Isayas 17:8 - Fanawbuid tagsibaliwas Fakayabian

⁸ Ay gubun ban at nawat fag ngay fagirugan. Ay gubun yangay ban ngay turuk fagtoglagan Asera fag fagsegan, ay anggan at fagirugan famaebebanglu at ngay nawat ebi ataw.

Isayas 17:8 ပူးပေါင်းရင်းမြစ်များ

2 Samwel 22:42

Kanya fagayu naet gubuk, dewa katanya, we nagubuk anya. Ay naet yangay gubuk anggan sa emu, dewa katanya, wo nabalus.

2 Krunika 14:5

Ay kanya nafaiklas ngay fagnansegan si tangabat fag ngay buknga, ay nafaiklas yangay fagnangirugan famaebebanglu fag lune sas fagayu furuan sis Uda. Nu katanya, talun Uda manabayan kaduge Asa gfunan.

2 Krunika 31:1

Ay nu ntabu wan at fagmafulun, at maful fag ngay taw Israel nalao sa sangay furuan tagsis Uda, ay kanya fagayu narufa fagayu famamatang ngay fagsegan fag ngay gang, ay ngay turuk fagtoglagan Asera fag fagsegan. Ay kanya fagayu naiklas yangay ngay fagnansegan si tangabat fag ngay buknga sis talun Uda, sis Benamin, Efraim, ay Manase. Ay nu naiklas wan kanya fag ngay fagsegan ay fag ngay fagnansegan, ngay taw Israel noli wan sat ngay furuan ay sat ngay mesa daga.

2 Krunika 34:4

Ay kanya nafaiklas yangay ngay fagirugan fanggalangun laman sas Baal fag fagsegan, ay anggan fagirugan famaebebanglu tagsanya fag fagirugan fanggalangun. Ay kanya nafarufa ngay turuk fagtoglagan Asera fag fagsegan, ay anggan tiba yak fagsegan ay ngay tawtawan, ay nafarapyagan sas fagfolian ngay taw tagseg kafag ngay fagsegan.

Nu Galin 34:13

Abat ngate, nanrasras yakman am at ngay fagirugan ay nanrufa am at fagsegan fag ngay gang, ay namuan am at ngay turuk fagtoglagan Asera fag fagsegan.

Isayas 1:29

Am fag ngay taw sis Erusalem, maksvn ban nung am kapla, aroro naseg wayam ngay fun kayu daul, ay fagsegun te, umke fagmanabayanun am, ay gina am gseg ay ngay tanum ay nafangayan te, yud e malong.

Isayas 10:20

Ginanya ban fag buknga, ngay taw Israel, Akub at kasugfunanan at kinsawad, wa ban nanseg ya sat nafaurianan anya fagayu fag ngay talun, nu bunway nanseg tua ban Yawi, ngay taw Israel at Dius at yud e Malong.

Isayas 17:9

Ginanya ban fag menit, Asirya at mogat fag ngay furuan umrasras wan ay at ngay taw mubun wan, aroro ngay taw Israel andasug wan. Kanya ban umkata yangay ngay taw Amur ay taw Kib at naubun at ngay furuan.

Isayas 2:8

Kanya yay fagayu at nawat at fagfausegananun fag ngay fagsegan!

Isayas 27:9

Kanya ban fag ngay taw nu narasras tua at nawat at fagirugan fag ngay gang, ay nu narufa wan anggan andudug ay gfuan at ngay fagirugan famaebebanglu ay ngay turuk fagtoglagan Asera fag fagsegan, gfalyam kwan at ngay asalanan.

Isayas 30:22

Amatangani te, mauri way ay nawat fag ngay fagsegan at fangawat sanbung salapi ay gintu. Ukasi wan kata sik fangarus fangigusan fag ramit ay longi te, “Deyud ya kanya!”

Isayas 37:19

Kanya fagayu nafamin wan fagayu at ngay fagsegan ay naukas sasad afuy. Aroro kanya fagayu bunwa at matuyan fag dius; sik ngay kayu way ay ngay gang ngay taw at nawat.

Isayas 41:29

Kafag ngay fagsegan we masuad, ay we fagmafafakamulunun, kata way sik tagmara.”

Isayas 44:15

Ay sik lifung at famaygang way, famatama at fakonun ay at fagfangenbungan. Ay sik lifung at fangawat sik fagsegan ay kanya gtudan gseg.

Eremyas 17:2

Ay anggan ay ngay sisian nanseg yangay say ngay fagirugan ay sa sangay turuk fagtoglagan Asera fag fagsegan tagsi sangay fun kayu at marabung, ay tagsi sangay tungud buksul.

Esekyel 36:25

Namaramsig kban sa ayu at masine fag mamam laman umfegus am, siginan fagayu ay fagmauriun ay nu gseg am sa tibak fagsegan.

Usea 14:8

Ngay taw Israel, ayayui wan siginans ngay fagsegan. Ay gbalus kban ay ngay darangin, ay kafanyu kyangay ayu. Ay gufud kban ayu, kata sik fun dingin nu glanbung ayu. Au yangay tagfayu ayu.”

Usea 14:9

Am at ke fagsafulun, asafuli ay atogdungugi takatanya fagayu. Kasakan tua Yawi at ngay balyawvtan, ay at matuyan fag ngay taw gfaning tua, dewa katanya, kanya mauri way sa sangay taw takamabo.

Sefanias 1:3

ngay taw, ngay fagbaugun, ngay manuk tungud ay anggan ngay albon sis dagat. Umkamin ban fagayu tagsugu sa sik taw laman gfakamulun at mauri. Ay namamin kwan ngay taw sas fagdaul daga. Au, Yawi, taglong tuy.

Deuterunumyu 7:5

Abat ngate, nanrasras yakman am at ngay fagirugan, ay nanrufa am at fagsegan fag ngay gang, ay namuan am at ngay turuk fagtoglagan Asera fag fagsegan, ay nangirug am at ngay fagsegan.