Isayas 19:2 - Fanawbuid tagsibaliwas Fakayabian

² Yawi nalong te, “Namae awayan au ngay taw Igiptu: sik duksay ban nangawayan, ay tagfasabale nangawayan yangay, ay anggan sik furuan namawayan ban tibak furuan, ay sik fagfagtainanan namawayan ban tibak fagfagtainanan.

Isayas 19:2 ပူးပေါင်းရင်းမြစ်များ

1 Fun 16:21

Ginanya, ngay taw Israel ankafud sas dua. Ay sik afud at fakaylatun at fun Tibni, Ginat at baguama. Ay faduak afud at fakaylatun at fun, Umri.

2 Krunika 15:6

Ay ngay talun anggan ngay furuan gawayan, aroro Dius nafasagsagan kanya fag ngay taw siginan ngay fagidapun.

Isayas 3:5

Kanya ban fagayu gfauri at iba: at fasabale, ay at fagtainan. Ay at yud ban e fanambagun gfawayan wan at ke fanambagun fag ngay taw.

Isayas 9:21

Ngay taw Manase ay ngay taw Efraim nangawayan, ay sanya ginan, kanya fag dua nangasadi laman namawayan ngay taw Uda. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 46:12

Ay fagayu ban talun sas fagdaul daga sumaful ay fagmaplaun ay anggan ay fagwaywayun. Ay ay ngay tagfawayan ban umbul gtudtungudan.”

Eremyas 51:46

Dewa katanya, lag am kalimu ay kamomuy dewa am nadungug te, e awayan, aroro galay banwa e gbarita sabaliwa ngay fun nu gawayan.

Esekyel 38:21

Ay o, Gug gfabul kban emu si ku fagagbilugun fag ngay buksul, ay am ngay tagfawayan ban gfadfabulan wan. Au, Fun Dius Yawi, taglong tuy.

Sakaryas 8:10

Ebi gina yud gdog nafasigad kawat Yawi at bale, wa gbayad ya sa sangay tagfakamulun ay sat naulbus fag fagbaugun laman gfafakamulun. Ginanya, maidap at famanwanun, aroro ngayu at fawayan ay naylat au laman kanya fagayu gawayan.

Mateu 10:21

“Ay sik taw ban nantaban at faduksay sa tibak taw laman namabul. Ay katanya yangay ban sik mama at fakamulun sat sisian. Ay sik sisian ban kamabo at fagtainan laman namabul.

Mateu 10:36

Ay sik taw at fawayan at kalongan yay.

Mateu 12:25

Ay Isus nasaful kafag ngay taw Fariseu at amatanganan, ay nalong anya te, “Kayu fun at fagfagtainanan fag ngay taw nu gawayan way gugat, abandi kalyam wan kanya fag fagfagtainanan. Ay katanya yangay at kumfasludan sa sik furuan ay mannga sik talafuan nu gawayan way gugat.

Mateu 24:7

Aroro tibak talun ban at ngay taw at fagfawayanun tiba yangayk talun at ngay taw. Ay sik fun at ngay taw gfawayan yangay ban sik fun at ngay taw, ay sa ban tibak talun maksvn nu malunus ay nu e faleleg.

Markus 3:24

Sik fun at fagfagtainanan fag ngay taw nu gawayan way gugat, abandi kalyam wan kanya fag fagfagtainanan.

Tagfangguna 7:22

Ngay taw Israel fag tuluk sandan kaduge gfawang at ngay budyung, Yawi nafasagsagan ngay taw Midyan at ngay amatanganan, ay kanya fagayu gbadbasingan sit fagmafulan. Ay tiba nalagyu sabaliwas Bet-Sita munakbang sas Serera sitsigons Abel-Mekula munakbang sis Tabat.

Tagfangguna 9:23

Dius naylat Abimelek ay sis Sekem fag ngay taw nu gawayan, nu katanya, ngay taw Sekem nafamabo.

1 Samwel 14:16

Gina Saul sis Gibya, sis Benamin at fagagbilugun fag daga, at ngay tagulit nalag ngay taw Filistia at ngay tagfawayan nu glagyu.

1 Samwel 14:20

Ay Saul nafaful masakit at ngay tagfawayan ay nanamawayan, ay nalag ngay taw Filistia nu galakayan ay nu gfadfabulan.