Isayas 14:5 - Fanawbuid tagsibaliwas Fakayabian

⁵ Yawi nafalyam wan at mauri fag ngay fun at fagmabalyananun,

Isayas 14:5 ပူးပေါင်းရင်းမြစ်များ

Alubad. 125:3

At mauri fag taw wa mafagtainan ngaduge sat matuyan fag ngay taw at talun, laman at matuyan fag ngay taw di gfaning at fakamulun.

Fangatulun 28:15

At yud e kwa fag ngay taw wa guseganan nu mauri way at fun, kanya fagayu kata way sik tagfangagat fag liun ay tagfangagat fag mela tagrvbvy at fagnangonun.

Isayas 10:5

Yawi nalong te, “Ida, afanyuan ngay taw Asirya. Kanya ban ku fagnansuguun laman namalag ku fandotaman.

Isayas 13:11

Namaurianan kwan fagdaul daga aroro sat fagmauriun ay anggan ngay tagasalanan aroro sat ngay asalanan. Ay namamin kwan fagayu taw takamatungudun. Ay gfaragang kwan ngay taw nu kamalabi.

Isayas 14:29

“Ngay taw Filistia, lag am guseganan te, anbul wan ebi fag fun at nafawayan ayu, aroro at fantubus anya amafangadotama yap tua at mama, kata sik dot nu nbul, at riangan amaganga yap tua, ay amatarung yap.

Isayas 14:4

namalingun ban am Babilunya at fun. Katatuy ban ay nalong: “Katsi nababawan wan ebi fag fun takamaidapan, ay anragang wan nu kamalingun.

Isayas 14:6

kanya fagayu ebi kadotama gugat ay gfaidapan ngay taw, ay maksvn nu gfaurianan tibak talun.

Isayas 9:3

Yawi, gfayu ban o kanya fag ngay taw, ay gfon ban o sa anya fagayu sik maksvn fag fagusegananun. Kanya ban fagayu guseganan sam daga salubangan kata ngay taw taguseganan gina fanggutluan, ay kata yangay sik ngay taw taguseganan gina gafudan at nabul fag ngay ramraman siginan at nababo fag ngay fawayan.

Isayas 9:4

Aroro gfalfas ban o am ngay taw siginan nu gafagsuguanan. Ay namalfas ban o anya fagayu kata ban sik ngay fagbaugun, nanlifung ban o at ngay fantungud liug ay anggan at famalang anya fagayu. Namakamulun ban o takatanya, kata ebi am nafakamulun gina o gbabo ngay taw Midyan.

Takabalu 1:21

Ngay taw nadungug oma nu gfandeng au, ay dewa katanya, we nafasun angku. Ku ngay fawayan nadungug nu gfaidapan o angku, ay kanya fagayu guseganan way. Yawi, faurianani wan anya fagayu laman umke fagidapun yangay kata angku.

Abakuk 1:17

Yawi, o kanya ban fagayu gfataglayun wan nu yud e afanyu nu gtaban ay nu gfauri ngay talun at taw?”