Isayas 17:10 - Fanawbuid tagsibaliwas Fakayabian

¹⁰ Ngay taw Israel, umfasludan ban sa ayu takatanya, aroro nalyam am Dius tagfalangfe ayu, ay fagsarirungan fag gang. Nu katanya, ay fananum dewa at mafilian fia, kata way sik ubas siginan tibak talun,

Isayas 17:10 ပူးပေါင်းရင်းမြစ်များ

1 Krunika 16:35

Ay darangini te, “Em Dius, falangfei emi! Ay fafuli emi sa em talun, siginan em fagafagsuguanan fag ngay talun, laman manamauseganan ami emu, aroro matuyan tuo.”

Alubad. 106:13

Dewa katanya, kanya fagayu masakit nalyam Dius at ngay nafakamulun, ay wa nafanya ya at ngay foyungan.

Alubad. 106:21

Kanya fagayu nalyam wan at tagfalangfe fag Dius, at nafakamulun fag ngay madulo sis talun Igiptu, sas Kam at kasugfunanan at talun, ay anggan gina sis day Dagat Maraska.

Alubad. 18:2

O wan ku fagsarigan at mogat ay ku tagbalabag, O wan ku tagfalangfe, ku tagdiri, ay ku taggubuk.

Alubad. 31:2

Dungugi ay falangfei vtv angku. Aroro o wan ku tagfalangfe ay ku fagsarigan takata sik gang at mogat.

Alubad. 65:5

Dius em tagfalangfe, nabalus tuo em darangin, ay nafalangfe tuo ay nafalag sa emi am ngay nafakamulun at madulo. Ay fagayu taw tagsas dife dagat anggan ngay taw sas fagdaul daga gseg tua emu.

Alubad. 79:9

Em tagfalangfe fag Dius, gubuki emi laman mananseg tuami emu. Falangfei emi ay falyami em ngay asalanan, laman ban ngayu tua tagfauseganan emu.

Alubad. 85:4

Dius em tagfalangfe, fafolii em fagmanabayanun, ay falyami wan am dotama sa emi.

Alubad. 9:17

Fagayu tagasalanan sas fagayu talun tagtalyuyan Dius nangadasug ban sas fakabulun.

Isayas 12:2

Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

Isayas 17:9

Ginanya ban fag menit, Asirya at mogat fag ngay furuan umrasras wan ay at ngay taw mubun wan, aroro ngay taw Israel andasug wan. Kanya ban umkata yangay ngay taw Amur ay taw Kib at naubun at ngay furuan.

Isayas 18:5

Gina yud andasug fanggutluan, gina yay ngay barugwak anrabas wan, ay gina yud anlesan at ngay rawvg, glifung wan taglangfad fag ngay sanga.

Isayas 25:4

O wan tagbalabag at ngay tagafalingunan ay tagfon at nayudanan gina e fagidapun fag buknga. O wan at fagsarirungan gina e fulug ay gina masugba. Aroro at madot fag ngay taw nu kadasug kata sik fulug nu gfalang sas alad,

Isayas 26:4

Fagayu am afanudi tua gugat sas Yawi, aroro kanya wan sik gang tam fagsarirungan kabavn ban.

Isayas 30:29

Dewa katanya, fagayu am Dius at ngay taw nangalubad tuam, kata ay fakamulun sad yabi gina am gfauseganan Yawi. Ay guseganan am kata sik ngay taw tagadgaloan glo sas Yawi at Buksul kaduge e gfawang ngay tulali, laman nanseg anya, Israel at fagsarirungan fag gang.

Isayas 33:2

Yawi, afanyui emi aroro gafanud tuami sa emu. Fabitsugi emi kayu menit, ay falangfei emi gina ami gidapan.

Isayas 44:8

Lag kalimu ay lag gafanawa. O nunda ebi kya nafasaful sa ayu ku algan? Am wan ku ngay tagfatuyan. O nunda e tibak dius tagsaman angku? Duan! Kwe fagsafulun tibak gang fagsarirungan tagsaman angku.

Isayas 51:13

O wam gamatang ya angku? Au oma at nawat ayu. Au wan at narafad banwa ay au yangay at nawat fagfatungkudan fagdaul daga. Wain ay fakalimuun yay gugat ngay taw takadotama ay tagfalingun ayu? Ay kanya ban fagayu wa kadotama ya ayu, laman di e gfaurianan ya ayu.

Isayas 61:10

Guseganan au sas Yawi ku Dius, aroro kanya nafalangfe tua ay nafae fagmatuyanun angku, kata nu nafae lanbung angku. Ay ankata au sik mangama at nangadadwa at ke lanbung masine kata ngay tagfon fanggalangun, ay kata yangay sik mangena at nangadadwa at mafasinean.

Isayas 62:11

Dungugani! Yawi nafabuba sik foyungan sas fagdaul daga, glong te, “Longi sa sangay taw Israel te, at Tagfalangfe andasug wan, ay gbuba ngay famonun.”

Eremyas 12:13

Ku ngay taw natanum trigu, dewa katanya, at faggutluun ban dugi way. Ay kanya fagayu maksvn nu gfakamulun dewa katanya, wa ban e nagbulan. Kanya ban fagayu gumutlu fakaplaun aroro sa ku dotama at maksvn.”

Eremyas 17:13

Yawi o wan Israel at fagsegun. Fagayu ban at kinyayu emu umkapla. E namoli ban anya fagayu sas daga, aroro kanya fagayu nafamabo emu, fag bukbuan leleg.

Eremyas 2:32

O sik baguina kalyam at ngay dalag taganyang ay at fangadadwa fag lanbung? Ku ngay taw oma am, dewa katanya ngaduge wan nu yud am gamatang ya angku.

Eremyas 3:21

Sis talun at yud e taw fag ngay tagbudbuksulanun, ngay taw Israel gwayway gfainfanyuan aroro kanya fagayu anyayu ay nalyam angku.

Esekyel 22:12

Ay tibak taw get famayad laman gfabul, ay tiba gfafamut nu get sat fagfabedanan ay tibak taw anramraman aroro gfangalabian salapi. Kanya fag ngay taw wa gamatang ya angku. Au, Fun Dius Yawi, taglong tuy.

Esekyel 23:35

“Ay aroro nalyam o ay naiyan o angku, au, Fun Dius Yawi, glong au te, gidapan ban o aroro am ugali mauri ay nafamatugtug o sa tibak mangama.”

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Usea 8:14

Ngay taw Israel nalyam at takawat. Ngay taw Israel ay ngay taw Uda nawat at ngay bale ayu daul, ay at mogat fag ngay furuan ayu daul. Dewa katanya, nangirug kban kafag ngay furuan ay anggan at mogat fag ngay afud.”

Uel 1:17

Ngay bvtang wa gtugbung sit matugas fag daga. Nu katanya, wam e fagfasakboun ya sa ay ngay fagfungsuan, aroro niklas wan.

Lebitiku 26:16

Nu katanya, katatuy ban ku fakamulun sa ayu: Sat maksvn fag fakalimuun umlipsik am, aroro gfadasug kban sa ayu fakasaitun at yud ya kafia, ay sik ragnat tagfadulum ay mata ay tagfamomuy ay bilug. Gtanum ban am, dewa katanya, wa ban am e gutluan, aroro ay ngay fawayan ban namawayan ayu ay gbul fagayu ay gutluan.

Lebitiku 26:20

Wa ban e fanambagun ay ngay nainlufuyan, aroro wa ban e rawvg ay ngay tanuman, ay wa yangay ban e rawvg ay natanum fag fun kayu.

Amus 5:11

Gfalingun am ngay taw at yud e kwa ay gbul am at ngay gutluan. Nu katanya, wa ban am manamanwan say nawat fag bale daul, ay wa ban am mainum fanlangu siginan ay ngay tanum wat ubas.

Abakuk 3:18

guseganan au aroro ku tagfalangfe Fun Dius Yawi tua.

Sefanias 1:13

Tiba ban ktaw nangago kafag ngay taw at fagagbilugun ay nangiklas at ngay bale. Bunwa ban kanya ya at namanwan sat ngay bale. Ay bunwa yangay ban kanya ya at nanginum at fanginum siginan at tanuman wat ubas.”

Deuterunumyu 28:30

Tiba bank mangama gago ayu ay ngay fabubayan. Kawat ban am ay ngay bale, dewa katanya, bunwa ban am at namanwan. Gtanum ban am wat ubas ay bunwa ban am taggutlu.

Deuterunumyu 32:15

Ngay taw Israel ansik ngay maramraman oma, dewa katanya, kanya fagayu nafamabo. Ay kanya fagayu antaglu oma ay anbitsug, dewa katanya, natalyuyan Dius at nawat anya fagayu, ay nafamabo at tagfalangfe.

Deuterunumyu 32:18

Kanya fagayu wa gamatang ya at tagfalangfe fag Dius, at fagnansarigan fag gang at nawat anya fagayu.

Deuterunumyu 32:31

Aroro tam ngay fawayan at fagsarigan fag gang, wa kata tam fagsarigan fag gang, ay kanya fagayu nasaful yangay.

Deuterunumyu 32:4

Kanya ku fagsarigan fag gang, ay at fakamulun matuyan, ay fagayu at balyawvtan mafanud. Sia wan at matuyan fag Dius ay di gfakamulun at mauri; kanya matuyan tua ay di e fagfili.

Deuterunumyu 6:12

Tuyani te, wa ban am kalyam Yawi, at nafaduksun ayu siginans talun Igiptu nu inda nu gafagsuguanan am.

Deuterunumyu 8:11

Dirii tua laman ban diam kalyam Yawi, ay lag am kamabo at ngay suguan ay at ngay faugali ku nafon ayu katsi fag menit.

Deuterunumyu 8:14

tuyani fia te, di ban am nanfamatungudun ay nangayayu Yawi, at nafaduksun ayu siginans talun Igiptu nu inda nu gafagsuguanan am.

Deuterunumyu 8:19

Dewa katanya, katsi gfararang au sa ayu te, nung way ban am nalyam ay Dius Yawi ay nanangalo am ay nanamauseganan sa tibak dius matuyan wan umkamin am.