Isayas 17:14 - Fanawbuid tagsibaliwas Fakayabian

¹⁴ Katatuy ban at kumfasludan sa sangay taw at namawayan ay at namangkamul tam ngay ramraman: sisad yabi kamalimuanan, ay balabag di wa sanya ya.

Isayas 17:14 ပူးပေါင်းရင်းမြစ်များ

2 Fun 19:3

Ay kanya fagayu nu ndasug sas Isayas, nalong anya te, “Esekyas glong te, ‘Katsi maksvn nu gidapan tam, ay nu gafaurianan tam ay gafaplan. Kata tam sik mangena tagafasalugun at yud e bitsug ya gfasalug at ngenge.

2 Fun 19:35

Balabag di fag yabi, Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.

Ub 20:29

Katanya ban at mauri fag taw at fakadasugan. Dius wan at nafalganan fagayu takatanya sa anya.”

Alubad. 37:36

Gina au gdog nanlag anya, kwe lagan ya, ay dewa au grvbvy, kwa nalag.

Fangatulun 22:23

aroro Yawi taggubuk tua at ngay yud e kwa.

Isayas 10:25

Aroro wa ban glugo nu kadotama au ayu, ay namadasug au ku dotama sanya fag ngay taw yakmay anbul.

Isayas 21:12

Ay nabalus au te, “Gakamenitun wan ay sanya ginan kayabi yangay ro fia. Ay nu kaylat yay ro wo gdog nanginto, afolii yap.”

Isayas 29:2

Ay dewa katanya, namawayan kway ban kafag furuan, ay at ngay taw gwaywayan ban kabalu. Ay nu sa angku, kafag furuan umkata wa sik fagirugan tagatagukun.

Isayas 29:5

Dewa katanya, umdasug ban sik menit at ngay tagfawayan umkata sik dafug ay kata sik naglayapan takalayug sas tagmara. Ay umfasludan ban masakit takatanya sa anya fagayu.

Isayas 29:7

Ngay talun ban at ngay taw at nafawayan furuan Erusalem ay narufa at ngay alad umkalyam kata sik taginfan. Kanya fagayu kata way sik taw takalunus tagtaginfan te, gfangon, ay dewa katanya, nu nfulo kalunus yay gugat, ay kata way sik taw takadanum tagtaginfan te, ginum, ay nu nfulo wan, kadanum yay gugat.”

Isayas 30:28

Ay nu gengasan kata wa sik mamam nu kabia, kabat sis liug. Ay gfamin wan fagayu talun at ngay taw kata way nu glayap. Kanya fagayu kata way sik baka at ke siuk sit dungus ay gatabanan sas faurianan.

Isayas 33:1

Afanyuan am fag ngay tagrasras, am at yud batang e nagdalanan takatanya. Afanyuan am fag ngay takamabo, am at yud batang e nagdalanan nu e kamabo ayu. Ay nu ntabu wam grasras ay kamabo, am yangay ban at fagrasrasun ay at fakamaboan.

Isayas 33:18

Ay nangamatang ban am at malimu fag buknga ebi gina Asirya at ngay fun andasug, ay gtap ay ngay bale fagulitan ay nu seyu at fagmabulun ay ramraman.

Isayas 34:17

Kanya yangay at nafae fagbanwanan ngay mangilafang, laman gagbilug ban kabavn, ay sanya ban nu gbanwan kabavn.

Isayas 41:12

Ay dewa ban o grvbvy am ngay fawayan, wo e lagan ya. Ay kanya ban fagayu we tungkul ya.

Eremyas 13:25

Katanya ban takafasludan sa ayu. Katanya ku fagnamakamulunun sa ayu, aroro nalyam am angku, ay nafanud am sa ay ngay fagsegan.

Eremyas 2:3

Ngay taw Israel, nafasamanan au ayu laman sa angku, kata taguna fag rawvg at nafon sa angku. Nafaurianan au at nafaidapan ayu, ay kanya fagayu anbul wan.’ Au, Yawi, taglong tuy.”

Eremyas 49:10

Ay kanya ban fagayu nanrvbvy ay nangagbilug Isaw at ngay kasugfunanan at ngay ramraman. Namul kwan at fagsuksuanan at faningding laman kanya fagayu we fagnanuksuanan ya. Nu katanya, umbul ban at ngay sisian, at ngay kalongan ay at ngay fasabale, ay wa ban e sawad ya.

Esekyel 39:10

Kanya ban fag ngay taw wa nanrvbvy ya sarab siginan sad araw, aroro at famaygang kanya wa fag ngay famawayan. Nu katanya, kanya ban fagayu namul yangay kafag ngay taw at fagagbilugun tiba kata kafag ngay taw at nafakamulun sa anya fagayu. Au, Fun Dius Yawi taglong tuy.

Sakaryas 2:12

“Ay Yawi gdog yay nangagbilug talun Uda laman at afud sit yud e malong fag talun. Ay gdog yay ban gfili Erusalem laman at furuan.

Tagfangguna 5:31

Yawi, am ngay fawayan nangus umkamin wan. Dewa katanya, fagayu takesug emu, umkata nangus fia menit nu kasure at maksvn nu masulo. Ay anke fagmabayanun sis talun Israel kaduge ufatk safuluk banwa.