Isayas 2:11 - Fanawbuid tagsibaliwas Fakayabian

¹¹ Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 2:11 ပူးပေါင်းရင်းမြစ်များ

2 Samwel 22:28

Ay gfalangfe tuo takamababaun, dewa katanya, gfababa o takamatungudun fag ngay taw.

Alubad. 18:27

Ay gfalangfe tuo takamababaun, dewa katanya, gfababa o takamatungudun fag ngay taw.

Alubad. 18:28

Yawi, ku Dius, o wan ku salung, ay gyamag o angku gina au sisad dulum.

Alubad. 20:8

Ay kanya fagayu ummomuy ay gtaglayun karit. Dewa katanya, ami mabitsug tuami gugat.

Alubad. 46:10

Ay Dius glong te, “Maragangani way, ay asafuli te, au wan Dius. Ay ngay talun at taw sas fagdaul daga gfauseganan angku.”

Alubad. 46:11

Yawi at Mabalyanan gufud antam. Ay kanya yangay fag Dius, Akub at Dius, tam fagsarirungan.

Alubad. 94:2

O yangay taginsaful sas fagayu taw, nu katanya, fakamuluni wan! Faurianani wan takamatungudun fag ngay taw tagalvngvdan sat ngay nafakamulun.

Fangatulun 16:5

Yawi maksvn nu kauri fagayu takamatungudun, ay takatanya fag ngay taw umfaurianan.

Fangatulun 30:13

E ngay taw kamatungudun, ay kanya nu gamatangan sat sadili, gtungud tua at iba.

Isayas 10:12

Dewa katanya, tam Fun Dius nalong te, “Gina ban antabu nu gagbilug au Asirya at fun nu namafasludan ku algan fag faurianan sas Buksul Siun ay sas furuan Erusalem, namaurianan kyangay ban anya, aroro kanya kamatungudun ay kamanagsag!”

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 12:4

Ginanya ban fag menit, nangalubad am te, “Fagayu am fauseganani Yawi! Segi anya! Foyungi sas fagayu taw at ngay nafakamulun.

Isayas 13:11

Namaurianan kwan fagdaul daga aroro sat fagmauriun ay anggan ngay tagasalanan aroro sat ngay asalanan. Ay namamin kwan fagayu taw takamatungudun. Ay gfaragang kwan ngay taw nu kamalabi.

Isayas 14:15

Dewa katanya, e nabuba way emu sa sangay kinbul at talun, sa tangabasad fia fag lusung.

Isayas 2:17

Ay ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag,

Isayas 23:9

Yawi at Mabalyanan at ke algan takatanya, laman namatong takamatungudun tagseg at kamasinean, ay laman gfamababaun ngay takadungug sas fagdaul daga.

Isayas 24:21

Ginanya ban, Yawi namauri at mabalyanan fag ngay awatan sis banwa, anggan ngay fun iste sfagdaul daga.

Isayas 25:9

Ay nu nfasludan waban takatanya, at ngay taw lumong te, “Kanya wan tam Dius! Nafanud tam sa anya, ay nafalangfe antam. Kanya wan Yawi ay nafanud tam sa anya. Guseganan watam ay gseg anya, aroro kanya nafalangfe antam.”

Isayas 26:1

Ay ginanya ban fag ngay menit, e nangalubad tuy fag alubad sas talun Uda: Mogat wan tam furuan! Dius nu gfalangfe antam kata sik alad nu gsafung antam.

Isayas 28:5

Ginanya ban fag menit, Yawi at Mabalyanan umkata sik masine fag sangbo barugwak sas fagayu at kinsawad fag ngay taw.

Isayas 29:18

Ginanya ban fag menit, at yud gdungug, gdungug nu e gtap sis fafil. Ay siginans fagmadulumun, at yud glag lumag tua.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 30:23

Yawi ban gfarak gina sis fantanuman fag buknga, ay umkayu ban ay tanum at rawvg. Ay fagayu ay ngay fagbaugun nu gfangonan sat tagbia fag fagnamafangonan.

Isayas 37:23

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Isayas 4:1

Ginanya ban fag buknga, wa ngayu ya at mangama. Nu katanya, fituk mangena gagoan sik mangama ay kanya ban fagayu glong te, “Adadwai sa emi fagfitu! Ay ami mandi ban tagbayad em fakonun ay em lanbung, laman ban wami gafaplan te, wami e indugan.”

Isayas 40:23

Kanya naiyan ngay fun ste swa daga siginan at ngay fagfagtainanan laman we tungkul ya.

Isayas 52:6

Dewa katanya, sik menit ban tumoglag am ku ngayan, aroro au wan tagaringang gugat sa ayu. Matuyan, au wan.”

Eremyas 12:9

Ku nafili fag ngay taw anke fagmauriun maksvn sa angku, ay ankata sik tagfaninduk fag ngay manuk tungud. Ay tibak manuk tungud tagfaninduk naligung anya fagayu. Ay namasanya au at madot fag ngay mela laman nangon anya fagayu.

Eremyas 9:24

Nusnga sinu fag taw takaylat nanfamatungudun, nu kamatungudun sa yakman baliwa nu gtoglag angku. Aroro au, Yawi at mafangesug, at mafakamulun kasakan ay at matuyan sas fagdaul daga. Katanya tua ku fakaylatun. Au, Yawi, taglong tuy.”

Esekyel 38:14

“Taw at baguama, nu katanya, nanlong o sas Gug te, ‘Au, Fun Dius Yawi, glong au te, ginanya ban, sumaful o te, ku ngay taw gbanwan manabayan.

Esekyel 38:19

Ay at kaksvnan ban nu kadotama au, gfatuyan au te, guig ban maksvn sas fagdaul talun Israel.

Esekyel 39:11

“ ‘Ay ginanya yangay ban, namoli au Gug gasfuan at ngay tagfawayan sas talun Israel si sik datag sa sangay taw at fagloan tagsibaliwas Dagat Mabulan at fakamenitan. Kanya ban fag fagfolian gbia, ay ngay taw ban wa manandalan ya sanya. Ay gfangayan ban kafag datag te, Gug at ngay tagfawayan.

Esekyel 39:22

Ay siginan ban ginanya fag menit, ngay taw Israel sumaful te, au wan at Dius Yawi.

Daniel 4:34

Nu nlangfe fituk banwa, au, Nabukudunusur, ankakbang au sas Dius, ay kanya nafafoli sa angku ku amatanganan at masine. Nu katanya, naseg au ay nafauseganan anya, Tiba Tungud ay tagleleg kabavn fag Dius. Ay nalong au te, Kanya gfagtainan kabavn ban, ay at fagfagtainanan gfataglayun ban sas fagayu kasugfunanan.

Usea 2:16

Yawi nalong sa sangay taw Israel te, “Gina ban am anfoli sa angku, gngayan ban am angku te, ay mangama ay wa ban am gngayan ya angku te, Baal.

Usea 2:18

Ginanya ban fag menit, nangawat au sik nasadian sas fagayu mangilafang laman ban wa gfauri ayu. Gbul kyangay ban siginans Israel at ngay godun ay at ngay fiso, ay wa ban e awayan ya, laman ban manabayan tua nu gtiug am.

Usea 2:21

Ay ginanya ban fag menit, gbalus au ay ngay darangin. Au, Yawi, taglong tuy. Ay ginanya ban gfarak au laman gfatugbung ngay fananumun,

Uel 3:18

Ginanya ban fag buknga, umramraman am. Ay umkapnu ban sa ay ngay fagsuadan ngay fanlangu siginans wat ubas. Ay umkayu yangay ban ay ngay baka ay ngay kambing sa sangay fagnamafangonan. Ay ay ngay liskung ban di kalanggang. Ay e gbulbugan ban siginans Yawi at bale ay nanfamilugan sa sangay fun akasya fag datag.

Amus 9:11

Umdasug ban sik menit gdog au namalindug Dabid at fagfagtainanan kata sik bale famoy at kinkiklas. Namasine kban kata ebi nu masine,

Ubadyas 1:8

Au Yawi, glong au te, gina kban ginsaful fag menit, namamin kban ngay taw at ke fagsafulun, ay umbul ban at mamatanganan fag ngay taw sis Edum, at ngayan yangay te, Isaw at fagagbilugun fag buksul.

Mikas 2:3

Nu katanya, Yawi glong sa ayu te, “Dungugani! Namaurianan kban ayu ay wa ban am umlangfe, ay wa ban am mafamatungudun ya.

Mikas 4:6

Yawi nalong te, “Ginanya ban fag ngay menit, namaful kban ku nafaurianan fag ngay taw, kata sik ngay tupa tagalbi ay at narapyagan. Ay at ngay sawad namasik mabalyanan kban fag talun. Ay siginan ban ginanya fag menit, namagtainan kban anya fagayu sas Buksul Siun.

Mikas 5:10

Yawi nalong te, “Ginanya ban fag ngay menit, gfabul kban ay ngay kabayu ay giklas ay ngay faguyudan fangawayan.

Sefanias 3:11

Ay ginanya ban fag menit, am fag ngay taw Erusalem di ban am gafaplan ya siginan ay ngay nafakamulun at mauri sa angku, aroro gaiyan kban siginan ayu ngay takamatungudun ay takamuag. Nu katanya, di ban e kamatungudun ya sa ku nafili fag buksul at yud e malong.

Sefanias 3:16

Ginanya ban fag menit, e glong sa sangay taw Erusalem te, ‘Ngay taw Siun, lag am kalimu, faksvni ay ngay amatanganan,

Sakaryas 9:16

Ginanya ban, Yawi namalangfe anya fagayu kata at fagagbilugun fag ngay tupa. At kasine glag anya fagayu nu sit talun. Kanya fagayu kata at mafanud fag gang taganyang famasine sangbo, at masine nu kalag maksvn nu kabayad. Umkayu at ngay wat ubas at rawvg ay tiba ya at ngay fananumun, laman famabitsug at ngay baguama ay at ngay baguina.

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Lukas 18:14

Ay Isus glong yay fia te, “Gfoyung au ayu te, kanya fag taw gina guli, Dius natap anya kata sik taw at yud e asalanan, ay duan kafag taw Fariseu. Aroro nusnga sinu nu kamatungudun way, abandi ban e gfababa anya, ay kanya nu kamababaun tua, abandi ban e gfabat anya.”

2 Kurintu. 10:17

Kata at longan sit Rirukan te, “Nusnga sinu takaylat kamatungudun, nu kamatungudun sai tua baliwa tam Fun.”

2 Kurintu. 10:5

Ay grasras ami nusnga setaw fag famabadbaboan ay fagayu takamatungudun laman gsalag tibak taw nu kae fagsafulun sabaliwas Dius. Ay gtaban ami fagayu taw laman gfaning tua tam Fun Isus.

2 Tesalunika 1:10

Matuyan, umfasludan ban takatanya gina ban tam Fun at menit andasug laman ban at nafili fag ngay taw gseg ay gfauseganan anya. Ay anggan am kataip am sa anya fagayu aroro gafanud tuam sa em foyungan.

1 Pedru 5:5

Ay am fag ngay baguama, faningi tua ay ngay fagtainan bale fakafulan. Ay fagayu am fadfababaunani tua, aroro marirukan sis Dius at Longan te, “Dius gsalag fagayu taw takamatungudun, ay ggubuk fagayu takamababaun.”