Isayas 18:7 - Fanawbuid tagsibaliwas Fakayabian

⁷ Ay ginanya ban, e namuba sik ngay famonun sas Yawi at Mabalyanan siginan sik ngay taw tangabat ay madalusan at balat, tagbanwan sa sik talun tangayu at liskung; kanya fag ngay taw mabalyanan ay tibak taw at fakalimuun. Kanya ban namuba at ngay famonun sas Buksul Siun, sas Yawi at Mabalyanan at fagbanwanan.

Isayas 18:7 ပူးပေါင်းရင်းမြစ်များ

2 Krunika 32:23

Ay ngayuk taw at nabuba at ngay fanggalangun sas Erusalem laman sas Yawi. Ay kanya fagayu nafadasug yangay sas fun Esekyas at mafilian fag ngay famonun. Ay siginan ginanya fagayu talun gfauseganan fun Esekyas.

Alubad. 68:32

Fagayu fagfunanun sas fagdaul daga, alubadi sas Dius. Alubadi fauseganani tam Fun.

Isayas 16:1

Ngay taw Muab at nalagyu sas Sela fag furuan, sik furuan tagsis tagalagnasun fag talun, foni sik ngay tupa riangan laman famonun sas Erusalem at fun.

Isayas 18:2

Siginan kafag talun, e nasugu sik ngay taw tagfadasug barita, ay kanya fagayu gsakay si sik ngay sakayan lino mawatan anyamu ay gulitan Liskung Nilu. Fagayu am at matarung fag ngay tagbarita, afolii wan sa ay ngay iba fag ngay tangabat ay madalusan at balat, tagbanwan sa sik talun tangayu at liskung; kanya fag ngay taw mabalyanan ay tibak taw at fakalimuun.

Isayas 18:4

Aroro katatuy Yawi at longan sa angku: “Manabayan au gbanawan siginan ku fagbanwanan, kata menit at sugba nu gamgamad kabat swabilug menit, ay kata yangay sik damug kinful gina fanggutluan fag buknga.”

Isayas 45:14

Yawi nalong sa sangay taw Israel te, “Namagtainan ban am ngay taw Igiptu, ay ngay taw Etiupya, ay ngay taw Saba fag gaban taw tangabat. Kanya ban fagayu umdasug sa emu gbuba at ngay ramraman ay at ngay gutluan, ay gtaban ban am anya fagayu, ay kanya ban fagayu nanmalub sa ay daga salubangan ay gfainfanyuan sa ayu te, ‘Anud, Dius gufud ayu, ay sas day anya we tibak Dius!’ ”

Mikas 4:13

“Am fag ngay taw tagbanwan sis furuan Siun, falganani laman namabul am ay ngay fawayan kata nu gruyus am trigu. Ay kata ban am sik ngay baka tama at ke sunge sanbung ay at ke ngay u tansu. Ay namabo ban am ngay talun at kinsadi laman namawayan ayu. Ay foni sa angku at nafangago fag ngay ramraman laman sik fanggalangun, aroro au wan fagdaul daga at Fun.”

Abakuk 1:7

Ngay taw maksvn nu kalimu anya fagayu, aroro nusnga setaw at fakaylatun gfakamulun, gfafasludan wa fia ay we mafafaragang.

Sefanias 3:10

Ku ngay taw at nasaruayan sas dife Liskung Etiupya namuba ban sa angku at ngay fanggalangun.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Mateu 2:11

Ay nu nasakbo wan sanya fag bale, ay nu nalag kafag sisian ay anggan at mina Maria, kanya fagayu namalub sasad salug ay gseg kafag sisian. Ay kanya nafaduksun at fagsuadan at ramraman, ay nafon sanya fag sisian sik ngay gintu ay ngay famaebebanglu ay anggan ngay lune.