kwa kasalag ya nusnge wain ku fagyudun makatu ay at madulo.

Alubad. 18:28

Yawi, ku Dius, o wan ku salung, ay gyamag o angku gina au sisad dulum.

Alubad. 37:13

Dewa katanya, tam Fun kase way takatanya fag ngay taw, aroro kanya saful way te, munakbang wan kanya fag ngay taw nu gafaurianan.

Alubad. 94:2

O yangay taginsaful sas fagayu taw, nu katanya, fakamuluni wan! Faurianani wan takamatungudun fag ngay taw tagalvngvdan sat ngay nafakamulun.

Fangatulun 16:5

Yawi maksvn nu kauri fagayu takamatungudun, ay takatanya fag ngay taw umfaurianan.

Isayas 10:12

Dewa katanya, tam Fun Dius nalong te, “Gina ban antabu nu gagbilug au Asirya at fun nu namafasludan ku algan fag faurianan sas Buksul Siun ay sas furuan Erusalem, namaurianan kyangay ban anya, aroro kanya kamatungudun ay kamanagsag!”

Isayas 10:33

Fagayu am, dungugani! Tam Fun, Yawi at Mabalyanan, namamin fagayu taw Asirya siginan at madulo fag fagmabalyananun kata nu glifung sik sanga kayu. Kanya nafababa at ngay takamatungudun sat iba, kata nu gfuan tangabat fag ngay kayu.

Isayas 13:11

Namaurianan kwan fagdaul daga aroro sat fagmauriun ay anggan ngay tagasalanan aroro sat ngay asalanan. Ay namamin kwan fagayu taw takamatungudun. Ay gfaragang kwan ngay taw nu kamalabi.

Isayas 13:6

Fagayu am waywayi, aroro munakbang wan Yawi at menit, Dius at Mabalyanan nu namaurianan.

Isayas 13:9

Fagayu am dungugani! Yawi at menit kadasug wan, ginanya ban fag menit namasure at maksvn at dotama ay at faurianan. Kanya ban rumasras sanya fag daga ay wa ban kabanwan ya, ay fagayu tagasalanan tagbanwan sanya umkamin.

Isayas 14:15

Dewa katanya, e nabuba way emu sa sangay kinbul at talun, sa tangabasad fia fag lusung.

Isayas 23:9

Yawi at Mabalyanan at ke algan takatanya, laman namatong takamatungudun tagseg at kamasinean, ay laman gfamababaun ngay takadungug sas fagdaul daga.

Isayas 24:21

Ginanya ban, Yawi namauri at mabalyanan fag ngay awatan sis banwa, anggan ngay fun iste sfagdaul daga.

Isayas 24:4

Daga ban umgong ay umtugas. Ay fagdaul daga umkalyam ban, anggan at ngay takadungug ay at mabalyanan fag ngay taw.

Isayas 40:23

Kanya naiyan ngay fun ste swa daga siginan at ngay fagfagtainanan laman we tungkul ya.

Isayas 42:15

Nanrufa kwan ngay buksul ay anggan ngay fungsu, ay namagong au ngay tanum. Namalanggang au ngay liskung ay anggan ngay bunaw.

Isayas 5:15

Nu katanya, Dius ban gfababa fagayu taw, kaugat wan takamatungudun.

Isayas 61:2

Nasugu yangay angku laman namoyung au te, katsi fag buknga Yawi namalangfe at ngay taw ay namaurianan at ngay fawayan. Nasugu yangay angku laman namasun au ngay takabalu sas Siun. Abat ngate gfoli dafug sat alfuyu laman famasaful te, kabalu, kanya naugwag way langis ay nasangboan barugwak at famasaful te, e fagmanabayanun. Ay kanya umkata ngay fun kayu at mogat, Yawi at natanum. Ay e gtoglag ban anya fagayu te, at matuyan fag ngay taw tagfauseganan Yawi.

Eremyas 12:9

Ku nafili fag ngay taw anke fagmauriun maksvn sa angku, ay ankata sik tagfaninduk fag ngay manuk tungud. Ay tibak manuk tungud tagfaninduk naligung anya fagayu. Ay namasanya au at madot fag ngay mela laman nangon anya fagayu.

Eremyas 30:7

Ay ginanya ban fag buknga maksvn nu malimu, ay wa ban e kaksvn nya kanya nu malimu. Ginanya ban Akub at ngay kasugfunanan gidapan, dewa katanya, sa ban taguyan kanya fagayu umlangfe yay sanya ginan fag fagidapun.

Eremyas 46:10

Dewa katanya, tam Fun, Yawi at Mabalyanan gbabo ban gina nawayan. Ay ginanya ban kanya mafasud sat ngay fawayan. At fiso kata sik mangilafang takalunus at nangon kafag ngay taw yakmay napsug, ay at nanginum at taguk yakmay napyan. Ay kanya ban fag ngay taw at ngay bilug at mabulan, kata ban sik ngay fanggalangun sa tam Fun, Yawi at Mabalyanan, tagsi sangay furuan sas fawalan fag alvngvdan, munakbang sis Liskung Eufrates.

Eremyas 50:31

“Au, ay Fun, Yawi at Mabalyanan, glong au te, o takamatungudun fag talun Babilunya, ku fawayan o! Aroro buknga wan nu gfaurianan au emu.

Esekyel 13:5

Kanya fagayu, kata way ngay taw at yud gfasine talun Israel at alad laman mogat tua nu ndasug awayan gina Yawi gfaurianan fag menit.

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Amus 5:18

Afanyuan am tagfanya Yawi at menit. Lag am gamatangan te, ginanya ban umlangfe am. Aroro ginanya waban fag menit nu gfaurianan au ayu.

Mikas 2:3

Nu katanya, Yawi glong sa ayu te, “Dungugani! Namaurianan kban ayu ay wa ban am umlangfe, ay wa ban am mafamatungudun ya.

Mikas 5:11

Ay namaiklas kban ay ngay furuan daul anggan ay ngay fagnanuksuanan bale at mogat.

Sefanias 1:16

ay umdungug yangay ban nu e gbudyung gasfuan ngay tagfawayan nu gudguroan gfawayan sa sangay furuan at ke ngay alad ay dewa sat mogat fag ngay afud alad fag ngay fagulitan.

Sefanias 3:11

Ay ginanya ban fag menit, am fag ngay taw Erusalem di ban am gafaplan ya siginan ay ngay nafakamulun at mauri sa angku, aroro gaiyan kban siginan ayu ngay takamatungudun ay takamuag. Nu katanya, di ban e kamatungudun ya sa ku nafili fag buksul at yud e malong.

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Malakyas 4:5

“Dungugani! Gina yay yud andasug nu gfaurianan au fag menit at maksvn nu malimu, gsugu au sa ayu ku taglong Elyas.

Mateu 23:12

Ay nusnga sinu takamatungudun, abandi ban Dius gfababa anya, ay takamababaun, Dius ban gfabat tua anya.

Lukas 14:11

Aroro sik taw nu kamatungudun way, abandi ban e gfababa anya, ay nu kamababaun tua, abandi ban e gfabat anya.”

1 Kurintu 5:5

foni wan kanya fag taw sas Satanas, laman at bilug umfaurianan, ay bangaran ban at falad umlangfe yay nu ndasug tam Fun at menit.

1 Tesalunika 5:2

Aroro nasaful wam te, tam Fun at menit nu kadasug kata way sik tagfangkamul sad yabi.

Santiagu 4:6

Ay Dius at nafon sa antam at gubuk kasakan wan. Nu katanya, anriruk sis Dius at Longan te, “Dius wa gfadiuganan takamatungudun fag ngay taw, dewa katanya, kafanyu tua nusnga sinu takamababaun.”