Isayas 14:7 - Fanawbuid tagsibaliwas Fakayabian

⁷ Sanya ginan ban, fagdaul daga ummanabayan. Ay fagayu ban taw galubad guseganan.

Isayas 14:7 ပူးပေါင်းရင်းမြစ်များ

Alubad. 47:1

Am fag ngay taw sas fagayu talun, fablangani ay mesa daluap! Fauseganani Dius ay alubadi uroi useganani.

Alubad. 98:1

Alubadi sas Yawi sik bagu fag alubad, aroro kanya nafakamulun nusnge wain at madulo, ay siginan at fagmabalyananun ay at fagmabitsugun nababo at ngay fawayan.

Fangatulun 11:10

Sik taw at matuyan nu nke fagmanabayanun, ngay taw guseganan. Ay sik taw mauri gina gafaurianan, ngay taw gfanagsag.

Isayas 21:2

Nalag au sik malimu fag taginfan sabaliwas fakamaboun ay faurianan. Elam ay Medya, fawayani Babilunya! Dius ban namaragang wan Babilunya nu gfaurianan tibak talun.

Isayas 49:13

Banwa, alubadi useganani. Fagdaul daga, useganani! Ngay buksul, alubadi. Aroro Yawi kesug ay gfasun ngay taw tagidapan.

Eremyas 51:48

Ay nu nfasludan ban takatanya, banwa ay fagdaul daga guro guseganan aroro talun Babilunya anrasras wan. Aroro ngay tagfawayan siginans fawalan fag alvngvdan nanrasras wan. Au, Yawi, taglong tuy.

Esekyel 35:14

“ ‘Nu katanya, au, Fun Dius Yawi, glong au te, namasik mabaluanan kban ay talun, ay fagayu ban taw sas fagdaul daga guseganan.

Sakaryas 1:11

Ngay tagakabayuan nalong sas Yawi at tagbarita at malindug sis wabilug ngay kayu mirtu te, “Antunglu wami sas fagdaul daga ay manabayan tua.”

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”