Isayas 15:2 - Fanawbuid tagsibaliwas Fakayabian

² Ay fagayu taw Dibun naundaud sat dius at bale ay sat ngay bale fagnansegan sa tangabat fag buknga laman nanwayway sanya. Fagayu taw Muab kabalu Nebu ay Medeba. Ay fagayu taw tagsanya naufo at alfuyu ay at ngay umi sik famasaful te, kabalu.

Isayas 15:2 ပူးပေါင်းရင်းမြစ်များ

2 Samwel 10:4

Nu katanya, Kanun nasugu sat ngay fagsuguan te, “Gamati Dabid at ngay fagsuguan.” Ay kanya fagayu nagamat ay naufo at ngay umi ay nagirat at ngay lanbung siginan at fagwan sat daga baliwa ay nafauli wan.

1 Krunika 19:4

Nu katanya, Kanun nasugu sat ngay fagsuguan te, “Gamati Dabid at ngay fagsuguan.” Ay kanya fagayu nagamat ay naufo at ngay umi ay nagirat at ngay lanbung siginan at fagwan sat daga baliwa ay nafauli wan.

Ub 1:20

Ay Ub anlindug ay nagirat at lanbung aroro maksvn nu kabalu. Ay naufo at buk ay namalub sas daga laman gseg Yawi.

Isayas 14:31

Am fag ngay taw Filistia, waywayi maksvn, aroro kadasug wan ay ngay fawayan kata sik anus siginans wala fag alvngvdan, ay tanan mabalyanan.

Isayas 15:3

Ay kaduge glao sa sangaba dalan, galanbungan saku, sik famasaful te, gubun at asalanan. Ay maksvn nu gwayway sit ngay tungud bale ay sis fagaweanan.

Isayas 16:12

Fanlufuy way ngap ngay taw Muab nu gfoyfolian sat ngay bale fagnansegan sa tangabat fag afud daga. Ay anggan we fanambagun nu nanlao gugat sas bale fagnandaranginan laman nandarangin.

Isayas 16:7

Nu katanya, ngay taw Muab nanwayway aroro kabalu at furuan. Kanya ban fagayu gwayway gfandeng aroro nalyam wan at mayayum fag ngay fakonun sis Kir-Kareset.

Isayas 22:12

Ay tam Fun, Yawi at Mabalyanan, nafaidapan ayu laman umke fakabaluun am, ay gwayway am, ay gfalanu ay ngay alfuyu, ay nangalanbungan am saku laman sik fagtoglagan te, kabalu am.

Isayas 3:24

Nu katanya, abat ngate kanya fag ngay mangena mabebanglu, basung way. Ay abat ngate at famutus fagwan sik ramit, sik lubid way, ay abat ngate at buk masine, malanu way, ay abat ngate at lanbung masine, saku way, ay abat ngate at kamatan masine, kapla way.

Eremyas 3:21

Sis talun at yud e taw fag ngay tagbudbuksulanun, ngay taw Israel gwayway gfainfanyuan aroro kanya fagayu anyayu ay nalyam angku.

Eremyas 47:2

“E ngay tagfawayan tagsiginans fawalan fag alvngvdan kata sik lugwak at kinkapnu fagdaul furuan. Ay kanya nanrasras kanya fag talun fagdaul, anggan ngay taw tagbanwan sanya. Ngay taw ban maksvn nu gudguroan ay nu gwayway aroro kalimu.

Eremyas 47:5

Ngay taw Gasa nanlanu at ngay mesa alfuyu, laman gfalag te, kabalu. Ay ngay taw Askelun ban maragangan way lang aroro sat fakabaluun. Fagayu am tagbanwan sis datag, ginain yaban nu gfilas am ay ngay sadili laman gfalag am te, kabalu am?

Eremyas 48:1

Katatuy Yawi at Mabalyanan, Israel at Dius, at longan sabaliwas Muab: “Afanyuan furuan Nebu aroro e nanrasras wan. Ay furuan Kiryataim umke fakaplaun ay e tumaban ban kafag furuan at ngay taw, ay at fagnansarigan fag bale tangabat karufa wan.

Eremyas 48:18

Am fag ngay taw Dibun, fababauni ay nanmalunggung am sas dafug aroro at narasras talun Muab namawayan yangay ban ayu, ay nanrasras yangay ban ay ngay furuan ayu daul ke ngay alad.

Eremyas 48:31

Nu katanya, gwayway au laman sa sangay taw Muab ay sa sangay taw Kir-Kareset.

Eremyas 48:35

Namaragang kwan ngay tagfon fanggalangun nu gfon fanggalangun sa sangay tungud buksul fag ngay bale fagnansegan, ay nu nangirug at famaebebanglu sat ngay fagsegan. Au, Yawi, taglong tuy.

Eremyas 49:3

“Ngay taw Kesbun waywayi maksvn, aroro furuan Ai anrasras wan. Am fag ngay taw Raba, waywayi yangay ay suluni saku, ay foyfoliani sas tigyangan alad laman gfalag am te, kabalu am. Ay e namuba ban ay fagsegan Mulek, ay e nantaban at ngay tagfon fanggalangun ay at tagfangguna.

Eremyas 7:29

“ ‘Ufoi ay ngay buk ay ukasi ay nagufoan laman gfalag am ay fakabaluun. Waywayani sis talun yud e taw fag ngay tagbudbuksulanun aroro Yawi natalyuyan wan ay nafabayan ayu fag ngay taw at nafadotama anya.’ ”

Esekyel 27:31

Ay gina ban kanya fagayu kabalu, gufo wan at ngay buk ay at ngay umi ay nangalanbungan saku.

Esekyel 30:2

“Taw at baguama, nanlong o ku fagyalongunun sa sangay taw Igiptu. Nanlong o te, au, Fun Dius Yawi, glong au te, waywayi maksvn aroro sa takadasug sa ayu fag faurianan.

Esekyel 7:18

Ay kanya ban fagayu gsulun saku ay gufo at ngay buk laman gfalag te, maksvn nu kabalu. Ay tiba ban ktaw nu glag kafag ngay taw at kamatan, tanan way lang ngayu kabalu ay kalimu.

Lebitiku 13:40

Sik taw nu kalanu at alfuyu, kanya masine.

Lebitiku 21:5

Nu kabalu am, lag gufo ay buk ay ay umi ay lag gfilas ay afud bilug.

Amus 8:10

Ay abat ngate ban am guseganan ginam maful, gwayway way ban am, ay abat ngate ban am guseganan galubad, kabalu wayam. Ay namalanbungan kban ayu saku, ay gsugu au ayu te, ufoi ay ngay buk, laman gfalag am ay fakabaluun, kata sik ngay fagtainan tagwayway aroro at sisian tagsesadi anbul. Ay dewa katanya, amaidap yap ban taguyan fag faurianan.”

Tap 21:28

Ginanya, Kesbun at ngay tagfawayan namawayan kata sik tagbia fag afuy, ay nafamin furuan Ar sis Muab fag talun ay naiklas at tangabat fag ngay talun sis Arnun.

Tap 21:30

Dewa katanya katsi, nababo watam ngay taw Amur. Anrasras wan furuan Kesbun anggan Dibun, Nufa ay Medeba.”

Tap 32:3

“Atarut, Dibun, Aser, Nimra, Kesbun, Elyale, Sebam, Nebu, ay Beun

Tap 32:38

anggan ngay furuan at nafangayan ebi te, Nebu ay Baal-Meun, ay Sibma. Ay kanya fagayu natubus wan kafag ngay furuan at ngay ngayan nu ntabu kawat.

Deuterunumyu 14:1

Am wan tam Dius Yawi at ngay sisian. Nu katanya, nu kabalu am at kinbul, lag am gfilas ay ngay sadili ay lag am gufo ay buk,

Deuterunumyu 34:1

Siginans datag Muab, Muisis naundaud sas buksul Nebu sas tungud buksul Pisga tagsalubang sas Eriku. Yawi nafalag sa anya fagdaul talun siginans Gilyad sitsigons Dan,