Isayas 16:10 - Fanawbuid tagsibaliwas Fakayabian

¹⁰ Nalyam way siginan sa ngay tanuman rawvg fagusegananun, aroro e nafamin wan at ngay masine fag tanuman. Ay we galubad ya ay we gfanguroan sas wa tanuman wat ubas. Ay we fagturisan rawvg laman at fanginum. Yawi nafaragang wan nu guseganan gfanguroan.

Isayas 16:10 ပူးပေါင်းရင်းမြစ်များ

Ub 24:11

Ay kanya fagayu gintvs oma gugat ulibu ay ubas at rawvg, dewa katanya, kadanum yay gugat.

Isayas 24:11

Fagayu ban taw guro sa sangaba dalan, grvbvy fanlangu. Ay at fagusegananun ban umsik fakabaluun. Ay sas fagdaul daga we fagmanabayanun ya.

Eremyas 48:33

Sis talun Muab we guro ya guseganan ay gfanagsag sa sangay gamasun ay sa sangay tanuman wat ubas. Ay we gfamilugan ya sit ngay fagturisan. Ay we guro ya guseganan gturis sa sangay fagturisan. E guro yay oma dewa katanya, bunwa te, guseganan.

Uel 1:12

Ngay tanum wat ubas ay fagayu, kayu kata igus, ay pumigranata, ay layag ay mansanas anyango wan. Nu katanya, fagayu taw we fagmanabayanun ya.

Amus 5:11

Gfalingun am ngay taw at yud e kwa ay gbul am at ngay gutluan. Nu katanya, wa ban am manamanwan say nawat fag bale daul, ay wa ban am mainum fanlangu siginan ay ngay tanum wat ubas.

Amus 5:17

Ay e gwayway yangay ban sa sangay tanuman wat ubas. Umfasludan ban sa ayu takatanya aroro namaurianan kban ayu. Au, Yawi, taglong tuy.”

Amus 9:13

Yawi nalong sa sangay taw Israel te, “Umdasug ban at buknga ngayu ban takagutlu, ay gina ban ggutlu, gdog wa gfalganan fagtanuman. Ay gina ban gturis ubas at rawvg, gdog wa gtanum. Ay nu kabanawan sa sangay buksul, ngayu ubas at rawvg, ay kafag ngay rawvg at mamam kata nu gfamilugan.

Sefanias 1:13

Tiba ban ktaw nangago kafag ngay taw at fagagbilugun ay nangiklas at ngay bale. Bunwa ban kanya ya at namanwan sat ngay bale. Ay bunwa yangay ban kanya ya at nanginum at fanginum siginan at tanuman wat ubas.”

Tagfangguna 9:27

Gina fanrawvgan ubas, ngay taw nawat fanlangu siginans rawvg ubas. Ay kanya fagayu anke fagmafulun ay nafauseganan at fagsegan sit fagsegan at bale. Ay kaduge kon ay ginum fanlangu, ngay taw gfalingun Abimelek.