Isayas 16:7 - Fanawbuid tagsibaliwas Fakayabian

⁷ Nu katanya, ngay taw Muab nanwayway aroro kabalu at furuan. Kanya ban fagayu gwayway gfandeng aroro nalyam wan at mayayum fag ngay fakonun sis Kir-Kareset.

Isayas 16:7 ပူးပေါင်းရင်းမြစ်များ

2 Fun 3:25

Narasras wan at ngay furuan, ay naukas ngay gang sas fagayu gamasun at masine yakmay nagangun. Natabun wan at ngay bulbug, ay nafuan wan at masine fag ngay fun kayu. Ay furuan Kir-Kareset way lang at sawad, dewa katanya, ngay mangama at ke buba aruranggut naligung kafag furuan ay kanya fagayu nafawayan.

1 Krunika 12:40

Ay anggan at ngay kalongan siginan tangayayu fag talun, Isakar Sebulun ay Naftali at ngay gaban, nabuba yangay at fakonun. Ay nafabuba kafag ngay fakonun sat ngay asnu, kamelyu, mola, ay baka. Ngayu at buba fangawat tinapay ay igus ay pasas ay fanlangu ay langis, baka ay tupa laman at filasan ban. Ay fagayu taw Israel maksvn nu guseganan.

1 Krunika 16:3

Ay kanya nafon tinapay, yamas, ay pasas sa sangay taw Israel, mangama man ay mangena.

Isayas 16:11

Nu katanya, kabalu au at kindasug sas Muab kata sik fagfawangun ke ngay bakyang at mabalu fag awang. Ay kabalu kyangay at kindasug sas Kir-Kareset.

Isayas 8:19

“Tiba ginan ban e lumong ayu te, ‘Eti sik foyungan sa sangay tagfangufit ay sa sangay tagbalawvn gibugan, dewa katanya, lag gfakamulun takatanya. Nu bunway nu get am gubuk, fasai tua ay Dius. Ay wain ay fagsaun yay ngay kinbul ay fagnangintoan sabaliwa ngay tagleleg?’

Eremyas 48:20

Ay kanya ro fagayu gbalus ayu te, ‘Muab anrasras wan ay anke fakaplaun. Uroi ay waywayi ay fadungugi sas Arnun te, talun Muab anrasras wan.’

Eremyas 48:31

Nu katanya, gwayway au laman sa sangay taw Muab ay sa sangay taw Kir-Kareset.