Isayas 16:6 - Fanawbuid tagsibaliwas Fakayabian

⁶ Nadungug ami te, maksvn wan ngay taw Muab nu kamatungudun. Maksvn wan nu kamalabi ay nu kamabatun, dewa katanya, we tungkul at fakamatungudunun.

Isayas 16:6 ပူးပေါင်းရင်းမြစ်များ

Fangatulun 21:24

Sik taw takamatungudun ay takamabo umtoglag te, sik takamalingun, ay nu katanya, maksvn wan at fakamatungudunun.

Isayas 15:1

Katatuy at foyungan sabaliwas Muab: Kaduge way ban sik yabi nu e grasras furuan Ar ay Kir, talun Muab at fagagbilugun.

Isayas 2:11

Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 25:10

Matuyan wan Yawi gumubuk wa fia ste fag Buksul Siun, ay dewa katanya, namaurianan waban ngay taw Muab. Yawi ban nansiad Muab kata sik nagutan sas fagukasan ifut.

Isayas 25:11

Ay dewa katanya, kafag ngay taw namabulun yay ban nangalangfe kata sik taw tagakalubgubun. Ay dewa katanya, dewa saful gfioan, Yawi namalubgub yay anya. Ay namababa ban anya aroro kamatungudun.

Isayas 28:15

Aroro kamatungudun wayam ay glong te, “E nasadian wami sas fakabulun te, ‘Lag gfabul emi,’ ay e nasadian yangay ami sat ngay kinbul at talun te, ‘Lag gtaban emi sanya.’ Nu katanya, wa ban mi e fagafanawaun dewa umdasug nusnge wain fag faurianan kata sik lugwak, aroro gseg wami em fakamuaganun ay em fagfandayaun te, kanya mafalangfe emi.”

Isayas 28:18

Dewa katanya, wa ban e tungkul ay nasadian sas fakabulun ay ay nasadian yangay sa sangay kinbul at talun. Aroro gafaurianan ban am gina ngay faurianan andasug kata sik lugwak.

Isayas 44:25

Kwa nafafasludan at yud matuyan fag ngay taglong at ngay foyungan. Ay nafayud au e masuad ngay tagfangalga at nafangalga takadasug ban, ay nasalag au at ke ngay fagsafulun at ngay longan, nu katanya, wa nke masuad at fagsafulun.

Eremyas 48:14

Ngay taw Muab kamatungudun te, at ngay tagfawayan maseganama nu gfawayan.

Eremyas 48:26

Falangui wan Muab aroro kanya natalyuyan angku. Ay kanya gtaygilidan sit sadili fangkok ay e gfalingun anya.

Eremyas 48:42

Talun Muab karasras wan aroro natalyuyan Yawi.

Eremyas 50:36

Ay namaurianan yangay takamuagan fag ngay taglong ay kanya fagayu umsik yud e fagsafulun! Ay namaurianan yangay at ngay tagfawayan, ay kanya fagayu umlimu maksvn!

Amus 2:1

Katatuy Yawi at longan sabaliwas Muab: “Ngay taw Muab gfataglayun way gugat nu gasalanan, nu katanya, namaurianan kban anya fagayu. Kanya fagayu nairug Edum at fun at ngay butul yakmay andafug.

1 Pedru 5:5

Ay am fag ngay baguama, faningi tua ay ngay fagtainan bale fakafulan. Ay fagayu am fadfababaunani tua, aroro marirukan sis Dius at Longan te, “Dius gsalag fagayu taw takamatungudun, ay ggubuk fagayu takamababaun.”