Isayas 19:3 - Fanawbuid tagsibaliwas Fakayabian

³ Ay ngay taw Igiptu ummomuy ban at amatanganan, ay namasayuan kban at ngay algan. Kanya ban fag ngay taw nanget gubuk sat ngay fagsegan, ay sa sangay labang, ay sa sangay mabara ay anggan sa sangay tagsaful gbalawvn.

Isayas 19:3 ပူးပေါင်းရင်းမြစ်များ

2 Samwel 15:31

Ay e nalong sas Dabid te, “Akitufel galo wan Absalum.” Nu katanya, Dabid gdarangin te, “Yawi, lag gfae tungkul Akitufel at ngay nalong.”

2 Samwel 17:14

Nu katanya, Absalum ay anggan at ngay tagfakamulun sis Israel glong te, “Kusay at famalun, amasine yap tua sas Akitufel at famalun.” At mafanud, Akitufel tua at famalun at matuyan, dewa katanya, Yawi naylat Absalum nu yud gfaning, laman kanya gababawan.

2 Samwel 17:23

Akitufel nu nasaful te, Absalum wa nafaning at famalun, kanya nasakay wa vtv sat asnu ay noli wan sat furuan. Ay kanya nu nafangatulun wan sat ngay kalongan, narabing wan at sadili. Ay e nanamoli at bilug sat mama at fagfolian.

2 Fun 1:2

Sik menit, sis furuan Samarya, Aasya antong siginan tiba tungud fag salug at ke balaba ay naslu. Nu katanya, kanya nasugu ngay tagfosuk longan sas Baal-Sebub, furuan Ekrun at fagsegan, laman nanginto te, o kafia yay ban at aslu.

1 Krunika 10:13

Saul anbul aroro wa matuyan sas Yawi. Ay kanya wa nafaning Dius at suguan, nanangakbang way sa sangay tagseg falad,

Alubad. 107:27

Kadugenya, kanya fagayu granranugan sit sakayan lino kata nu galangu, ay wa saful ya at fakamulun.

Alubad. 33:10

Yawi gsalag at yud gtoglag anya fag ngay talun at taw at ngay algan; wa kaylat kafag ngay taw at ngay algan nu kataglayun.

Alubad. 76:12

Dius gfaragang ngay tagfangguna nu kamatungudun. Nu katanya, ngay fun sas fagdaul daga kalimu anya.

Fangatulun 21:30

We mafasud Yawi at fagsafulun ay at fagmamatanganun.

Isayas 14:27

Sinu at mafafaragang Yawi at Mabalyanan at algan? Sinu at manansalag at ngay faurianan?

Isayas 15:2

Ay fagayu taw Dibun naundaud sat dius at bale ay sat ngay bale fagnansegan sa tangabat fag buknga laman nanwayway sanya. Fagayu taw Muab kabalu Nebu ay Medeba. Ay fagayu taw tagsanya naufo at alfuyu ay at ngay umi sik famasaful te, kabalu.

Isayas 19:1

Katatuy at foyungan sabaliwas talun Igiptu: Damai! Yawi gsakay sis linyabu ay masakit nu kadasug sas talun Igiptu.

Isayas 44:25

Kwa nafafasludan at yud matuyan fag ngay taglong at ngay foyungan. Ay nafayud au e masuad ngay tagfangalga at nafangalga takadasug ban, ay nasalag au at ke ngay fagsafulun at ngay longan, nu katanya, wa nke masuad at fagsafulun.

Isayas 47:12

Agvd, fataglayuni nu gfangabalo o, ay nu gfangufit o, kata am fakamulun gugat siginan ngay nu masisian o. Gbabo tua ban o manga, ay manamalimu am ngay fawayan.

Isayas 57:16

At matuyan, kabavn kwa namawayan ay namaurianan ayu, aroro nu nafakamulun kway ro takatanya, umbul ro ku nawat fag ngay taw.

Isayas 8:19

“Tiba ginan ban e lumong ayu te, ‘Eti sik foyungan sa sangay tagfangufit ay sa sangay tagbalawvn gibugan, dewa katanya, lag gfakamulun takatanya. Nu bunway nu get am gubuk, fasai tua ay Dius. Ay wain ay fagsaun yay ngay kinbul ay fagnangintoan sabaliwa ngay tagleleg?’

Eremyas 46:15

Wain ay ngay tagfawayan at maseganama at fagnalagyuun? Kanya fagayu nalagyu aroro Yawi naiyan.

Esekyel 21:7

Ay kanya ban fag ngay taw ginto emu te, ‘Taw at baguama, wain am fagwaywayun?’ Ay balusi ban te, ‘Aroro e barita te, e maksvn ban fag malimu, kamamomuy, kamatadtaruy, ay arvs kamabul. Wa ban glugo ya, kafasludan wan takatanya.’ ”

Esekyel 22:14

Gina kban gfaurianan ayu o maseganama yayam ay mabitsug? Au, Yawi, taglong tuy. Anud, gfakamulun kban takatanya.

Daniel 1:20

Ay nusnga setaw at fun at fagintoun sa anya fag ufat, nasaful te, at fagsafulun gtungud yay sangay tagsaful gfasure at ngay madulo ay tagfangufit sit fagfunanun.

Daniel 2:2

Kanya nafauro at ngay tagsaful gfasure at ngay madulo, tagfangufit, tagfangabalo ay tagfangalga siginans galeme, laman nanlong sa anya te, nataw at nataginfan.

Daniel 5:7

Kanya nauro at ngay tagfangufit, tagfangalga siginans galeme ay taginsaful. Kanya fagayu nu ndasug, fun nalong sa anya fagayu te, “Nusnga sinu tua ro at matap at marirukan sis dingding ay at mafayamag at masuad, gfasulun kro sa anya sik lanbung at masine ay sik dalag at mawatan siginans gintu. Ay gfili kro anya laman at fatuluk tagfangguna si ku fagfagtainanan.”

1 Samwel 25:37

Balabag di, gina Nabal anfia nu galangu, Abigail nalong sa anya sabaliwa at fanloan. Ay Nabal anke fakasaitun sit baga, ay wa malelegan.