Isayas 15:3 - Fanawbuid tagsibaliwas Fakayabian

³ Ay kaduge glao sa sangaba dalan, galanbungan saku, sik famasaful te, gubun at asalanan. Ay maksvn nu gwayway sit ngay tungud bale ay sis fagaweanan.

Isayas 15:3 ပူးပေါင်းရင်းမြစ်များ

2 Samwel 3:31

Sanya ginan, Dabid nalong sas Uab ay sas fagayu taw te, “Girati ay ngay lanbung ay suluni saku fagtoglagan te, kabalu am. Waywayi gina am glao sis fagunan laman namoli Abner at bilug.” Ay anggan fun Dabid nanangalo yangay.

2 Fun 6:30

Ay fun nu nadungug kafag mangena at longan, nagirat at lanbung aroro maksvn nu kabalu. Kaduge kanya sis day alad, ngay taw nalag anya nu masulunan saku sit daga lanbung aroro kabalu.

Isayas 15:2

Ay fagayu taw Dibun naundaud sat dius at bale ay sat ngay bale fagnansegan sa tangabat fag buknga laman nanwayway sanya. Fagayu taw Muab kabalu Nebu ay Medeba. Ay fagayu taw tagsanya naufo at alfuyu ay at ngay umi sik famasaful te, kabalu.

Isayas 22:1

Katatuy at foyungan sabaliwa sik tagubungan nu inda Dius gfalag ngay taginfan: Setain katsi takafasludan? Wain ay fagsiun ay tungud bale?

Isayas 22:4

Fabayani wan nu gwayway au, aroro kabalu au ku ngay kaiban at kinbul. Lag am gfasun ya angku.

Isayas 3:24

Nu katanya, abat ngate kanya fag ngay mangena mabebanglu, basung way. Ay abat ngate at famutus fagwan sik ramit, sik lubid way, ay abat ngate at buk masine, malanu way, ay abat ngate at lanbung masine, saku way, ay abat ngate at kamatan masine, kapla way.

Eremyas 19:13

Fagayu bale sis Erusalem anggan fun Uda at bale gtuyan au te, masuya kata Tufet. Aroro sit ngay tungud bale kanya fagayu nairug ngay famaebebanglu laman sat ngay fagsegan fag ngay galeme, ay sanya yangay nu gfon at fanggalangun fag fanginum laman sa tibak ngay fagsegan.’ ”

Eremyas 48:37

Galay sik taw nafalag te, kabalu siginan nu gfalanu at alfuyu, nu gufo at ngay umi, ay nu gfilas at ngay take ay nu gsulun laman famasaful te, kabalu.

Takabalu 2:10

Ngay tagfangguna sis Erusalem maragangan malunggung sis daga, ay nafasat ngay alfuyu dafug, ay nasulun saku, laman gfalag te, kabalu. Ay at ngay baguina garungan aroro kapla.

Esekyel 7:18

Ay kanya ban fagayu gsulun saku ay gufo at ngay buk laman gfalag te, maksvn nu kabalu. Ay tiba ban ktaw nu glag kafag ngay taw at kamatan, tanan way lang ngayu kabalu ay kalimu.

Amus 8:10

Ay abat ngate ban am guseganan ginam maful, gwayway way ban am, ay abat ngate ban am guseganan galubad, kabalu wayam. Ay namalanbungan kban ayu saku, ay gsugu au ayu te, ufoi ay ngay buk, laman gfalag am ay fakabaluun, kata sik ngay fagtainan tagwayway aroro at sisian tagsesadi anbul. Ay dewa katanya, amaidap yap ban taguyan fag faurianan.”

Mateu 11:21

Ay Isus nalong te, “Ida, furuan Kurasin ay furuan Betsaida at ngay taw. Aroro nu sa di ngap furuan Tiru ay Sidun nu gfakamulun au ku nafakamulun sa ayu at madulo, kanya ro fag duak furuan glugo wan nu gubun at ngay asalanan, ay gsulun saku, ay malunggung sis dafug, laman gfalag te, gubun wan at ngay asalanan.

Deuterunumyu 22:8

Nu kawat am ay ngay bale, fae famalabagi tua ay ngay tungud bale laman nu e ntong sanya ginan bunwa am at ke mamalong.

Santiagu 5:1

Dungugani, am at ngay maramraman. Waywayi ay sidsiduani, aroro umdasug sa ayu ngayuk mauri.

1 Samwel 5:12

Ngay taw at yud anbul, natayukan yangay kafag famaga. Aroro sat kindasug, kanya fagayu maksvn nu gwayway ay at kaksvnan andasug sas banwa.