Isayas 19:18 - Fanawbuid tagsibaliwas Fakayabian

¹⁸ Ay ginanya ban fag menit, limak furuan sis talun Igiptu namaning Yawi at Mabalyanan, ay garingang Ebreu fag fangaringang. Ay kafag limak furuan at sadi at ngayan te, Menit fag Furuan.

Isayas 19:18 ပူးပေါင်းရင်းမြစ်များ

Fakasigadan 11:1

Ginanya, fagayu taw sas fagdaul daga sadi way at fangaringang.

Nemyas 10:29

nafatuyanan gasfuan em ngay tagfangguna te, namaning ban mi Dius at Faugali at nafon sat fagsuguan Muisis. Nafatuyanan yangay ami te, nu dway ban mi nafafaning Yawi em Fun at ngay suguan ay at ngay faugali ay at ngay foyungan, kaylat wami Dius at faurianan sa emi.

Alubad. 68:31

E ngay fagsuguan ban kadasug siginans talun Igiptu gbuba at mafanud fag ngay fanggalangun. Ay anggan ban ngay taw Kus gfabat at ngay daluap laman sas Dius.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 14:1

At matuyan, Yawi ban kafanyu taw Israel ay gdog yangay nanfili at ngay taw, laman gdog yay namanwan sa ebi at talun, ay e ngay taw siginan tibak talun at magamut sanya.

Isayas 19:19

Ginanya yangay ban fag menit, e nangawat ban sik fagirugan sas Yawi sis talun Igiptu, ay namoli yangay sik gang sat taba daga laman gamatang Yawi.

Isayas 19:21

Yawi ban namatoglag at sadili sanya fag ngay taw, ay ginanya yangay ban fag menit kafag ngay taw tumoglag Yawi, ay gseg ban anya ay namon sa anya nusnge wain fag fanggalangun. Ay namatuyanan ban sas Yawi, ay namafasludan at ngay nafatuyanan.

Isayas 2:11

Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 27:13

Ay gina ban e ndungug budyung at awang daul, umfoli ban sas furuan Erusalem tagidapan fag ngay taw Israel, at natabanan sas Asirya ay Igiptu. Ay kanya ban fagayu sumeg Yawi sat yud e malong fag buksul tagsis furuan Erusalem.

Isayas 65:16

Nusnga sinu taglong te, e fon ban sas Israel ay tagfatuyan sanya fag talun, kanya masine nu gfakamulun takatanya siginan nu glong ku ngayan, at matuyan fag Dius. Aroro kwa ban gamatangan ya at kinlangfe fag ngay fagidapun.

Eremyas 12:16

Ay kanya ban fag ngay talun at taw nu gafanud tua fia sa angku kata ku ngay taw ay nu gfatuyan tua ban fia sa ku ngayan, kata at nafoyung sa ku ngay taw nu gfatuyanan sas Baal, kanya ban fagayu ku ngay taw yangay.

Sefanias 3:9

Sanya ginan, namasine au ngay taw at amatanganan laman gfaning tua ay nangasadi sa angku.

Deuterunumyu 10:20

Suyui ay Dius Yawi, ay faningi tua anya, ay sii tua gugat anya, ay nu gfatuyanan am fasai yakman lang at ngayan.