Isayas 16:12 - Fanawbuid tagsibaliwas Fakayabian

¹² Fanlufuy way ngap ngay taw Muab nu gfoyfolian sat ngay bale fagnansegan sa tangabat fag afud daga. Ay anggan we fanambagun nu nanlao gugat sas bale fagnandaranginan laman nandarangin.

Isayas 16:12 ပူးပေါင်းရင်းမြစ်များ

1 Fun 11:7

Ay Sulumun nafawat sik fagnansegan sa sik buksul sabaliwas Erusalem at fakamenitan, laman sas Kemus, taw Muab at fagsegan at maksvn nu mauri, ay laman sas Mulek, taw Amun at fagsegan at maksvn yangay nu mauri.

1 Fun 18:29

Ay dewa nlangfe wan swabilug menit, kanya fagayu gfataglayun yay guro dewa anlangfe wan nu gfon fanggalangun sfafun, ay dewa katanya we nabalus ya anya fagayu.

2 Fun 19:12

Ku ngay mangaguyang nafamin ngay taw tagsi sangay talun Gusan, Karan, Resef ay anggan ngay taw tagbanwan sis Eden tagsis Tel-Asar. O nunda sanya fag ngay talun at ngay dius nafalangfe anya?

2 Fun 3:27

Nu katanya, Muab at fun nabuba at sisian taguna, fantubus ma anya laman sik fun, ay nairug sis tungud alad laman at fanggalangun. Ngay taw Israel nu nalag takatanya, kanya fagayu ankuri maksvn, ay nafabayan wan Muab at fun ay noli wan sat talun.

Fangatulun 1:28

Ay gina ban am guro angku, kwa ban gbalus ayu. Grvbvy ban am angku, dewa katanya, wa ban am lumag.

Isayas 15:2

Ay fagayu taw Dibun naundaud sat dius at bale ay sat ngay bale fagnansegan sa tangabat fag buknga laman nanwayway sanya. Fagayu taw Muab kabalu Nebu ay Medeba. Ay fagayu taw tagsanya naufo at alfuyu ay at ngay umi sik famasaful te, kabalu.

Isayas 16:13

Katanya ebi Yawi at nalong sabaliwas Muab.

Isayas 26:16

Yawi, nafaurianan o am ngay taw, ay gina gaidapan, nanangakbang tua sa emu ay nadarangin tua.

Isayas 37:38

Sik menit, kaduge Senakerib gseg at fagsegan Nisruk sit bale fagnansegan, at baguama fagdua Adramelek ay Sareser nafabul anya siginans fiso ay duksay nalagyu sas talun Ararat. Ay at baguama Esarkadun at natubus anya laman sik fun.

Isayas 47:13

Kalufuy wo gamatangan tibak taw at ngay fangatulun sa emu. Fae foyungi sa am iba at ke fagsafulun sabaliwa ngay galeme, ay tagfoyung kayu magdanun sabaliwa at kumfasludan. O nunda kanya namalangfe emu siginan takadasug ban?

Eremyas 10:5

At ngay fagsegan kata sik taw famalimu manuk tungud sis gamasun. Ngay taw namuba way aroro wa gleleg. Lag am kalimu kafag ngay fagsegan aroro wa mafakamulun at mauri ay wa yangay mafakamulun at masine.”

Eremyas 48:13

Ngay taw Muab ban at fagsegan Kemus gfae fakaplaun anya fagayu, kata at kinfasludan sis Betel, ngay taw Israel nu kae fakaplaun aroro sat fagsegan.

Eremyas 48:35

Namaragang kwan ngay tagfon fanggalangun nu gfon fanggalangun sa sangay tungud buksul fag ngay bale fagnansegan, ay nu nangirug at famaebebanglu sat ngay fagsegan. Au, Yawi, taglong tuy.

Eremyas 48:46

Ngay taw Muab, afanyuan am! Am fag ngay taw tagseg Kemus fag fagsegan, e nantaban wan ay ngay sisian.

Eremyas 48:7

Ngay taw Muab, nu gafanud am sa way ay fagmakatuun ay sa ay ngay ramraman. Nu katanya, e tumaban ban ayu gasfuan ay fagsegan Kemus ay anggan at ngay tagfon fanggalangun ay at ngay tagfangguna.

Tap 21:28

Ginanya, Kesbun at ngay tagfawayan namawayan kata sik tagbia fag afuy, ay nafamin furuan Ar sis Muab fag talun ay naiklas at tangabat fag ngay talun sis Arnun.

Tap 22:39

Sanya ginan, Balaam nanangalo Balak sas Kiryat-Kusut.

Tap 22:41

Ay balabag di, Balak nataban Balaam sas Bamut-Baal ay kanya nabanawan sanya ngay taw Israel.

Tap 23:14

Nu katanya, Balak nataban Balaam sa sik gamasun tagsis Supim, sis tungud buksul Pisga ay kanya nafawat sanya fituk fagirugan fanggalangun, ay nairug sik riangan baka ay sik tama tupa sis galay fagirugan.

Tap 23:28

Nu katanya, Balak nataban Balaam sas tungud buksul Peur, nu inda kanya gbanawan talun at yud e taw.

Tap 24:17

Nalag au si ku taginfan at yud yay anfasludan. Sik fun ban tagsiginans Akub at kasugfunanan namagtainan sas Israel. Ay kanya ban gfamin ngay taw Muab ay Set at ngay kasugfunanan fagayu.