Isayas 19:20 - Fanawbuid tagsibaliwas Fakayabian

²⁰ Kanya ban sik fagsafulan ay famatuyan te, Yawi at Mabalyanan sis talun Igiptu. Ay nu ginain ngay taw Igiptu nu get gubuk sas Yawi, aroro gidapan tibak taw nu gfalingun anya, Yawi sumugu ban tibak taw at nanggubuk ay at namalangfe anya.

Isayas 19:20 ပူးပေါင်းရင်းမြစ်များ

Alubad. 50:15

Gina am sis buknga fagidapun, darangini sa angku, ay gfalangfe au ayu, ay gfauseganan am angku.”

Nu Galin 2:23

Nu nlangfe ngayuk banwa, Igiptu at fun anbul wan. Ay dewa katanya, ngay taw Israel gidapan yay gugat siginan nu gafagsuguanan. Ay kanya fagayu naet gubuk sas Dius, ay Dius nadungug at fagetun.

Nu Galin 3:7

Ay Yawi glong yay fia te, “Nalag au ku ngay taw nu gidapan sis talun Igiptu. Nadungug kyangay nu gurungan get gubuk aroro maksvn at fun at ngay fagsuguan nu gfaidapan, ay anfanyu au anya fagayu.

Isayas 19:4

Namafagtainan kban sa anya sik madot fag fun.” Katanya tam Fun, Yawi at Mabalyanan at longan.

Isayas 20:4

Aroro Asirya at fun tumaban ban talun Igiptu ay Etiupya at ngay taw, dewa sisian ay dewa fagtainan. Fagayu ban gasifayanan way ay wa galapakan. Masure ban fagayu at ngay balitang, ay kanya ban fag ngay taw Igiptu umkapla.

Isayas 37:36

Ay Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.

Isayas 43:11

Au Yawi, ay sas day angku we tibak tagfalangfe.

Isayas 43:3

Aroro au Yawi am Dius, Israel at Dius at yud e Malong, ay am Tagfalangfe. Namon au ngay taw Egiptu, Etiupya, ay Seba sa tibak talun at ngay taw, laman famangsi emu.

Isayas 45:15

Dius, o wan Israel at Tagfalangfe, at matuyan wo kalag.

Isayas 52:5

Ay katsi, nataw at kinfasludan sa ayu? Ngay taw Babilunya nafagsuguan yangay ayu yud e famayad, ay at ngay tagfangguna guro guseganan, ay gfalingun gugat angku.

Isayas 55:13

Abat ngate dugi dauy tagtugbung sanya fag daga, altimu tua. Ay abat ngate tanulung, sik dingin tua. Ay at ngay kinfasludan takatanya gfae fagusegananun tua ban angku. Ay kanya ban tagfalag te, mabalyanan au kabavn.”

Isayas 60:16

Ngay talun ban ay ngay fun galaga emu kata sik mangena nu gfasusu at ngenge. Nu katanya, sumaful ban o te, au Yawi, am Tagfalangfe, Akub at Dius at Mabalyanan.

Isayas 63:8

Yawi nalong te, “Matuyan kanya fagayu ku ngay taw, ay ku ngay sisian at yud nafamabo angku.” Nu katanya, Yawi nafalangfe anya fagayu.

Lukas 2:11

Aroro katsi ay Tagfalangfe ansalug wan sis fun Dabid at furuan, ay kanya tam Fun, Dius at nafili.

Titu 2:13

Katanya tam fakamulun kaduge tam gfanya tam fagsegun, nu kafoli tam tiba tungud tam Dius ay tam Tagfalangfe, tam Fun Isus at fagmasineun.

Santiagu 5:4

Damai! Wam nafon famayad sa sangay taw at nagutlu ay fare. Takatanya ay nafakamulun sik famasaful sa ayu te, mauri am. Ay kafag ngay taggutlu at uro andasug sa tam Fun at Mabalyanan.

Uswe 22:34

Rubin ay Gad at kasugfunanan nafangayan kanya fag fagirugan te, “Tagfatuyan,” aroro nalong te, “Tuy tagfatuyan sa antam fagayu te, Yawi tam Dius.”