Isayas 16:4 - Fanawbuid tagsibaliwas Fakayabian

⁴ Fabanwani emi si ay talun ay balabagi emi siginan sa ngay taw takaylat namabul emi.” Takamalingun ay takamabul umkalyam wan, ay wa ban e gfawayan ya talun Israel.

Isayas 16:4 ပူးပေါင်းရင်းမြစ်များ

Isayas 14:4

namalingun ban am Babilunya at fun. Katatuy ban ay nalong: “Katsi nababawan wan ebi fag fun takamaidapan, ay anragang wan nu kamalingun.

Isayas 15:6

Fagayu liskung sis Nimrim anlanggang wan. Ay fagayu at makmak anlangke wan, ay we gtugbung ya.

Isayas 25:10

Matuyan wan Yawi gumubuk wa fia ste fag Buksul Siun, ay dewa katanya, namaurianan waban ngay taw Muab. Yawi ban nansiad Muab kata sik nagutan sas fagukasan ifut.

Isayas 33:1

Afanyuan am fag ngay tagrasras, am at yud batang e nagdalanan takatanya. Afanyuan am fag ngay takamabo, am at yud batang e nagdalanan nu e kamabo ayu. Ay nu ntabu wam grasras ay kamabo, am yangay ban at fagrasrasun ay at fakamaboan.

Isayas 49:26

Namaon kban sa sangay taw at nafalingun emu at sadili bilug, ay kanya ban fagayu umkata sik ngay tagalangu aroro nainum at sadili taguk. Nu katanya, fagayu ban taw sumaful te, au wan Yawi, at nafalangfe ay at nafalfas emu, Akub at Dius at mabalyanan.”

Isayas 51:13

O wam gamatang ya angku? Au oma at nawat ayu. Au wan at narafad banwa ay au yangay at nawat fagfatungkudan fagdaul daga. Wain ay fakalimuun yay gugat ngay taw takadotama ay tagfalingun ayu? Ay kanya ban fagayu wa kadotama ya ayu, laman di e gfaurianan ya ayu.

Isayas 54:14

Ay umkaksvn tua ban o aroro am ngay taw ban at ugali matuyan tua. Ay am ngay fawayan ban lumagyu emu, nu katanya di ban am e fakalimuun ya, ay kanya ban fagayu wa manangakbang ya sa emu laman namalimu.

Isayas 58:7

Foni fakonun sas fagayu takalunus, fasakboi sa ay ngay bale at yud e kwa, foni lanbung sat yud e lanbung, ay gubuki ay ngay kalongan.

Isayas 9:4

Aroro gfalfas ban o am ngay taw siginan nu gafagsuguanan. Ay namalfas ban o anya fagayu kata ban sik ngay fagbaugun, nanlifung ban o at ngay fantungud liug ay anggan at famalang anya fagayu. Namakamulun ban o takatanya, kata ebi am nafakamulun gina o gbabo ngay taw Midyan.

Eremyas 40:11

Ay fagayu taw Udyu at nalagyu sas Muab, Amun, Edum ay sa tiba yak talun nadungug te, fun Nabukudunusur e nafamato yay tibak tagbanwan sis talun Uda, ay nafili Gedalya, Akikam at baguama, Safan at fufu, laman sik fun sirut sanya.

Eremyas 48:18

Am fag ngay taw Dibun, fababauni ay nanmalunggung am sas dafug aroro at narasras talun Muab namawayan yangay ban ayu, ay nanrasras yangay ban ay ngay furuan ayu daul ke ngay alad.

Eremyas 48:8

Kadasug ban at nanrasras sa ay ngay furuan ay wa ban e kalangfe ya. Ay fagayu ban furuan tagsisad datag ay tagsis tungud buksul fag datag umrasras wan. Umfasludan ban takatanya aroro Yawi wan at nalong.

Ubadyas 1:14

Wam nangus nanamalabag sa sangay sagbatan laman namabul at nalagyu siginans Erusalem. Ay gina kanya fagayu gidapan, wam nangus nanamon anya sat ngay fawayan.

Sakaryas 10:5

Kanya fagayu gadgaloan kata ngay tagfawayan at mabitsug tagbabo at ngay fawayan ay gsiad kata lifak si sangaba dalan. Kanya fagayu makatu gfawayan aroro galo au anya, ay namabo ngay tagakabayuan.

Sakaryas 9:8

Namanwan au si ku bale laman we namauri. We mafadog ya namauri ku ngay taw aroro gdiri ktua ban gugat anya fagayu.”

Malakyas 4:3

Gina kban gfafasludan takatanya fagayu, gfabul ban am fagayu taw at mauri kata nu gsiad am lukbu.

Lukas 21:24

Tibak taw umbul ban sas fiso, ay tiba e gtaban ban sa tibak talun. Ay at yud Udyu fag ngay taw namabo ban furuan Erusalem, yakmay ban antabu Dius at nafalganan fag buknga laman sa kafag ngay taw.”

Ruma 16:20

Dius takamon fagmanabayanun munakbang wan nu gfasa ay daga darafa ay fawayan Satanas. Sumawa nangus fia ayu tam Fun Isus at fagmagalangun.

Deuterunumyu 24:14

Lag am kamuagan ay ibama fag ngay taw Israel fag ngay tagfakamulun at maidap, ay dewa sik betaw tagbanwan si ay furuan.

At Nafasure 11:2

Ay lag o namasud ya sas Dius at ligung bale, aroro sanya nafon wan sa sangay taw at yud natoglag Dius. Ay kanya ban fag ngay taw nangiklas furuan Erusalem, kaduge ufatk safulu e duak magdanun.