Isayas 15:5 - Fanawbuid tagsibaliwas Fakayabian

⁵ Anbalu au at kinfasludan sas Muab. Fagayu at nalagyu andasug sas Suar ay sas Eglat-Selisya. Fagayu taw gwayway kaduge gundaud sas Luit. Ay tibak taw maksvn nu gwayway gina glao sas Kurunaim, aroro at kinfasludan sa anya.

Isayas 15:5 ပူးပေါင်းရင်းမြစ်များ

Fakasigadan 13:10

Ay Lut nabanawan ay nalag te, sis datag Urdan sitsigons talun Suar ngayu at liskung, ay ngayu fag tanum kata tanuman Eden, ay kata Igiptu fag talun. (Ginanya Yawi ya nafaurianan Suduma ay Gumura.)

Fakasigadan 14:2

namawayan Bera, Suduma at fun, ay Birsa, Gumura at fun, ay Sinab, Adma at fun, ay Semeber, Sebuyim at fun, ay Bela fag furuan at fun. (Bela at ngayan yangay te, Suar.)

Fakasigadan 19:22

Agvd, fagayu am, lagyui sanya fag furuan sirut, aroro kya ro gfakamulun yakmay am andasug sanya.” Kafag furuan at ngayan Suar aroro kanya alay way fag furuan.

2 Samwel 15:23

Ay gina Dabid ay at ngay fagsuguan glao sis furuan Erusalem, ngay taw maksvn nu gwayway. Ay Dabid ay anggan at ngay fagsuguan nalao sas Liskung Kidrun, tagsas talun at yud e taw.

2 Samwel 15:30

Dabid gwayway gundaud sas buksul Ulibu, ay wa galapakan ya ay natabun at alfuyu laman gfalag te, kabalu. Ay anggan at ngay fadgaloan natabun yangay at ngay alfuyu ay gwayway.

Isayas 16:14

Ay katsi, katatuy at longan, “Nu nlangfe tuluk banwa umkalyam wan talun Muab at ngay ramraman, ay fagayu ban at taw umkapla. Wa ban ngayu at kumsawad tagleleg sanya ay kanya ban fagayu momuy.”

Isayas 22:5

Aroro tam Fun, Yawi at Mabalyanan, nafalganan sik menit laman ngay taw ban gbarisanan ay glagyu sis tagubungan nu inda nu glag ngay taginfan. Sanya ban fag furuan at ngay alad umrufa wan, ay ngay taw tagbanwan sanya guro sas buksul te, “Gubuki emi.”

Isayas 59:7

Gabanganan am namakamulun at mauri ay gfabul am at yud e asalanan. Kabavn ay amatanganan mauri way, ay nusnga nday am, wam e nafakamulun masine nu bunway fagmauriun way lang.

Eremyas 13:17

Ay yayam gugat kaylat gdungugan, nanwayway au yud mafatoglagan aroro siginan ay fakamatungudunun. Nanwayway au maksvn ay ku liasun ganting, aroro e nantaban wan Yawi at nafili fag ngay taw.

Eremyas 17:16

Yawi, nafakamulun au am nafatigwanan sa angku fag fakamulun laman sik tagalaga am ngay taw. Kwa kaylat nu gfauri o anya fagayu. Saful way o ku ngay nalong.

Eremyas 4:19

“Kwa magwanta ya gamatangan ku ngay fagidapun at kaksvnan nu maidap. Ku dubdub gsubsubuan ay kwa kagwanta ya. Aroro nadungug au sik budyung at awang ay sik uro siginans fagawayanan.

Eremyas 4:20

Gdoddogan faurianan nu kadasug, ay fagdaul talun anrasras wan. Anggan ku ngay bale ramit anrasras yangay.

Eremyas 48:3

Dungugani ngay taw Kurunaim nu guro aroro maksvn wan sanya nu gawayan ay nu e gfaurianan anya fagayu.

Eremyas 48:5

Ngay taw Muab maksvn nu gwayway gina gundaud sas furuan Luit ay gina gtagbung sas furuan Kurunaim. Ay kanya fagayu gwayway aroro sat maksvn fag faurianan.

Eremyas 50:46

Ay at kaksvnan ban ngay taw Babilunya nu gatabanan, daga guigan ay kanya ban fag ngay taw nu gwayway kadungug sas fagdaul daga.”

Eremyas 9:10

Eremyas nalong te, Nanwayway au maksvn laman sa sangay buksul ay sa sangay fagnamafangonan, aroro at makmak an-gong wan ay we gdalan ya sanya. Ay kwe dungganan ya ngay baka nu guni, ay anggan ngay manuk tungud ay tiba yak mela anyayu wan.

Tap 21:29

Afanyuan wam ngay taw Muab! Am ngay tagseg Kemus, nababawan wam. Kemus nafabayan way lang at ngay sisian gina Sikun, ngay taw Amur at fun gtaban.