Isayas 18:2 - Fanawbuid tagsibaliwas Fakayabian

² Siginan kafag talun, e nasugu sik ngay taw tagfadasug barita, ay kanya fagayu gsakay si sik ngay sakayan lino mawatan anyamu ay gulitan Liskung Nilu. Fagayu am at matarung fag ngay tagbarita, afolii wan sa ay ngay iba fag ngay tangabat ay madalusan at balat, tagbanwan sa sik talun tangayu at liskung; kanya fag ngay taw mabalyanan ay tibak taw at fakalimuun.

Isayas 18:2 ပူးပေါင်းရင်းမြစ်များ

2 Krunika 14:9

Ay Sera fag taw Etiupya nalao gadgaloan at ngay tagfawayan ngayu, kanya e tuluk sandank faguyudan, laman nanamawayan talun Uda. Ay kanya fagayu andasug sas furuan Maresa.

2 Krunika 16:8

O gamatang yay o at kinfasludan sa sangay taw Etiupya ay sa sangay taw Libya at ngay tagfawayan ay at ngay faguyudan, ay at tagsaful gsakay sis kabayu ngayu? Ginanya fag buknga gafanud tuo sas Yawi, ay kanya nafababo tua ayu sa kafag ngay taw.

Ub 9:26

Ay nu glangfe masakit mandi, kata at masakit fag sakayan lino, ay kata sik bio tagabanganan nanyukfu at fagnangagatun.

Nu Galin 2:3

Dewa katanya, kanya nu dway mafasuksuan ya at ngenge, nabul sik buyug at mawatan siginans sigbo, ay nararus sik fanrarus at madafut. Ay sanya ginan, kanya nasuad at ngenge sasad buyug ay nanamasas wa faltu sis tigyangan Liskung Nilu.

Isayas 18:7

Ay ginanya ban, e namuba sik ngay famonun sas Yawi at Mabalyanan siginan sik ngay taw tangabat ay madalusan at balat, tagbanwan sa sik talun tangayu at liskung; kanya fag ngay taw mabalyanan ay tibak taw at fakalimuun. Kanya ban namuba at ngay famonun sas Buksul Siun, sas Yawi at Mabalyanan at fagbanwanan.

Eremyas 49:14

Nadungug au sik longan siginans Yawi. E nasugu sik tagfosuk longan sa sangay talun laman nanlong te, “Wainyayam, namawayan watam talun Edum.”

Esekyel 30:9

“Ay ginanya yay ban, gsugu au ku ngay tagfosuk longan gsakay si sangay sakayan lino laman namalimu ngay taw Etiupya at yud gafanawa. Ginanya ban fag buknga kanya fagayu kalimu aroro talun Igiptu marasrasan wan. Matuyan, kanya fag menit kadasug wan.”

Ubadyas 1:1

Katatuy Yawi at longan takafasludan ban sas talun Edum, at nalong sas Ubadyas. Ami fag ngay taw Israel, nadungug ami siginans Yawi sik longan te, “E nasugu sik tagfosuk longan sa sangay talun laman nanlong te, ‘Wainyayam, namawayan watam talun Edum.’ ”

Abakuk 1:7

Ngay taw maksvn nu kalimu anya fagayu, aroro nusnga setaw at fakaylatun gfakamulun, gfafasludan wa fia ay we mafafaragang.

Lukas 10:19

Amatangani, nafon kwan sa ayu fagmabalyananun nansiad ule ay agipan, ay gbabo tam fawayan at fagmabalyananun fagayu. Ay wa ban e mafaidapan ayu.