Isayas 19:1 - Fanawbuid tagsibaliwas Fakayabian

¹ Katatuy at foyungan sabaliwas talun Igiptu: Damai! Yawi gsakay sis linyabu ay masakit nu kadasug sas talun Igiptu.

Isayas 19:1 ပူးပေါင်းရင်းမြစ်များ

Alubad. 104:3

Nawat o am fagbanwanan sis tungud kiwang. Ay nawat o linyabu tagbuba emu kata sik sakayan, ay tagmara kata nu am dalan.

Alubad. 104:34

Kanya nangus guseganan tua tagsi ku amatanganan. Ay e fagusegananun ktua ban gugat siginans Yawi.

Alubad. 18:9

Ay kanya naluang banwa ay andaga sanya ginan, ay antungkud si sik linyabu madamvl.

Alubad. 68:4

Alubadi sas Dius ngay alubad tagfauseganan anya. Fabati ay segi Dius tagsis tungud linyabu; at ngayan, Yawi. Useganani sit daga salubangan!

Nu Galin 12:12

“Ay ginanya yangay fag yabi nandalan au sas fagdaul talun Igiptu at ngay bale, ay namabul au fagayu taw Igiptu at ngay baguama tiba kaka, anggan at ngay fagbaugun at riangan taguna fag tama. Ay namaurianan au taw Igiptu at ngay fagsegan fagayu. Au Yawi.

Isayas 13:1

Katatuy Yawi at foyungan sabaliwas talun Babilunya, at nafoyung sas Isayas, Amus at baguama:

Isayas 13:7

Ginanya ban fag menit, ngay taw ban at ngay take umlukme. Ay fagayu taw ummomuy,

Isayas 19:16

Ay ginanya ban fag ngay menit, ngay taw Igiptu gfaning kata sik mangena at yud mabitsug, ay kalimu gtadtaruyan aroro Yawi at Mabalyanan namaurianan.

Isayas 21:9

Damai! E kadasug wa ngani sik taw gsakay si sik ngay kabayu at faguyudan. Ay kafag taw glong te, ‘Niklas wan Babilunya! Anggan fagayu at ngay fagsegan narit sas daga ay anrufa wan.’ ”

Eremyas 25:19

Ay nafainum kyangay sas Faraun, Igiptu at fun ay sat ngay tagfangguna ay sat ngay tagfunan ay sas fagayu tagbanwan sit talun,

Eremyas 4:13

Damai! Tam ngay fawayan kadasug kata sik ngay linyabu. At ngay faguyudan fangawayan kata sik tagbaribungan fag tagmara, ay at ngay kabayu asakit yap bio. Afanyuan tam aroro katsi wan tam fakatabuan!

Eremyas 44:8

Wain ay fakauriun angku siginan nu kawat am tibak fagsegan? Ay girug am ngay famaebebanglu laman sa kafag ngay fagsegan sanya sis talun Igiptu nu inda nu gbanwan am. Ay nafauri am ay ngay sadili ay nafa sik ngay masuya ay nafae fakaplaun am ayu sa sangay talun sas fagdaul daga.

Eremyas 50:2

“Fadungugi sa sangay talun foyungan at yud e masuksukan ay fabati sik ramit, famasaful te, talun Babilunya anrasras wan. Ay at ngay fagsegan at mapla anrufa wan anggan at fagsegan Bel ay Marduk anrufa yangay.

Eremyas 51:44

Gfaurianan kban Bel, talun Babilunya at fagsegan, ay gfafangkok kban at ngay naon. Ay ngay talun ban at ngay taw we nangadasug ya sa anya laman nanseg. Ay umrasras wan talun Babilunya at ngay alad.

Esekyel 30:13

Ay Fun Dius Yawi glong yangay te, “Namarasras kban ngay fagsegan sis Memfis. Ay wa ban e gfunan ya sis talun Igiptu, namalimu kban kafag ngay taw.

Uel 3:19

Igiptu ban umsik mabalu fag talun ay Edum ban umsik yud e taw fag talun, aroro nafaurianan ngay taw Uda, ay nafabul ngay taw at yud e asalanan.

Naum 1:1

Tuy fag fansulitan sabaliwas furuan Ninibe Yawi at nafoyung sas Naum fag taw Elkus.

Naum 1:3

Yawi di vtv gfangadotama, dewa katanya, mabalyanan tua, ay gfaurianan fagayu tagfakamulun mauri. Ay nu nadalan, kata sik tagridribudan fag tagmara ay at maksvn fag fulug. Ay linyabu kata lukbu nu kanus sit darafa.

Sakaryas 10:11

Ay at fagidapun ban dewa kadaul sdagat malangfe tua, ay dewa dagat maksvn nu glugwak ummanabayan yay, ay umlanggang Liskung Nilu at fagngabasadan. Asirya ban we fakamanagsagun ya, ay Igiptu ban we fagmabalyananun ya.

Sakaryas 14:18

Ay anggan ngay taw Igiptu at yud nalo sas Erusalem, dumalan yangay Yawi at fagnamadasugun fag faurianan kata at kumfasludan sa sangay talun at yud nangalo sas Erusalem laman nangaful sabaliwa nu Kawat ngay Fayag.

Tap 33:4

ay gfoli Yawi at nafabul fag ngay tiba kaka. Yawi nafaurianan anya fagayu aroro naseg tibak fagsegan.

Deuterunumyu 33:26

We gfasud taw Israel at Dius. Siginan at fagmabalyananun, kanya gsakay sis tungud linyabu laman ggubuk ayu.

Uswe 2:11

Nu nadungug ami takatanya, anlimu ami maksvn, ay galay at sadi anmomuy, aroro ay Dius Yawi, banwa tua ay daga at Dius.

Uswe 2:24

Nalong te, “Anud, Yawi nafon wan sa antam fagdaul kafag talun. Ay fagayu taw sanya maksvn nu kalimu antam.”

Uswe 2:9

ay nalong te, “Nasaful au te, Yawi gfon wan sa ayu tuy fag talun. Fagayu taw tagbanwan ste maksvn nu kalimu ayu.

At Nafasure 1:7

Amatangani, kanya ban kadasug siginan sad linyabu. Fagayu ban taw lumag anya, anggan ban fagayu at naurus at tigyangan. Ay fagayu ban taw ste swa daga gwayway aroro kalimu te, gafaurianan way ban manga. Anud, umfasludan wa nangus fia takatanya.