Isayas 19:19 - Fanawbuid tagsibaliwas Fakayabian

¹⁹ Ginanya yangay ban fag menit, e nangawat ban sik fagirugan sas Yawi sis talun Igiptu, ay namoli yangay sik gang sat taba daga laman gamatang Yawi.

Isayas 19:19 ပူးပေါင်းရင်းမြစ်များ

Fakasigadan 12:7

Sanya ginan, Yawi ansure sas Abram ay nalong anya te, “Gfon kban sam ngay kasugfunanan ste fag talun.” Ay Abram nawat sik fagirugan fanggalangun laman sas Yawi aroro sat nasurean sa anya.

Fakasigadan 28:18

Akub masurip nu kafulo ay nu kalunggung ay kanya nabul at tangil fag gang ay nafalindug laman sik famamatang. Ay sanya ginan, nabusbus sanya fag gang sik langis laman sik masine sas Dius.

Alubad. 68:31

E ngay fagsuguan ban kadasug siginans talun Igiptu gbuba at mafanud fag ngay fanggalangun. Ay anggan ban ngay taw Kus gfabat at ngay daluap laman sas Dius.

Nu Galin 24:4

Ay Muisis nariruk Yawi at ngay longan fagayu. Balabag di, Muisis anfulo ay nawat sik fagirugan fanggalangun sis buksul ay nafoli labi duak gang, kata Israel at gaban fag labi dua.

Isayas 56:7

Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Isayas 60:7

Ngay taw Kedar ay ngay taw Nebayut namon ban sa emu at ngay tupa, ay kanya wan at masine fag ngay fanggalangun sa angku laman gfauseganan ktua ku bale.

Isayas 66:23

Ay galay fagmafulun sabaliwa Magdanun nu Bagu Kasure, ay Famiangalay fag Menit, fagayu am fauseganani angku.

Eremyas 46:2

Katatuy at foyungan sabaliwas talun Igiptu at fun Neku at ngay tagfawayan. Talun Babilunya at fun nababo anya fagayu sis Karkemis munakbang sis Liskung Eufrates, ebi sis faufatk banwa Yuyakim, fun Usyas at baguama, nu gfunan sis Uda. Katatuy at foyungan sabaliwas Igiptu at fun Neku at ngay tagfawayan:

Esekyel 29:1

Gina sis falabi duak menit, sis fasafuluk magdanun, sis fasafuluk banwa nu gatabanan ami, Yawi nalong sa angku te,

Esekyel 30:1

Yawi nalong sa angku te,

Esekyel 31:1

Gina sis fasadik menit, sis fatuluk magdanun, sis falabi sadik banwa nu gatabanan ami, Yawi nalong sa angku te,

Esekyel 32:1

Gina sis fasadik menit, sis falabi duak magdanun, sis falabi duak banwa nu gatabanan ami, Yawi nalong sa angku te,

Sakaryas 6:15

“Ngay taw kadasug siginan tangayayu fag talun laman nanggubuk nangawat Yawi at bale. Umfasludan takatanya ay sumaful am te, Yawi at Mabalyanan at nasugu angku stae sa ayu. Matuyan umfasludan takatanya fagayu, nu gfaning tua ban am ay Dius Yawi.”

Ebreu 13:10

Ngay tagfon fanggalangun tagfakamulun sis Dius at bale wa masine namasfuan antam nangon sa tam fagirugan.

Uswe 22:10

Kanya fagayu nu ndasug wan sas Gelilut, munakbang sis Liskung Urdan, Rubin ay Gad at kasugfunanan ay Manase fag wabilug kasugfunanan nawat sik fagirugan daul. Tuy fag talun si yays Kanaan.

Uswe 22:26

Em fagnawatun kafag fagirugan bunwa laman em fagnangirugan em ngay fanggalangun, ay tiba yak fanggalangun,

Uswe 22:27

nu bunway laman sik famasaful sa emi ay sa ayu ay sa sangay takadasug ban fag ngay kasugfunanan te, nanseg yangay ban mi Yawi sat bale ramit siginan em ngay fagirugun fag ngay fanggalangun ay tiba ya em ngay fanggalangun ay em ngay fanggalangun laman sas fagmanabayanun. Nu katanya, ay ngay kasugfunanan ban wa malong sa em ngay kasugfunanan te, ‘Wam kataip ya sas Yawi.’

Uswe 22:28

“Ay ngay kasugfunanan ban nu nalong way takatanya, em ngay kasugfunanan ban gbalus te, ‘Em ngay mangaguyang nawat tuy fag fagirugan, kata fagirugan laman sas Yawi, bunwa laman fagnangirugan em ngay fanggalangun ay tiba ya em fanggalangun, nu bunway sik famasaful sa emi ay sa ayu te, sadi way tam fagsegan fag Dius.’

Uswe 22:34

Rubin ay Gad at kasugfunanan nafangayan kanya fag fagirugan te, “Tagfatuyan,” aroro nalong te, “Tuy tagfatuyan sa antam fagayu te, Yawi tam Dius.”