Isayas 18:4 - Fanawbuid tagsibaliwas Fakayabian

⁴ Aroro katatuy Yawi at longan sa angku: “Manabayan au gbanawan siginan ku fagbanwanan, kata menit at sugba nu gamgamad kabat swabilug menit, ay kata yangay sik damug kinful gina fanggutluan fag buknga.”

Isayas 18:4 ပူးပေါင်းရင်းမြစ်များ

2 Samwel 23:4

kanya kata tua menit at yamag nu kasure sis balabag at yud e gfarum, ay tagfariro ngay makmak.’

2 Krunika 6:21

Dungugani ku fagetun, ay am ngay taw at fagetun, gina ami gdarangin gsalubang stae. Ay dungugani emi sanya sis banwa am fagbanwanan, ay nu gdungug tuo emi falyami em ngay fagmauriun.

Alubad. 72:6

Kanya nangus fag fun kata arak tagfarugme ngay tanum ay daga.

Fangatulun 19:12

Sik fun nu kadotama way, kata sik liun nu gsubang, dewa katanya, nu mafanggubuk kata damug tagsi sangay tanum.

Isayas 12:6

Ngay taw Siun, uroi alubadi nu guseganan am. Aroro mabalyanan si ayu taw Israel at Dius at yud e Malong.”

Isayas 14:32

Tain ban tam famalus sa kafag talun at ngay nasugu? Tam famalus ban glong tam te, ‘Yawi tua at nawat Buksul Siun, ay at ngay taw tagidapan nu nansarirung sanya wan.’ ”

Isayas 18:7

Ay ginanya ban, e namuba sik ngay famonun sas Yawi at Mabalyanan siginan sik ngay taw tangabat ay madalusan at balat, tagbanwan sa sik talun tangayu at liskung; kanya fag ngay taw mabalyanan ay tibak taw at fakalimuun. Kanya ban namuba at ngay famonun sas Buksul Siun, sas Yawi at Mabalyanan at fagbanwanan.

Isayas 26:19

Dewa katanya, gdog yay ban gleleg am ngay taw at kinbul. Ay at ngay mabulan ban umlunggung yay ay nangalubad guseganan. Nu setain nu gfae damug o sas daga, o yangay tagfadog gfaleleg fagayu kinbul.

Isayas 26:21

Aroro kanya umdasug siginan at fagbanwanan laman namauri fagdaul daga at ngay taw aroro at ngay asalanan. Daga namalfas yay ban at kinbul fag ngay taw, ay wa ban gdog ya nanuksuk.

Isayas 31:9

Fagayu at ngay tagfawayan lumagyu aroro kalimu, ay at ngay fagtainan wa nasaful te, tain ro at fakamulun gina nalag at ngay fawayan gfabat at famasaful fag ramit. Katanya Yawi at longan, at nafae afuy sis Siun, sis furuan Erusalem.

Isayas 46:13

Wa ban glugo, namae fagmatuyanun au furuan Erusalem. Munakbang wan nu gfalangfe au, ay namae fagusegananun kban taw Israel.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Usea 14:5

Ay gfon au at masine sa sangay taw Israel; kata au damug sa anya. Ay kabuskad kata at masine fag barugwak, ay kata sik tagbia fag fun kayu tangabasad nu glalid.

Usea 5:15

Sanya ginan, kafoli kwa ban sa ku bale kanya fagayu nu naubun wan at ngay asalanan. Ay gina ban gidapan, kanya fagayu nangakbang sa angku.”

Uel 3:17

Yawi nalong te, “Ngay taw Uda, ginanya ban sumaful am te, au wan ay Dius Yawi tagbanwan sis Buksul Siun at yud e malong. Ay Erusalem ban umsik yud e malong, ay tiba bank talun at ngay tagfawayan wa manamawayan ya ayu.

Amus 3:7

At matuyan, Fun Dius Yawi di gfakamulun nusnge wain yakmay nafasaful sat ngay fagsuguan fag ngay taglong.