Isayas 15:1 - Fanawbuid tagsibaliwas Fakayabian

¹ Katatuy at foyungan sabaliwas Muab: Kaduge way ban sik yabi nu e grasras furuan Ar ay Kir, talun Muab at fagagbilugun.

Isayas 15:1 ပူးပေါင်းရင်းမြစ်များ

2 Fun 3:25

Narasras wan at ngay furuan, ay naukas ngay gang sas fagayu gamasun at masine yakmay nagangun. Natabun wan at ngay bulbug, ay nafuan wan at masine fag ngay fun kayu. Ay furuan Kir-Kareset way lang at sawad, dewa katanya, ngay mangama at ke buba aruranggut naligung kafag furuan ay kanya fagayu nafawayan.

Isayas 11:14

Ay kanya ban fag ngay taw masadi nu namawayan ngay taw Filistia sas fakayabian, ay anggan ngay taw tagsas fakamenitan, nangago at ngay ramraman sanya ginan fag ngay talun. Ay kanya ban nangagbilug ngay taw Edum ay Muab, ay namagtainan ngay taw Amun.

Isayas 13:1

Katatuy Yawi at foyungan sabaliwas talun Babilunya, at nafoyung sas Isayas, Amus at baguama:

Isayas 14:28

Gina fun Akas anbul, Dius nafoyung tuy fag foyungan sa angku:

Isayas 16:11

Nu katanya, kabalu au at kindasug sas Muab kata sik fagfawangun ke ngay bakyang at mabalu fag awang. Ay kabalu kyangay at kindasug sas Kir-Kareset.

Isayas 16:6

Nadungug ami te, maksvn wan ngay taw Muab nu kamatungudun. Maksvn wan nu kamalabi ay nu kamabatun, dewa katanya, we tungkul at fakamatungudunun.

Isayas 16:7

Nu katanya, ngay taw Muab nanwayway aroro kabalu at furuan. Kanya ban fagayu gwayway gfandeng aroro nalyam wan at mayayum fag ngay fakonun sis Kir-Kareset.

Isayas 25:10

Matuyan wan Yawi gumubuk wa fia ste fag Buksul Siun, ay dewa katanya, namaurianan waban ngay taw Muab. Yawi ban nansiad Muab kata sik nagutan sas fagukasan ifut.

Isayas 25:12

Ay rumasras ban tangabat ay at maksvn fag alad anggan umrapyag sas daga.

Eremyas 9:26

ngay taw Igiptu, ngay taw Uda, ngay taw Edum, ngay taw Amun, ngay taw Muab, ay fagayu tagbanwan sa tangayayu fag ngay talun tagagangun. At matuyan, kanya fag ngay taw anggan ngay taw Israel kata way nu yud nafae fakatoglagan.”

Tap 21:28

Ginanya, Kesbun at ngay tagfawayan namawayan kata sik tagbia fag afuy, ay nafamin furuan Ar sis Muab fag talun ay naiklas at tangabat fag ngay talun sis Arnun.

Deuterunumyu 2:18

“Katsi fag menit, fagayu am loi wan sas talun Muab at fatuan tagsis Ar.

Deuterunumyu 2:19

Ay nu ndasug am sa sangay taw Amun, sas Lut at ngay kasugfunanan, lag am gfauri ay lag gfawayan, aroro nafon kwan sa anya fagayu kanya fag talun, ay sanya kwe fon ayu nusdi sik afud.”

Deuterunumyu 2:9

Yawi nalong sa angku te, “Lag am nangasalag ay namawayan ngay taw Muab, aroro nafon kwan sa anya fagayu talun Ar, laman at daga, ay sanya kwe fon ayu, nusdi sik afud.”